തൃശ്ശൂർ: ഗുരുവായൂരപ്പനു സ്വർണ്ണ കിരീടവുമായി തമിഴുനാട് മുഖ്യമന്ത്രി എം കെ സ്റ്റാലിന്റെ ഭാര്യ ദുർഗ സാറ്റാലിൻ. വ്യാഴാഴ്ച്ച ദുർഗ സ്റ്റാലിനുവേണ്ടിയുള്ള സ്വർണ്ണ കിരീടം ഗുരുവായൂരിൽ എത്തുകയായിരുന്നു.14 ലക്ഷത്തിലേറെ രൂപ വിലവരുന്ന സ്വര്ണ കിരീടം ദുർഗ സാറ്റാലിൻ തന്നെയാണ് ഗുരുവായൂരപ്പനു സമർപ്പിക്കുക. ഇതിന്റെ ചിത്രങ്ങൾ പുറത്ത് വന്നിട്ടുണ്ട്. കേരള മുഖ്യമന്ത്രിയുടെ ഉറ്റ സുഹൃത്താണ് എം കെ സ്റ്റാലിൻ. പിണറായി വിജയന്റെ കുടുംബ സുഹൃത്തും കൂടിയാണ് എം കെ സ്റ്റാലിന്റെ കുടുംബം. എന്നിരുന്നാലും വിശ്വാസത്തിന്റെ കാര്യത്തിൽ സ്റ്റാലിന്റെ കുടുംബത്തിനു കടുകിട വിട്ടു വീഴ്ച്ചയില്ല. ഹിന്ദു ദൈവങ്ങളേ മിത്ത് എന്ന് വിളിച്ച് വിവാദം ഉണ്ടാക്കിയ ഇതേ സമയത്ത് തന്നെയാണ് തമിഴുനാട് മുഖ്യമന്ത്രിയുടെ കുടുംബം സ്വർണ്ണ കിരീടവുമായി ഗുരുവായൂരിൽ എത്തിയതും എന്നതും ശ്രദ്ധേയം
സ്റ്റാലിന്റെ ഭാര്യയ്ക്കുവേണ്ടി ശിവജ്ഞാനം എന്ന കോയമ്പത്തൂര് സ്വദേശിയായ ഗോൾഡ് വ്യവസായിയാണ് കിരീടത്തിന്റെ പണികൾ തീർത്തത്.കിരീടം തയ്യാറാക്കുന്നതിനുള്ള അളവ് ക്ഷേത്രത്തിൽ നിന്നും നേരത്തെ ശില്പി വാങ്ങിയിരുന്നു.ഇതിനായി ശില്പി മുമ്പ് ക്ഷേത്രത്തിൽ സന്ദർശനം നടത്തി അധികാരികളുമായി കൂടിയാലോചനയും നടത്തിയിരുന്നു. ഇതിനോടൊപ്പം ചന്ദനത്തിന്റെ തേയ അരയ്ക്കുന്ന മെഷീനും സമർപ്പിക്കും. ഇന്ന് ഉച്ചപൂജയ്ക്കായി നട തുറന്ന ശേഷമാണ് സ്വർണകിരീടം ഭഗവാന് സമർപ്പിക്കുന്നത്. 2 ലക്ഷം രൂപയോളം വിലയുള്ള മെഷീൻ ഇന്നലെ വൈകിട്ട് ഗുരുവായൂരിലെത്തിച്ചിരുന്നു. തൃശൂർ പൂത്തോൾ ആർഎം സത്യം എൻജിനീയറിങ് ഉടമ കെ.എം.രവീന്ദ്രനാണ് ഗുരുവായൂരപ്പന് സമർപ്പിക്കുന്നതിനുള്ള മെഷീന് രൂപകല്പന ചെയ്തത്.