മനാമ: ബഹ്റൈനിൽ അനധികൃത കച്ചവടക്കാർക്കെതിരെ കർശന നടപടിയുമായി അധികൃതർ. ശുചീകരണ കാമ്പയിന്റെ ഭാഗമായി മനാമ സെൻട്രൽ മാർക്കറ്റിൽ തുടർച്ചയായി രണ്ടാം ദിവസവും മുനിസിപ്പൽ ഇൻസ്പെക്ടർമാരുടെ നേതൃത്വത്തിൽ അഴുകിയ പഴങ്ങളും പച്ചക്കറികളും പിടിച്ചെടുത്തു. ചട്ടങ്ങൾ ലംഘിച്ചതായി കണ്ടെത്തിയ അഞ്ച് കച്ചവടക്കാർക്കെതിരെ നിയമപരവും ഭരണപരവുമായ നടപടികൾ സ്വീകരിക്കുകയും 22 കച്ചവടക്കാർക്ക് മുന്നറിയിപ്പ് നൽകുകയും ചെയ്തു.
ഇത് കൂടാതെ കാപ്പിറ്റൽ ട്രസ്റ്റ് ബോർഡിന്റെ കീഴിൽ തെരുവുകളിൽ പഴം പച്ചക്കറി വിൽപ്പന നടത്തുന്നവർക്കെതിരെയും നടപടികൾ ആരംഭിച്ചിട്ടുണ്ട്. റോഡ് സൈഡുകളിൽ അനധികൃതമായി നടത്തുന്ന ഇത്തരം കച്ചവടങ്ങൾ ബഹ്റൈനിൽ നിയമവിരുദ്ധമാണ്.