അറ്റ്ലാന്റ: ട്രംപിന്റെ പ്രസിഡന്റ് തെരഞ്ഞെടുപ്പ് പരാജയം അട്ടിമറിക്കാന് നടന്ന ശ്രമങ്ങള്ക്ക് ജോര്ജിയയിലെ റിപ്പബ്ലിക്കന് ഗവര്ണറായ ബ്രയാന് കെംപ് പിന്തുണ നല്കാതിരുന്നതിന് പ്രതികാരമായി കെംപിനെ പരാജയപ്പെടുത്തുന്നതിന് മുന് സെനറ്റര് ഡേവിഡ് പെര്ഡ്യൂവിനെ ഗവര്ണര് തെരഞ്ഞെടുപ്പില് പിന്തുണ നല്കുമെന്ന് ട്രംപ് പ്രഖ്യാപിച്ചു.
റിപ്പബ്ലിക്കന് പ്രൈമറിയില് നിലവിലുള്ള ഗവര്ണര് ബ്രയാന് കെംപിനെ പരാജയപ്പെടുത്താന് പെര്ഡ്യൂവിന് കഴിഞ്ഞാല് അതിന്റെ മുഴുവന് ക്രെഡിറ്റും ട്രംപിന് മാത്രമായിരിക്കും. ബ്രയാന് കെംപിനെ പിന്തുണക്കുന്നതിന് വലിയൊരു വിഭാഗം റിപ്പബ്ലിക്കന് നേതാക്കള് രംഗത്തെത്തിയിട്ടുണ്ട്.
2021ല് പെര്ഡ്യൂവിന്റെ യു.എസ്. സെനറ്റിലെ കാലാവധി കഴിഞ്ഞു വീണ്ടും തെരഞ്ഞെടുപ്പിനെ നേരിട്ടപ്പോള് ഡെമോക്രാറ്റിക് പാര്ട്ടി സ്ഥാനാര്ഥി ജോണ് ഓസോഫില് നിന്നും പരാജയം ഏറ്റുവാങ്ങേണ്ടി വന്നത് കെംപ് ഡമോക്രാറ്റിക് പാര്ട്ടിയുമായി നടത്തിയ ഗൂഢാലോചനയുടെ ഫലമായിട്ടാണെന്നാണ് ട്രംപ് അനുകൂലികള് കരുതുന്നത്.
ട്രംപിന്റെ 2020 ലെ തെരഞ്ഞെടുപ്പ് പരാജയം അട്ടമിറിക്കുന്നതിന് പ്രവര്ത്തിച്ച ജോര്ജിയ സംസ്ഥാനത്തിന്റെ ശ്രമങ്ങള്ക്ക് വാഷിംഗ്ടണിലെ ഡമോക്രാറ്റുകളുമായി സഹകരിച്ചു ഗവര്ണര് കെംപ് തടയിടുകയായിരുന്നുവെന്നും ട്രംപ് കുറ്റപ്പെടുത്തിയിരുന്നു.
Trending
- കേരളത്തിന്റെ കടമെടുപ്പ് പരിധി കടന്ന്, ധനകാര്യ മാനേജ്മെന്റ് പരാജയം; വിമര്ശിച്ച് നിര്മല സീതാരാമന്
- കനത്തചൂടിന് ആശ്വാസം നൽകി മഴ; പത്തനംതിട്ട, കോട്ടയം, ഇടുക്കി, എറണാകുളം ജില്ലകളിൽ കാറ്റും മഴയ്ക്കും സാധ്യത
- സിദ്ധാർഥന്റെ മരണം: അന്വേഷണം പ്രഖ്യാപിച്ച് ഗവർണർ
- പോലീസ് സ്റ്റേഷന് മുന്നില് പെട്രോള് ഒഴിച്ച് തീകൊളുത്തി ആത്മഹത്യക്കു ശ്രമിച്ച യുവാവ് മരിച്ചു
- ഇഡി അന്വേഷണം പിണറായിക്ക് ഉമ്മന് ചാണ്ടിയെ വേട്ടയാടിയതിന് കാലം കരുതിവച്ച കാവ്യനീതി; അകത്തുപോകുമെന്ന് ഉറപ്പാണെന്ന്; എം എം ഹസന്
- തൊഴിലുറപ്പ് പദ്ധതി വേതനം വര്ധിപ്പിച്ച് കേന്ദ്രസര്ക്കാര്; കേരളത്തിൽ 349 രൂപയാക്കി
- പെസഹ പെരുന്നാൾ ആചരിച്ചു
- ലോക്സഭാ തിരഞ്ഞെടുപ്പ്: ദൃശ്യ ശ്രവ്യ പരസ്യങ്ങൾക്ക് അംഗീകാരം വാങ്ങണം