തൃപ്പൂണിത്തുറ: പർദ്ദ ധരിച്ചെത്തിയ അക്രമി ചിട്ടിക്കമ്പനി ഉടമയെ സ്ഥാപനത്തിൽ കയറി ആക്രമിച്ച് മൂന്നു പവന്റെ മാലയും 10,000 രൂപയും കവർന്നു. പഴയ ബസ്റ്റാൻഡിന് സമീപത്തെ സാൻ പ്രീമിയർ ചിട്ടിഫണ്ട്സ് ഉടമ കീഴത്ത് കെ.എൻ. സുകുമാര മേനോനാണ് (75) ഇന്നലെ രാവിലെ ഒമ്പതരയോടെ ആക്രമിക്കപ്പെട്ടത്.ആക്രമി സുകുമാരന്റെ മുഖത്ത് മുളക് പൊടിയും തക്കാളിസോസും കലർന്ന മിശ്രിതം ഒഴിച്ച ശേഷം കസേരയിൽ നിന്ന് തള്ളി താഴെയിട്ട് കഴുത്തിൽ അമർത്തിപ്പിടിക്കുകയും മുഖത്ത് മർദ്ദിക്കുകയും ചെയ്തു. തുടർന്ന് മാലയും പണവുമായി കടന്നു. അലമാരയിൽ സൂക്ഷിച്ചിരുന്ന 75,000 രൂപ മോഷ്ടാവ് ശ്രദ്ധിക്കാത്തതിനാൽ നഷ്ടപ്പെട്ടില്ല.സ്ഥാപനത്തിലെ ജീവനക്കാർ 10 മണിക്കേ എത്തൂ എന്നും ഉടമ ഒമ്പതിന് സ്ഥിരമായി എത്തുമെന്നും അറിയാവുന്നയാളാണ് കൃത്യം നടത്തിയതെന്ന് പൊലീസ് പറഞ്ഞു. ഇടത് പുരികത്തിലും കൈമുട്ടിലും ചുണ്ടിലും മുറിവേറ്റ സുകുമാര മേനോൻ താലൂക്ക് ആശുപത്രിയിൽ ചികിത്സ തേടി.മുഖം മുഴുവൻ മൂടിയ രീതിയിൽ പർദ്ദ ധരിച്ച ഒരാൾ കഴിഞ്ഞ ദിവസം രാവിലെയും ഇവിടെ എത്തിയിരുന്നതായി പറയപ്പെടുന്നു. വിരലടയാള വിദഗ്ദർ സ്ഥാപനത്തിൽ പരിശോധന നടത്തി. പൊലീസ് സി.സി ടി.വി ദൃശ്യങ്ങൾ കേന്ദ്രീകരിച്ച് അന്വേഷണം ആരംഭിച്ചു.
Trending
- തൃശ്ശൂർ ദേശമംഗലം വരവട്ടൂർ ഭാരതപ്പുഴയിൽ സഹോദരങ്ങൾ മുങ്ങിമരിച്ചു
- കാട്ടാനയ്ക്ക് നേരെ മധുരപലഹാരങ്ങള് എറിഞ്ഞ് പ്രകോപനം; വിനോദസഞ്ചാരികള്ക്കെതിരെ കേസ്
- സിങ്കപ്പൂരില് കോവിഡ് വ്യാപനം രൂക്ഷം; രണ്ടാഴ്ചയ്ക്കുള്ളില് സ്ഥിരീകരിച്ചത് 25,900 കേസുകള്
- ഭിന്നശേഷിയുള്ള കുട്ടിയുടെ സ്കൂള് പ്രവേശനം: നിഷേധഭാവത്തില് പെരുമാറിയ അധ്യാപകനെ സസ്പെൻഡ് ചെയ്തെന്ന് മന്ത്രി
- ചേര്ത്തല പള്ളിപ്പുറത്ത് നടുറോഡില് ഭാര്യയെ ഭര്ത്താവ് കുത്തിക്കൊന്നു
- വിദേശികൾക്ക് നേരെ ആക്രമണം; കിർഗിസ്ഥാനിൽ ഇന്ത്യൻ വിദ്യാർത്ഥികളോട് പുറത്തിറങ്ങരുതെന്ന് എംബസി
- മണ്ണിനടിയിൽ കുഴിച്ചുമൂടപ്പെട്ട 62 കാരനെ നാലാം ദിവസംജീവനോടെ പുറത്തെടുത്ത് പൊലീസ്
- ശോഭാ സുരേന്ദ്രന്റെ പരാതി; ദല്ലാൾ നന്ദകുമാറിനെ ചോദ്യം ചെയ്ത് പൊലീസ്