കോഴിക്കോട്∙ മന്ത്രി പി.എ.മുഹമ്മദ് റിയാസ് ഉദ്ഘാടനം ചെയ്ത കണ്ണോത്ത്-കുപ്പായക്കോട്-ഈങ്ങാപ്പുഴ റോഡ് തകർന്നു. മൂന്നുമാസം മുൻപാണു പൊതുമരാമത്തു വകുപ്പു മന്ത്രി റോഡ് ഉദ്ഘാടനം ചെയ്തത്. എട്ടു മീറ്റർ വീതിയുള്ള റോഡ് നാലു മീറ്റർ വീതിയിൽ തകർന്നു. കഴിഞ്ഞ ജൂലൈ 24 ന് ഇതേ ഭാഗത്ത് റോഡ് തകർന്നിരുന്നു. അന്ന് അറ്റകുറ്റ പണി നടത്തി ഗതാഗത യോഗ്യമാക്കിയ ഭാഗമാണ് വീണ്ടും തകർന്നത്.
