പാമ്പുകടിയേറ്റ് വീണ്ടും മരണം; മരിച്ചത് കണ്ണൂര്‍ സ്വദേശിനി

കണ്ണൂര്‍: കേരളത്തില്‍ പാമ്പുകടിയേറ്റ് വീണ്ടും മരണം. കണ്ണര്‍ പട്ടുവം മുതുകുട കല്ലടത്ത് നബീസ (65) ആണ് മരിച്ചത്.
വെള്ളിയാഴ്ച ഉച്ചയ്ക്ക് വീട്ടില്‍വെച്ചാണ് നബീസയ്ക്ക് പാമ്പുകടിയേറ്റത്. കടിച്ച പാമ്പിനെ കണ്ടെത്താനായിരുന്നില്ല. മരുമകന്‍ വീട്ടിലെത്തിയപ്പോഴാണ് തളര്‍ന്നുകിടന്ന നബീസയെ കണ്ടത്. തുടര്‍ന്ന് തളിപ്പറമ്പ് സഹകരണ ആശുപത്രിയിലും പിന്നീട് പരിയാരം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചെങ്കിലും ഇന്ന് മരിക്കുകയായിരുന്നു. ഭര്‍ത്താവ്: അഹമ്മദ്. മകള്‍: ഫാത്തിമ. മരുമകന്‍: കബീര്‍.