തിരുവനന്തപുരം: ബംഗാള് ഉള്ക്കടലിലെ മിഷോങ് ചുഴലിക്കാറ്റ് തീവ്ര ചുഴലിക്കാറ്റായി ശക്തി പ്രാപിച്ചതായി കേന്ദ്ര കാലാവസ്ഥ വകുപ്പ്. ഇതിന്റെ സ്വാധീനഫലമായി കേരളത്തില് അടുത്ത അഞ്ചുദിവസം ഇടിമിന്നലോട് കൂടിയ മഴയ്ക്ക് സാധ്യതയെന്നും കാലാവസ്ഥ വകുപ്പ് അറിയിച്ചു. അതിനിടെ ചുഴലിക്കാറ്റ് തീവ്രമായ പശ്ചാത്തലത്തില് ആന്ധ്രാപ്രദേശ്, വടക്കന് തമിഴ്നാട്, പുതുച്ചേരി തീരങ്ങളില് ചുഴലിക്കാറ്റ് അവസാന ഘട്ട മുന്നറിയിപ്പായ റെഡ് മെസേജ് നല്കി.നിലവില് തീവ്ര ചുഴലിക്കാറ്റ് മധ്യ പടിഞ്ഞാറന് ബംഗാള് ഉള്ക്കടലില് തെക്കന് ആന്ധ്രാപ്രദേശ്, വടക്കന് തമിഴ്നാട് തീരത്തിനു സമീപം ചെന്നൈയില് നിന്ന് 90 കിലോമീറ്റര് അകലെയായാണ് സ്ഥിതി ചെയ്യുന്നത്. വടക്ക് ദിശ മാറി തെക്കു ആന്ധ്ര പ്രദേശ് തീരത്തിന് സമാന്തരമായി സഞ്ചരിച്ചു നെല്ലൂരിനും മച്ചലിപട്ടണത്തിനും ഇടയില് നാളെ രാവിലെ മണിക്കൂറില് പരമാവധി 110 കിലോമീറ്റര് വരെ വേഗതയില് കരയില് പ്രവേശിക്കാന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.കേരള തീരത്തും തെക്കന് തമിഴ്നാട് തീരത്തും ഇന്ന് രാത്രി 11.30 വരെ 0.5 മുതല് 1.3 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കണമെന്നും മുന്നറിയിപ്പില് പറയുന്നു.
Trending
- ഓടിക്കൊണ്ടിരുന്ന കെഎസ്ആര്ടിസി ബസിന് തീപിടിച്ചു
- ഓടുന്ന ബസിൽ വിദ്യാര്ത്ഥിനിയെ ചുംബിച്ചു; കണ്ടക്ടറെ പിടികൂടി പൊലീസിൽ ഏല്പ്പിച്ച് സഹോദരനും സുഹൃത്തുക്കളും
- പഞ്ചാബ് പ്രവാസികാര്യ മന്ത്രിയുടെ നേതൃത്വത്തിലുള്ള സംഘം മുഖ്യമന്ത്രിയുമായി കൂടിക്കാഴ്ച നടത്തി
- ഫ്രന്റ്സ് സോഷ്യൽ അസോസിയേഷൻ യാത്രയയപ്പ് നൽകി
- അർജുന്റെ കുടുംബത്തിനു നേരെയുള്ള സൈബർ ആക്രമണത്തിനെതിരെ കർശന നടപടി: മന്ത്രി മുഹമ്മദ് റിയാസ്
- ബിഡികെ ബഹ്റൈൻ മെഡിക്കൽ ക്യാമ്പ്
- മൂന്നാം വന്ദേഭാരത്, കൊച്ചി – ബംഗളൂരു സര്വീസ് ജൂലായ് 31 മുതല്
- മലയാളികളായ ഒളിമ്പിക്സ് താരങ്ങൾക്ക് 5 ലക്ഷം വീതം അനുവദിച്ചു