സ്വകാര്യ പ്രാക്ടീസ്; ആലപ്പുഴ മെഡിക്കല്‍ കോളേജിൽ ഡോക്ടര്‍മാർക്ക് സ്ഥലം മാറ്റം

ആലപ്പുഴ: മെഡിക്കൽ കോളേജ് ഡോക്ടർമാരുടെ സ്വകാര്യ പ്രാക്ടീസിനെതിരെ ശക്തമായ നടപടിയുമായി ആരോഗ്യവകുപ്പ്. ആലപ്പുഴ ഗവൺമെന്‍റ് മെഡിക്കൽ കോളേജിലെ ആറ് മുതിർന്ന ഡോക്ടർമാരെ സ്ഥലം മാറ്റി മെഡിക്കൽ വിദ്യാഭ്യാസ വകുപ്പ് ഉത്തരവിറക്കി. മെഡിക്കൽ കോളേജിനെ കുറിച്ചുള്ള പരാതികളുടെ പശ്ചാത്തലത്തിൽ ആരോഗ്യമന്ത്രി വീണാ ജോർജ് ആലപ്പുഴ മെഡിക്കൽ കോളേജ് ആശുപത്രി നേരിട്ട് സന്ദർശിച്ചിരുന്നു. അക്കാലത്ത് പല പോരായ്മകളും കണ്ടെത്തിയതിനെ തുടർന്ന് മെഡിക്കൽ കോളേജിന്‍റെ പ്രവർത്തനങ്ങൾ ശക്തിപ്പെടുത്താനുള്ള ചുമതല മെഡിക്കൽ വിദ്യാഭ്യാസ വകുപ്പ് ഏറ്റെടുത്തു. റിപ്പോർട്ടുകളുടെ അടിസ്ഥാനത്തിലാണ് ഡോക്ടർമാരുടെ സ്ഥലംമാറ്റം.