ഡിജിറ്റൽ സൗകര്യം ഇല്ലാത്തതിന്റെ പേരിൽ പഠിക്കാനുള്ള അവകാശം നിഷേധിക്കപെടുന്നത് സർക്കാരുകൾ ഗൗരവത്തോടെ കാണണമെന്ന് എൻ കെ പ്രേമചന്ദ്രൻ എം പി

കൊല്ലം : അത്യന്താധുനിക സമൂഹത്തിൽ ഡിജിറ്റൽ സൗകര്യം ഇല്ലാത്തതിന്റെ പേരിൽ പഠിക്കാനുള്ള അവകാശം നിഷേധിക്കപെടുന്നത് സർക്കാരുകൾ ഗൗരവത്തോടെ കാണണമെന്ന് എൻ കെ പ്രേമചന്ദ്രൻ എം പി അഭിപ്രായപ്പെട്ടു. പി എൻ പണിക്കർ ഫൌണ്ടേഷന്റെ നേതൃത്വത്തിൽ ലോക സാക്ഷരത ദിനത്തോടനുബന്ധിച്ചു നടത്തിയ സമ്മേളനം ഉത്ഘാടനം ചെയ്യുക ആയിരുന്നു അദ്ദേഹം.

വികസനത്തിലൂടെ ഡിജിറ്റൽ അസമത്വം കുറക്കുക എന്നുള്ളതാവണം നമ്മുടെ മുദ്രാവാക്യം. ഡിജിറ്റൽ വിപ്ലവം നടക്കുന്ന ഈ കാലഘട്ടത്തിൽ നിരവധി വിദ്യാർത്ഥികൾ വെല്ലുവിളി കൾ നേരിടുന്നു ഇതിന് ശാശ്വതമായ പരിഹാരം കാണാൻ പൊതുസമൂഹവും സർക്കാരുകളും കൈ കോർക്കണം. ഫൌണ്ടേഷൻ ചെയർമാൻ പന്ന്യൻ രവീന്ദ്രൻ അധ്യക്ഷൻ ആയിരുന്നു. എൻ ബാലഗോപാൽ, വെള്ളിമൺ ദിലീപ്, എൻ ജയചന്ദ്രൻ, ഗോപി കൃഷ്ണ, ജി ആർ കൃഷ്ണ കുമാർ, ഡി ഗീതാ കൃഷ്ണൻ, ബി എസ് ഗോപകുമാർ എന്നിവർ പ്രസംഗിച്ചു.