ബീജിംഗ്: വെര്ച്വല് റിയാലിറ്റി പ്ലാറ്റ്ഫോമിന്റെ തലങ്ങള് പാര്ട്ടി പരിപാടികള്ക്ക് ഉപയോഗിക്കാന് ഒരുങ്ങി ചൈനീസ് കമ്മ്യൂണിസ്റ്റ് പാര്ട്ടി.പാര്ട്ടി സംഘടന സംവിധാനങ്ങള്ക്കും പരിപാടികള്ക്കുമായി പുതിയ വെര്ച്വല് റിയാലിറ്റി പ്ലാറ്റ്ഫോം ഉപയോഗിക്കാനാണ് പാര്ട്ടി തീരുമാനം. മെറ്റാവേസില് തീര്ത്ത ഈ സംവിധാനം മങ്ക വിആര് എന്ന വെര്ച്വല് റിയാലിറ്റി കമ്ബനിയാണ് തയ്യാറാക്കിയത് എന്നാണ് വിവരം.
ചൈനയിലെ ഉന്നത ഗവണ്മെന്റ് ഉദ്യോഗസ്ഥരുടെ സമ്മേളനം നടത്താനും, പാര്ട്ടി പരിപാടികള് നടത്തനും ആധുനികമായതും തീര്ത്തും പുതിയതുമായ ഇടമാണ് കമ്യൂണിസ്റ്റ് പാര്ട്ടി മൂല്യങ്ങള് വച്ച് നിര്മ്മിച്ച മെറ്റാവേസ്. മീറ്റിംഗുകള്, കോണ്ഫറന്സുകള്, കോഴ്സുകള്, ചരിത്ര പ്രഭാഷണങ്ങള് തുടങ്ങിയ വെര്ച്വല് ഇവന്റുകള് ഈ സിസ്റ്റം വഴി നടത്താന് സാധിക്കും. ഈ സിസ്റ്റത്തില് 3ഡി അവതാരങ്ങളെ സൃഷ്ടിക്കാനും അതിന് അനുസരിച്ച് പരിപാടികളില് പങ്കെടുക്കാനും സാധിക്കും.