നോര്ത്ത് കരോലിന: നോര്ത്ത് കരോലിനാ ആറാമത് കണ്ഗ്രഷ്ണല് ഡിസ്ട്രിക്ടറ്റില് നിന്നും യു.എസ്. കോണ്ഗ്രസ്സിലേക്ക് മത്സരിക്കുന്ന ഇന്ത്യന് അമേരിക്കന് സ്ഥാനാര്ത്ഥി നൈദ അല്ലത്തിന് പിന്തുണ വര്ദ്ധിക്കുന്നു.
ഏഷ്യന് അമേരിക്കന് ആന്റ് പസഫിക്ക് ഐലന്റേഴ്സ്(എ.എ.പി.ഐ), വിക്ടറി ഫണ്ട്, ഇന്ത്യന് അമേരിക്കന് ഇംപാക്റ്റ് ഫണ്ട് എന്നീ പ്രമുഖ സംഘടനകളാണ് പുതിയതായി സ്ഥാനാര്ത്ഥിയെ എന്ഡോഴ്സ് ചെയ്യുന്നതായി പ്രസ്താവന ഇറക്കിയിരിക്കുന്നത്.
എ.എ.പി.ഐ. വിക്ടറി ഫണ്ട് ചെയര്മാന്, നോര്ത്ത് കരോലീനായില് പ്രോഗസ്സീവ് മൂവ്മെന്റിന്റെ ചാമ്പ്യന് എന്നാണ് അല്ലത്തെ വിശേഷിപ്പിച്ചത്. ഇവര് ഉള്പ്പെടുന്ന പ്രദേശങ്ങളില് ജനങ്ങളുടെ പിന്തുണ നേടാനായിട്ടുണ്ടെന്നും അദ്ദേഹം കൂട്ടിചേര്ത്തു. മിഡ്ടേം തിരഞ്ഞെടുപ്പില് വമ്പിച്ച ഭൂരിപക്ഷത്തോടെ ഇവരെ തിരഞ്ഞെടുക്കണമെന്നും അദ്ദേഹം അഭ്യര്ത്ഥിച്ചു.
അമേരിക്കന് ഗവണ്മെന്റില് ഇന്ത്യന് അമേരിക്കന് വംശജരുടെ പ്രാതിനിധ്യം വര്ദ്ധിപ്പിക്കുന്നതിന് ഇവരുടെ ജയം അനിവാര്യമാണ്. ഇന്ത്യന് കമ്മ്യൂണിറ്റിക്ക് ഇവര് നല്കിയ സേവനം വിലമതിക്കാനാവാത്തതാണെന്ന് ഇന്ത്യന് അമേരിക്കന് ഇംപ്പാക്റ്റ് ഫണ്ട് എക്സിക്യൂട്ടീവ് ഡയറക്ടര് നീല് മക്കിജാപറഞ്ഞു.
ഇപ്പോള് ദുറം(Durham)കൗണ്ടി കമ്മീഷ്ണറായ നൈദ അല്ലം കോണ്ഗ്രസ് മെമ്പറായി തിരഞ്ഞെടുക്കപ്പെട്ടാല് പ്രോഗ്രസ്സീവ് പോളിസികള്ക്ക് വേണ്ടി പോരാടുമെന്ന് ഉറപ്പുനല്കി. തന്നെ എന്ഡോഴ്സ് ചെയ്യുന്നതിന് രണ്ടു പ്രധാന സംഘടനകള് മുന്നോട്ടുവന്നതില് അവരെ അഭിനന്ദിക്കുന്നു അല്ലം പറഞ്ഞു.
Trending
- തൃശ്ശൂർ ദേശമംഗലം വരവട്ടൂർ ഭാരതപ്പുഴയിൽ സഹോദരങ്ങൾ മുങ്ങിമരിച്ചു
- കാട്ടാനയ്ക്ക് നേരെ മധുരപലഹാരങ്ങള് എറിഞ്ഞ് പ്രകോപനം; വിനോദസഞ്ചാരികള്ക്കെതിരെ കേസ്
- സിങ്കപ്പൂരില് കോവിഡ് വ്യാപനം രൂക്ഷം; രണ്ടാഴ്ചയ്ക്കുള്ളില് സ്ഥിരീകരിച്ചത് 25,900 കേസുകള്
- ഭിന്നശേഷിയുള്ള കുട്ടിയുടെ സ്കൂള് പ്രവേശനം: നിഷേധഭാവത്തില് പെരുമാറിയ അധ്യാപകനെ സസ്പെൻഡ് ചെയ്തെന്ന് മന്ത്രി
- ചേര്ത്തല പള്ളിപ്പുറത്ത് നടുറോഡില് ഭാര്യയെ ഭര്ത്താവ് കുത്തിക്കൊന്നു
- വിദേശികൾക്ക് നേരെ ആക്രമണം; കിർഗിസ്ഥാനിൽ ഇന്ത്യൻ വിദ്യാർത്ഥികളോട് പുറത്തിറങ്ങരുതെന്ന് എംബസി
- മണ്ണിനടിയിൽ കുഴിച്ചുമൂടപ്പെട്ട 62 കാരനെ നാലാം ദിവസംജീവനോടെ പുറത്തെടുത്ത് പൊലീസ്
- ശോഭാ സുരേന്ദ്രന്റെ പരാതി; ദല്ലാൾ നന്ദകുമാറിനെ ചോദ്യം ചെയ്ത് പൊലീസ്