മനാമ: ബഹ്റൈനിലെ പ്രമുഖ ചാരിറ്റി കൂട്ടായ്മയായ കേരള ഗാലക്സി ബഹ്റൈൻ, ബഹ്റൈൻ മീഡിയ സിറ്റിയുമായി ചേർന്ന് ഓണക്കിറ്റുകൾ കൈമാറി. പ്രസ്തുത ചടങ്ങിൽ ബഹ്റൈൻ മീഡിയ സിറ്റി ചെയർമാനും മാനേജിങ് ഡയറക്ടറുമായ ഫ്രാൻസിസ് കൈതാരത്ത് ഒന്നാംഘട്ട കിറ്റുവിതരണത്തിന്റെ ഉത്ഘാടനം നിർവഹിച്ചു. ചടങ്ങിൽ പ്രമുഖ സാമൂഹിക പ്രവർത്തകിയായ കാത്തു സച്ചിൻ ദേവ് മുഖ്യ സാനിധ്യമായിരുന്നു.
ബഹ്റൈനിലെ ലേബർ ക്യാമ്പുകളിൽ താമസിക്കുന്നവർക്കും ജോലിയില്ലാതെ ബുദ്ധിമുട്ട് അനുഭവിക്കുന്നവർക്കുമാണ് പ്രധാനമായും കിറ്റുകൾ കൈമാറിയത്. കേരള ഗാലക്സി ബഹ്റൈൻ എക്സിക്യൂട്ടീവ് അംഗങ്ങളായ സിബി കുര്യൻ, ജിതിൻ പേരാമ്പ്ര, രാജീവൻ കൊയിലാണ്ടി, വിജയൻ ഹമദ് ടൗൺ, ഷക്കീല മുഹമ്മദലി തുടങ്ങിയവൻ ചടങ്ങിൽ പങ്കെടുത്തു.
ഫണ്ട് സമാഹാരണത്തിന് മുൻകൈയെടുത്തു പ്രവർത്തിച്ച കേരള ഗാലക്സി ബഹ്റൈൻ കൂട്ടായ്മ അംഗങ്ങൾക്ക് ചടങ്ങിൽ കേരള ഗാലക്സി ബഹ്റൈൻ മുഖ്യ രക്ഷാധികാരിയും ബഹ്റൈനിലെ സാമൂഹിക പ്രവർത്തകനുമായ വിജയൻ കരുമല നന്ദിയും അറിയിച്ചു.