വാഷിംഗ്ടൺ: ദിപാവലി ആശംസ അറിയിച്ച് യുഎസ് പ്രസിഡന്റ് ജോ ബൈഡനും വൈസ് പ്രസിഡന്റ് കമലാ ഹാരിസും. ദീപാവലി ആഘോഷിക്കുന്ന ലോകമെമ്പാടുമുള്ള വിശ്വാസികൾക്ക് ആശംസകൾ നേരുന്നു എന്ന് ബൈഡൻ കുറിച്ചു. സുരക്ഷിതവും ആരോഗ്യകരവും സന്തോഷകരവുമായ ദീപാവലി ആശംസിക്കുന്നുവെന്ന് കമല ഹാരിസും കുറിച്ചു. ട്വിറ്ററിലൂടെയായിരുന്നു ഇരുവരും ആശംസ നേർന്നത്.
മിഡിൽ ഈസ്റ്റ് ഹോസ്പിറ്റൽ ചികിത്സക്കായി www.membh.com ക്ലിക്ക് ചെയ്യുക
നേരത്തെ ദീപാവലി ആശംസകൾ നേർന്ന് അമേരിക്കൻ പ്രസിഡന്റ് ഡൊണാൾഡ് ട്രംപും എത്തിയിരുന്നു. അതിന് പിന്നാലെയാണ് ജോ ബൈഡനും കമലാ ഹാരിസും ആശംസകൾ നേർന്നത്. നിലവിളക്കിൽ തിരിതെളിയിക്കുന്ന ദൃശ്യത്തിനൊപ്പമായിരുന്നു ട്രംപിന്റെ ആശംസ.
ദീപാവലിയുടെ ഭാഗമായി പ്രസിഡന്റിന്റെ ഔദ്യോഗിക വസതിയായ വൈറ്റ് ഹൗസിൽ ആഘോഷ പരിപാടികൾ സംഘടിപ്പിച്ചു. ഇതിന്റെ ദൃശ്യങ്ങളും ട്രംപ് ട്വിറ്ററിൽ പങ്കുവെച്ചിട്ടുണ്ട്. നിലവിളക്കിൽ തിരിതെളിച്ചാണ് ട്രംപ് ആഘോഷ പരിപാടികൾക്ക് തുടക്കം കുറിച്ചത്. ആഘോഷപരിപാടിയിൽ ട്രംപിനൊപ്പം വൈറ്റ് ഹൗസിലെ മറ്റ് ഉദ്യോഗസ്ഥരും പങ്ക് ചേർന്നു.