ന്യൂഡല്ഹി: വിവാദ കശ്മീർ പരാമർശത്തില് കെ.ടി ജലീല് എംഎല്എക്കെതിരെ നടപടി ആരംഭിച്ച് ഡല്ഹി പോലീസ്. സബ് ഇന്സ്പെക്ടര് രാഹുല് രവിയെ അന്വേഷണ ഉദ്യോഗസ്ഥനായി നിയമിച്ചു. പാക് അധീന കശ്മീരിനെ ആസാദ് കശ്മീർ എന്ന് വിശേഷിപ്പിച്ച ജലീലിന്റെ നടപടിക്കെതിരെയാണ് കേസ്. ബിജെപി അഭിഭാഷകൻ ജി.എസ് മണിയാണ് ഡൽഹി തിലക് മാർഗ് പോലീസ് സ്റ്റേഷനിൽ കെ.ടി ജലീലിനെതിരെ പരാതി നൽകിയത്. നടപടി ഉണ്ടാകുന്നില്ലെന്ന് കണ്ട് കോടതിയില് ഹര്ജി നല്കുകയായിരുന്നു. രാജ്യദ്രോഹം ഉള്പ്പെടെ ചുമത്തി കേസ് എടുക്കണമെന്നാണ് ഹര്ജിയിലെ ആവശ്യം. കേരളത്തിലെ നിയമനടപടികളില് വിശ്വാസമില്ലെന്ന് ഡല്ഹി കോടതിയിലെ ഹര്ജിയില് ആരോപിച്ചിട്ടുണ്ട്. സബ് ഇന്സ്പെക്ടര് രാഹുല് രവിയെ അന്വേഷണ ഉദ്യോഗസ്ഥനായി നിയമിച്ചതായി പരാതിക്കാരന് ജി.എസ് മണിയെ ഡല്ഹി പോലീസ് അറിയിച്ചു. കശ്മീർ സന്ദർശനത്തിനിടെ കെ.ടി ജലീല് ഫേസ്ബുക്കില് പങ്കുവെച്ച കുറിപ്പിലെ പരാമർശമാണ് വിവാദമായത്. പാക് അധീന ഇന്ത്യയെ ആസാദ് കശ്മീർ എന്നാണ് ജലീല് വിശേഷിപ്പിച്ചത്.
Trending
- ലൈഫ് മിഷന് വീടിന് കൈക്കൂലി വാങ്ങിയ ഓഫീസറെ വിജിലന്സ് പിടികൂടി
- സമസ്ത ബഹ്റൈൻ പൊതുപരീക്ഷയിലെ വിജയികളെ അനുമോദിച്ചു
- ബഹ്റൈൻ സെൻ്റ് മേരീസ് ഓർത്തഡോക്സ് കത്തീഡ്രൽ സൽമബാദ്- ബുദ്ധയ്യ ഏരിയ പ്രയർ ഗ്രൂപ്പ് കുടുംബ സംഗമം നടത്തി
- കേരളത്തിൽ കെസി വേണുഗോപാൽ തന്നെ മുഖ്യമന്ത്രി, ഉപമുഖ്യമന്ത്രി സ്ഥാനം ഉണ്ടാകില്ല
- മസാജ് സെന്ററിലെത്തിയ യുവാവിനെ മർദ്ദിച്ച് മാലയും ബൈക്കും മോഷ്ടിച്ച നടത്തിപ്പുകാരനും 2 സ്ത്രീകളും പിടിയിൽ
- ബഹ്റൈനിൽ സംഘടനകളുടെ മറവിൽ ഫണ്ട് തട്ടിപ്പ്, കള്ളപ്പണം വെളുപ്പിക്കൽ എന്നിവയ്ക്ക് ക്രിമിനൽ നടപടിയും, പിഴയും
- 224 യാത്രക്കാരുണ്ടായിരുന്ന വിമാനം ഇടിച്ചു ഒരാൾ മരിച്ചു; എഞ്ചിന് തീപിടിച്ചു
- തീർത്ഥാടനത്തിനിടെ പുള്ളിപ്പുലി 10 വയസുകാരനെ കടിച്ചുകൊണ്ടുപോയി കൊന്നു
