ഉത്തര്‍പ്രദേശില്‍ ചീഫ് മെഡിക്കല്‍ സൂപ്രണ്ട് കൊറോണമൂലം മരിച്ചു

ലക്‌നൗ : ഉത്തര്‍പ്രദേശില്‍ കൊറോണ വൈറസ് ബാധയെ തുടര്‍ന്ന് ചീഫ് മെഡിക്കല്‍ സൂപ്രണ്ട് ജുനാപൂര്‍ സ്വദേശി ഡോ. എസ് പി ഗൗതം മരിച്ചു. കൊറോണ പ്രതിരോധ പ്രവര്‍ത്തനങ്ങളില്‍ സജ്ജീവമായിരുന്നു ഡോ. ഗൗതം. അംബേദ്കര്‍ ജില്ലാ ചീഫ് മെഡിക്കല്‍ സൂപ്രണ്ടായിരുന്ന അദ്ദേഹത്തെ കൊറോണ വൈറസ് ബാധയെ തുടര്‍ന്ന് ലക്‌നൗവിലെ എസ്ജിപിജിഐ ആശുപത്രിയിലാണ് പ്രവേശിപ്പിച്ചിരുന്നത്. ചികിത്സയ്ക്കിടെ ആരോഗ്യനില വഷളായതിനെ തുടര്‍ന്ന് വൈകീട്ടോടെ മരിക്കുകയായിരുന്നു.