ബോളിവുഡിന്റെ കടുത്ത ആശങ്കകള്ക്ക് ചെറിയൊരളവ് ആശ്വാസം പകരുകയാണ് പുതിയ ചിത്രം ബ്രഹ്മാസ്ത്രയുടെ ബോക്സ് ഓഫീസ് പ്രതികരണം. ആഗോള ബോക്സ് ഓഫീസില് നിന്ന് ആദ്യദിനം 75 കോടി നേടിയ ചിത്രം രണ്ടാം ദിനം 85 കോടിയും നേടി. ഈ വര്ഷം ഏറ്റവും മികച്ച ആഗോള ഓപണിംഗ് നേടിയ ഇന്ത്യന് ചിത്രങ്ങളുടെ പട്ടികയിലും ഇടംനേടിയിട്ടുണ്ട് ബ്രഹ്മാസ്ത്ര. ഈ ലിസ്റ്റില് നാലാം സ്ഥാനത്താണ് റിലീസ് ദിനത്തില് 75 കോടി നേടിയ ബ്രഹ്മാസ്ത്ര. എസ് എസ് രാജമൌലി ചിത്രം ആര്ആര്ആറും പാന് ഇന്ത്യന് കന്നഡ ചിത്രം കെജിഎഫ് ചാപ്റ്റര് രണ്ടും വിജയ് ചിത്രം ബീസ്റ്റുമാണ് ആദ്യ മൂന്ന് സ്ഥാനങ്ങളില്. ആര്ആര്ആറിന്റെ ആഗോള ഓപണിംഗ് 191.5 കോടിയും കെജിഎഫ് 2 ന്റേത് 161.3 കോടിയും ബീസ്റ്റിന്റേത് 84 കോടിയും ആയിരുന്നു. ലിസ്റ്റിലെ ആദ്യ പത്തില് ബോളിവുഡില് നിന്ന് ഒരേയൊരു എന്ട്രിയാണ് ഉള്ളത് എന്നത് കൗതുകകരമാണ്. മറ്റ് ഒന്പത് ചിത്രങ്ങളും തെന്നിന്ത്യയില് നിന്നാണ്. പ്രമുഖ ട്രാക്കര്മാരായ സിനിട്രാക്ക് പുറത്തുവിട്ട ലിസ്റ്റ് ആണിത്. തെന്നിന്ത്യൻ ചിത്രം വിക്രം സിനിമയുടെ ആദ്യ ദിന കളക്ഷന് 61 കോടിയായിരുന്നു. എന്നാല് 70 കോടിയിലാണ് ബ്രഹ്മാസ്ത്ര തുടക്കം കുറിച്ചത്. രണ്ടാം ദിവസത്തെ കളക്ഷന് 85 കോടിയും. രണ്ടുദിവസം കൊണ്ട് 150 കോടി രൂപയാണ് ബ്രഹ്മാസ്ത്ര തീയേറ്ററുകളില് നിന്നും നേടിയത്. ബോളിവുഡ് സിനിമകളുടെ ബോക്സ് ഓഫീസ് തകര്ച്ചക്ക് ശേഷം വലിയ പ്രതീക്ഷകളോടെയാണ് ബ്രഹ്മാസ്ത്ര എത്തിയിരുന്നത്. ബോയ്കോട്ട് ആരോപണങ്ങള് വന്നിരുന്നെങ്കിലും അതിന്റെയൊന്നും ആഘാതം സിനിമക്ക് ഏറ്റിട്ടില്ല.
Trending
- ലോക്സഭ തെരഞ്ഞെടുപ്പ്: അഞ്ചാം ഘട്ട വോട്ടെടുപ്പ് നാളെ; രാഹുലിന്റെ റായ്ബറേലിയും വിധിയെഴുതും
- പത്തേമാരി പ്രവാസി മലയാളി അസോസിയേഷൻ ബഹ്റൈൻ ചാപ്റ്റർ(PPMA Bahrain) രൂപീകരിച്ചു
- തൃശ്ശൂർ ദേശമംഗലം വരവട്ടൂർ ഭാരതപ്പുഴയിൽ സഹോദരങ്ങൾ മുങ്ങിമരിച്ചു
- കാട്ടാനയ്ക്ക് നേരെ മധുരപലഹാരങ്ങള് എറിഞ്ഞ് പ്രകോപനം; വിനോദസഞ്ചാരികള്ക്കെതിരെ കേസ്
- സിങ്കപ്പൂരില് കോവിഡ് വ്യാപനം രൂക്ഷം; രണ്ടാഴ്ചയ്ക്കുള്ളില് സ്ഥിരീകരിച്ചത് 25,900 കേസുകള്
- ഭിന്നശേഷിയുള്ള കുട്ടിയുടെ സ്കൂള് പ്രവേശനം: നിഷേധഭാവത്തില് പെരുമാറിയ അധ്യാപകനെ സസ്പെൻഡ് ചെയ്തെന്ന് മന്ത്രി
- ചേര്ത്തല പള്ളിപ്പുറത്ത് നടുറോഡില് ഭാര്യയെ ഭര്ത്താവ് കുത്തിക്കൊന്നു
- വിദേശികൾക്ക് നേരെ ആക്രമണം; കിർഗിസ്ഥാനിൽ ഇന്ത്യൻ വിദ്യാർത്ഥികളോട് പുറത്തിറങ്ങരുതെന്ന് എംബസി