- ബഹ്റൈന് സ്കൂള്സ് ആന്റ് കൊളീജിയറ്റ് അത്ലറ്റിക് അസോസിയേഷന്റെ ഉത്തരവാദിത്തങ്ങള് വിദ്യാഭ്യാസ മന്ത്രാലയം ഏറ്റെടുക്കും
- ജൈവവൈവിധ്യം: ബഹ്‌റൈനില്‍ ദേശീയ ശില്‍പശാല
- മുനിസിപ്പല്‍ മേഖലയില്‍ ഗള്‍ഫ് സഹകരണം വര്‍ദ്ധിപ്പിക്കുന്നതിന് ബഹ്റൈന്റെ പിന്തുണ: മുനിസിപ്പാലിറ്റി മന്ത്രി
- ബീജിങ് ഇന്റര്‍നാഷണല്‍ യൂത്ത് മീഡിയ ലീഡേഴ്‌സ് പ്രോഗ്രാമില് ശ്രദ്ധേയമായി ബഹ്റൈന്റെ ശബ്ദം
- ഏഷ്യന്‍ യൂത്ത് ഗെയിംസ്: ബഹ്റൈന് ഒരുക്കം തുടങ്ങി
- ‘എന്ഹാന്സിംഗ് ഔട്ട്ഡോര് സ്പെയ്സസ് കൂളിംഗ് ഇന് ബഹ്റൈന്’ മത്സരത്തിലെ വിജയികളുമായി ധനമന്ത്രി കൂടിക്കാഴ്ച നടത്തി
- വിദേശത്ത് ജോലി വാഗ്ദാനം ചെയ്ത് പണം തട്ടി; യുവതി പിടിയില്‍
- സിബിഎസ്ഇ പന്ത്രണ്ടാം ക്ലാസ് പരീക്ഷയിൽഇന്ത്യൻ സ്‌കൂളിന് ഉജ്വല വിജയം
Author: news editor
മനാമ: സിറിയന്‍ പ്രസിഡന്റായി ചുമതലയേറ്റ അഹമ്മദ് ഹുസൈന്‍ അല്‍ ഷറയെ അഭിനന്ദിച്ചുകൊണ്ട് ബഹ്റൈന് രാജാവ് ഹമദ് ബിന്‍ ഈസ അല്‍ ഖലീഫ കേബിള്‍ സന്ദേശമയച്ചു.സിറിയയിലെ ഈ നിര്‍ണായക ഘട്ടത്തില്‍ അഹമ്മദ് ഹുസൈന്‍ അല്‍ ഷറ വിജയിക്കട്ടെയെന്നും സിറിയയ്ക്കും അവിടുത്തെ ജനങ്ങള്‍ക്കും കൂടുതല്‍ പുരോഗതിയും സമൃദ്ധിയും ഉണ്ടാകട്ടെയെന്നും രാജാവ് ആശംസിച്ചു.
വടകര: വടകരയില്‍ കാണാതായ രണ്ടു വയസ്സുകാരിയെ വക്കീല്‍ പാലത്തിന് സമീപം തോട്ടില്‍ മരിച്ച നിലയില്‍ കണ്ടെത്തി. കുറുക്കോത്ത് കെ.സി. ഹൗസില്‍ ഷമീറിന്റെയും മുംതാസിന്റെയും മകള്‍ ഹവ്വ ഫാത്തിമയാണ് മരിച്ചത്.ഇന്ന് കളിക്കുന്നതിനിടെ കുട്ടിയെ കാണാതാകുകയായിരുന്നു. വീട്ടുകാര്‍ നടത്തിയ തിരച്ചിലിനൊടുവിലാണ് കുട്ടിയെ തോട്ടില്‍ മരിച്ച നിലയില്‍ കണ്ടെത്തിയത്. വീടിന്റെ സമീപത്തുകൂടി ഒഴുകുന്ന തോട്ടിലാണ് മൃതദേഹം കണ്ടെത്തിയത്.
മലപ്പുറം: യു.ഡി.എഫ്. നടത്തുന്ന മലയോര പ്രചാരണ യാത്രയില്‍ ക്ഷണിക്കാതെ തന്നെ പങ്കെടുക്കുമെന്ന് തൃണമുല്‍ കോണ്‍ഗ്രസ് സംസ്ഥാന കോ-ഓര്‍ഡിനേറ്റര്‍ പി.വി. അന്‍വര്‍.മലയോരത്തെ കര്‍ഷകര്‍ നേരിടുന്ന പ്രശ്‌നങ്ങള്‍ക്കു പരിഹാരം കാണാന്‍ വേണ്ടിയാണ് സമരം. ഇതില്‍ പങ്കെടുക്കാന്‍ ആരുടെയും ക്ഷണം ആവശ്യമില്ലെന്ന് എടക്കര പോത്തുകല്ലില്‍ പ്രളയബാധിതര്‍ക്കായി മുസ്ലിം ലീഗ് സംസ്ഥാന കമ്മിറ്റി നിര്‍മിച്ച വീടുകളുടെ കൈമാറ്റച്ചടങ്ങില്‍ പങ്കെടുക്കാനെത്തിയ അന്‍വര്‍ പറഞ്ഞു.ക്ഷണിക്കാതെ തന്നെ പങ്കെടുക്കാം. നിലമ്പൂരിലെ സ്വീകരണത്തിലാണ് പങ്കെടുക്കുകയെന്നും അദ്ദേഹം പറഞ്ഞു.മലയോര യാത്രയില്‍ പങ്കെടുക്കാന്‍ അനുവാദം തേടി അന്‍വര്‍ കഴിഞ്ഞ ദിവസം പ്രതിപക്ഷനേതാവ് വി.ഡി. സതീശനെ കണ്ടിരുന്നു. യാത്രയുടെ ഭാഗമായി പ്രതിപക്ഷനേതാവ് മാനന്തവാടിയിലെത്തിയപ്പോഴായിരുന്നു കൂടിക്കാഴ്ച.വന്യജീവി ആക്രമണ വിഷയം ചൂണ്ടിക്കാട്ടിയാണ് താന്‍ എം.എല്‍.എ. സ്ഥാനം രാജിവെച്ചതെന്നും ഈ സാഹചര്യത്തില്‍ വന്യജീവി ആക്രമണം വിഷയമാക്കി നടത്തുന്ന യാത്രയില്‍ ഒപ്പം കൂട്ടണമെന്നും സതീശനോട് അന്‍വര്‍ പറഞ്ഞിരുന്നു. എന്നാല്‍ യാത്രയിലോ മുന്നണിയിലോ സഹകരിപ്പിക്കുന്ന കാര്യത്തില്‍ യു.ഡി.എഫില്‍ ആലോചിക്കാതെ ഒറ്റയ്ക്കു തീരുമാനമെടുക്കാനാവില്ലെന്ന് സതീശന്‍ അറിയിക്കുകയായിരുന്നു.
തൃശൂര്‍: കുട്ടനെല്ലൂരില്‍ യുവതിയുടെ വീട്ടിലെത്തി 23കാരന്‍ തീകൊളുത്തി ആത്മഹത്യ ചെയ്തു.കണ്ണാറ സ്വദേശി ഒലയാനിക്കല്‍ വീട്ടില്‍ അര്‍ജുന്‍ ലാലാണ് മരിച്ചത്. അര്‍ജുന്‍ ലാലും യുവതിയും അടുത്ത സുഹൃത്തുക്കളായിരുന്നെന്ന് അറിയുന്നു. എന്നാല്‍ ഒരു വര്‍ഷത്തോളും ഇരുവരും അകല്‍ച്ചയിലായിരുന്നു.കഴിഞ്ഞ ദിവസം അര്‍ജുന്‍ യുവതിയുടെ ചിത്രം സമൂഹമാധ്യമത്തില്‍ പങ്കുവെച്ചിരുന്നു. യുവതിയും വീട്ടുകാരും അര്‍ജുനെ വിളിച്ച് ചിത്രം നീക്കം ചെയ്യാന്‍ ആവശ്യപ്പെട്ടു. ഇതിന് വിസമ്മതിച്ച അര്‍ജുന്‍, യുവതിയുടെ വീട്ടില്‍ വന്ന് ആത്മഹത്യ ചെയ്യുമെന്ന് ഭീഷണി മുഴക്കിയിരുന്നു.ചൊവ്വാഴ്ച രാത്രി സുഹൃത്തുക്കള്‍ക്കിടയില്‍നിന്നാണ് യുവാവ് യുവതിയുടെ വീട്ടിലേക്ക് പോയത്. വീട്ടുമുറ്റത്തെത്തിയ യുവാവ് വീടിന്റെ ചില ചില്ലുകള്‍ എറിഞ്ഞുടച്ചു. തുടര്‍ന്ന് പെട്രോള്‍ ദേഹത്തൊഴിച്ച ശേഷം സിറ്റൗട്ടില്‍ കയറി തീകൊളുത്തുകയായിരുന്നു.വിവരമറിഞ്ഞെത്തിയ ഒല്ലൂര്‍ പോലീസ് യുവാവിനെ ആശുപത്രിയിലേക്ക് മാറ്റി. ഗുരുതരമായി പൊള്ളലേറ്റ യുവാവ് ചികിത്സയിലിരിക്കെ മരിക്കുകയായിരുന്നു.
മനാമ: അറബ് ലീഗ് ഉച്ചകോടിക്ക് നേതൃത്വം നല്‍കുന്ന ബഹ്റൈന് മതാന്തര, സാംസ്‌കാരിക സംവാദങ്ങള്‍ പ്രോത്സാഹിപ്പിക്കുന്നതില്‍ മുന്‍നിര മാതൃകയാണെന്ന് ഇറ്റാലിയന്‍ പ്രധാനമന്ത്രി ജോര്‍ജിയ മെലോണി ഇറ്റാലിയന്‍ പറഞ്ഞു.ബഹ്റൈനിലും ഗള്‍ഫ് മേഖലയിലെ മറ്റു രാജ്യങ്ങളിലുമുള്ള തന്റെ ഔദ്യോഗിക സന്ദര്‍ശനത്തോടനുബന്ധിച്ച് ഇറ്റാലിയന്‍ മാധ്യമങ്ങളോട് നടത്തിയ പരാമര്‍ശത്തില്‍, സമാധാനപരമായ സഹവര്‍ത്തിത്വത്തിന്റെയും നാഗരിക സംഭാഷണത്തിന്റെയും തത്ത്വങ്ങളെ പിന്തുണയ്ക്കുന്നതിനുള്ള ബഹ്റൈന്റെ ശ്രമങ്ങളെ ഇറ്റാലിയന്‍ പ്രധാനമന്ത്രി അഭിനന്ദിച്ചു.2022ലെ സന്ദര്‍ശനവേളയില്‍ ഫ്രാന്‍സിസ് മാര്‍പാപ്പയ്ക്ക് ബഹ്റൈന് നല്‍കിയ ചരിത്രപരമായ സ്വീകരണം വിവിധ മതങ്ങളും സംസ്‌കാരങ്ങളും തമ്മിലുള്ള ധാരണ വര്‍ധിപ്പിക്കാനുള്ള രാജ്യത്തിന്റെ അചഞ്ചലമായ പ്രതിബദ്ധതയെ പ്രതിഫലിപ്പിക്കുന്നതായും മെലോണി അഭിപ്രായപ്പെട്ടു.വ്യാപാരം, നിക്ഷേപം, വികസനം, തന്ത്രപരമായ പങ്കാളിത്തം വിപുലപ്പെടുത്തല്‍ എന്നിവയിലും പൊതുതാല്‍പ്പര്യമുള്ള പ്രാദേശിക, അന്തര്‍ദേശീയ വിഷയങ്ങള്‍ ചര്‍ച്ച ചെയ്യുന്നതിലും ഇറ്റലിയും ജി.സി.സി. രാജ്യങ്ങളും തമ്മിലുള്ള സഹകരണം വര്‍ധിപ്പിക്കുകയെന്ന ലക്ഷ്യത്തോടെയുള്ള പര്യടനത്തിന്റെ ഭാഗമാണ് ഇറ്റാലിയന്‍ പ്രധാനമന്ത്രിയുടെ മേഖലാ സന്ദര്‍ശനം.
മനാമ: മുംതലക്കത്തിന്റെ കൈവശമുള്ള 51 ശതമാനം ഓഹരികള്‍ നിലനിര്‍ത്തിക്കൊണ്ടുതന്നെ ഗള്‍ഫ് എയറിന്റെ കുറെ ഓഹരികള്‍ സ്വകാര്യ നിക്ഷേപകര്‍ക്ക് വില്‍ക്കുന്നതിനുള്ള സാധ്യത പരിശോധിക്കണമെന്ന നിര്‍ദേശം ബഹ്റൈന് പാര്‍ലമെന്റ് തള്ളി.ഖാലിദ് മുനാഖ് എം.പിയാണ് ഈ നിര്‍ദേശം കൊണ്ടുവന്നത്. വിമാനക്കമ്പനിക്ക് സര്‍ക്കാര്‍ നല്‍കുന്ന സബ്‌സിഡി കുറയ്ക്കാനും പ്രകടനം മെച്ചപ്പെടുത്താനും ലാഭം വര്‍ധിപ്പിക്കാനും സ്വകാര്യവല്‍ക്കരണം സഹായിക്കുമെന്ന സാമ്പത്തിക കാര്യ സമിതിയുടെ ശുപാര്‍ശയെ ഭൂരിപക്ഷം എം.പിമാരും എതിര്‍ത്തു. ഖാലിദ് ബുനാഖിന്റെ നിര്‍ദേശം അംഗീകരിക്കാന്‍ സാമ്പത്തിക കാര്യ സമിതി ശുപാര്‍ശ ചെയ്തിരുന്നു.ഗള്‍ഫ് എയറിന് രാഷ്ട്ര ബജറ്റില്‍ നീക്കിവെക്കുന്ന സാമ്പത്തിക സഹായം കുറയ്ക്കുക, വിമാനക്കമ്പനിയുടെ ഡയറക്ടര്‍ ബോര്‍ഡും എക്‌സിക്യൂട്ടീവ് മാനേജ്‌മെന്റ് ഘടനയും പുനഃക്രമീകരിക്കുക, കമ്പനിയുടെ പ്രകടനവും കാര്യക്ഷമതയും വര്‍ധിപ്പിക്കുക, ലാഭം വര്‍ധിപ്പിക്കുക തുടങ്ങിയ നിര്‍ദേശങ്ങളും സാമ്പത്തിക കാര്യ സമിതി നല്‍കിയിരുന്നു.
മനാമ: ബഹ്റൈന്-റഷ്യ നയതന്ത്ര ബന്ധത്തിന്റെ 35-ാം വാര്‍ഷികത്തോടനുബന്ധിച്ചുള്ള റഷ്യന്‍ സീസണുകള്‍ ബഹ്റൈന് നാഷണല്‍ തിയേറ്ററില്‍ മാരിന്‍സ്‌കി തിയറ്റര്‍ സിംഫണി ഓര്‍ക്കസ്ട്രയുടെ കച്ചേരിയോടെ ആരംഭിച്ചു.വാര്‍ത്താവിതരണ മന്ത്രി ഡോ. റംസാന്‍ ബിന്‍ അബ്ദുല്ല അല്‍ നുഐമി, ബഹ്റൈന് അതോറിറ്റി ഫോര്‍ കള്‍ചര്‍ ആന്റ് ആന്റിക്വിറ്റീസ് (ബി.എ.സി.എ) പ്രസിഡന്റ് ഷെയ്ഖ് ഖലീഫ ബിന്‍ അഹമ്മദ് ബിന്‍ അബ്ദുല്ല അല്‍ ഖലീഫ, റഷ്യന്‍ സാംസ്‌കാരിക മന്ത്രി ഓള്‍ഗ ല്യൂബിമോവ എന്നിവര്‍ ഉദ്ഘാടന ചടങ്ങില്‍ പങ്കെടുത്തു.ഈ സാംസ്‌കാരികോത്സവം ബഹ്റൈനും റഷ്യയും തമ്മിലുള്ള ചരിത്രപരമായ സഹകരണത്തെ പ്രതിഫലിപ്പിക്കുന്നതായി ശൈഖ് ഖലീഫ ബിന്‍ അഹമ്മദ് പറഞ്ഞു. ഇരു രാജ്യങ്ങളും തമ്മില്‍ ആഴത്തിലുള്ള ചരിത്രപരവും സാംസ്‌കാരികവും നയതന്ത്രപരവുമായ ബന്ധം ആഘോഷിക്കുന്നതില്‍ ഇത്തരം പരിപാടികള്‍ക്ക് പ്രാധാന്യമുണ്ടെന്നും അദ്ദേഹം പറഞ്ഞു.2025 ഫെബ്രുവരി വരെ നടക്കുന്ന ഈ പ്രദര്‍ശനം, ബഹ്റൈന് സ്വര്‍ണ്ണപ്പണിയുടെ പരിണാമം കാണിക്കുന്നു. 2000 വര്‍ഷങ്ങള്‍ക്ക് മുമ്പ് ടൈലോസ് കാലഘട്ടത്തില്‍നിന്ന് ഇസ്ലാമിക യുഗത്തിലൂടെ ആധുനിക യുഗത്തിലേക്കുള്ള രാജ്യത്തിന്റെ പ്രയാണം പ്രദര്‍ശനം അടയാളപ്പെടുത്തുന്നു.
മനാമ: ബഹ്റൈന് വാര്‍ഷിക ഫൈന്‍ ആര്‍ട്സ് എക്സിബിഷന്റെ 51ാമത് പതിപ്പിന് ബഹ്റൈന് നാഷണല്‍ മ്യൂസിയത്തില്‍ തുടക്കമായി. കിരീടാവകാശിയും പ്രധാനമന്ത്രിയുമായ സല്‍മാന്‍ ബിന്‍ ഹമദ് അല്‍ ഖലീഫ രാജകുമാരനെ പ്രതിനിധീകരിച്ച് ഷെയ്ഖ് മുഹമ്മദ് ബിന്‍ സല്‍മാന്‍ ബിന്‍ ഹമദ് അല്‍ ഖലീഫ എക്സിബിഷന് ഉദ്ഘാടനം ചെയ്തു.രാജ്യത്തിന്റെ കലാ- സാംസ്‌കാരിക പ്രസ്ഥാനത്തെ സമ്പന്നമാക്കുന്നതില്‍ എക്സിബിഷന് പ്രധാന പങ്കുണ്ടെന്ന് അദ്ദേഹം പറഞ്ഞു. പ്രദര്‍ശനത്തില്‍ പങ്കെടുത്തവര്‍ക്കും സംഘാടകര്‍ക്കും അദ്ദേഹം ആശംസകള്‍ നേര്‍ന്നു.വ്യത്യസ്ത സ്‌കൂളുകള്‍, ശൈലികള്‍, മാധ്യമങ്ങള്‍ എന്നിവയെ പ്രതിനിധീകരിക്കുന്ന ഏകദേശം 70 വിഷ്വല്‍ ആര്‍ട്ടിസ്റ്റുകള്‍ അവതരിപ്പിച്ച കലാസൃഷ്ടികളുടെ വൈവിധ്യമാര്‍ന്ന ശേഖരം അദ്ദേഹം വീക്ഷിച്ചു.ഉദ്ഘാടന ചടങ്ങില്‍ ബഹ്റൈന് വാര്‍ഷിക ഫൈന്‍ ആര്‍ട്സ് എക്സിബിഷനിലെ വിജയികള്‍ക്കുള്ള അവാര്‍ഡുകള്‍ വിതരണം ചെയ്തു. ഹസന്‍ അല്‍ സാരിക്കും അലി കരീമിക്കും വിധികര്‍ത്താക്കളുടെ സമിതി അല്‍-ദാന അവാര്‍ഡ് നല്‍കി. ഇബ്രാഹിം അല്‍ ഗാനേം ആര്‍.എ.കെ. ആര്‍ട്ട് ഫൗണ്ടേഷന്‍ അവാര്‍ഡ് കരസ്ഥമാക്കി. അല്‍ റിവാഖ് ആര്‍ട്ട് സ്പേസിന്റെ ‘നെക്സസ് പ്രോഗ്രാം’ അവാര്‍ഡ് സൈനബ് അല്‍ സബ…
തിരുവനന്തപുരം: പിണറായി സര്‍ക്കാര്‍ കാട്ടിയ അലംഭാവവും കെടുകാര്യസ്ഥതയും കാരണം അവശ്യ സാധനങ്ങള്‍ റേഷന്‍കടകള്‍ വഴി കിട്ടാതെ ദുരിതമനുഭവിക്കുന്ന ജനങ്ങള്‍ക്ക് ആശ്വാസമെത്തിക്കാന്‍ ഉടനടി നടപടി സ്വീകരിക്കണമെന്നാവശ്യപ്പെട്ടും ‘അരിയെവിടെ സര്‍ക്കാരേ’ എന്ന മുദ്രാവാക്യമുയര്‍ത്തിയും ജനുവരി 28ന് കോണ്‍ഗ്രസ് മണ്ഡലം കമ്മിറ്റികളുടെ നേതൃത്വത്തില്‍ റേഷന്‍ കടകള്‍ക്ക് മുന്നില്‍ പ്രതിഷേധ ധര്‍ണ്ണ നടത്തുമെന്ന് കെ.പി.സി.സി. സംഘടനാ ചുമതലയുള്ള ജനറല്‍ സെക്രട്ടറി എം. ലിജു അറിയിച്ചു.സംസ്ഥാനതല ഉദ്ഘാടനം കെ.പി.സി.സി. പ്രസിഡന്റ് കെ. സുധാകരന്‍ എം.പി. തിരുവനന്തപുരം പൂന്തുറയില്‍ രാവിലെ 10.30ന് നിര്‍വഹിക്കും. രാഷ്ട്രീയകാര്യ സമിതി അംഗങ്ങളായ കൊടിക്കുന്നില്‍ സുരേഷ് എം.പി. (കൊട്ടാരക്കര), പി.ജെ. കുര്യന്‍(തിരുവല്ല), തിരുവഞ്ചൂര്‍ രാധാകൃഷ്ണന്‍ എം.എല്‍.എ (കോട്ടയം), കെ.സി. ജോസഫ് (കോട്ടയം), ബെന്നി ബെഹനാന്‍ എം.പി. (ചാലക്കുടി), വി.എസ്. ശിവകുമാര്‍ (പൂന്തുറ), സണ്ണി ജോസഫ് എം.എല്‍.എ. (ഇരിട്ടി), പി.സി.വിഷ്ണുനാഥ് എം.എല്‍.എ. (കുണ്ടറ), റോജി എം ജോണ്‍ എം.എല്‍.എ. (അങ്കമാലി), ഷാനിമോള്‍ ഉസ്മാന്‍(ആലപ്പുഴ ടൗണ്‍), എന്‍. സുബ്രമണ്യന്‍ (തിരുവമ്പാടി), ജോസഫ് വാഴയ്ക്കന്‍(പൂന്തുറ), ബിന്ദുകൃഷ്ണ (കടപ്പാക്കട), ചെറിയാന്‍ ഫിലിപ്പ്(പൂന്തുറ),…
മനാമ: അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായി ബഹ്റൈന് രാജാവ് ഹമദ് ബിന്‍ ഈസ അല്‍ ഖലീഫ ടെലിഫോണ്‍ സംഭാഷണം നടത്തി. പ്രസിഡന്റായി സത്യപ്രതിജ്ഞ ചെയ്ത് അധികാരമേറ്റതിന് ട്രംപിനെ ഹമദ് രാജാവ് അഭിനന്ദിച്ചു.അമേരിക്കയെ കൂടുതല്‍ പുരോഗതിയിലേക്കും സമൃദ്ധിയിലേക്കും നയിക്കാന്‍ ട്രംപിന് സാധിക്കട്ടെയെന്ന് രാജാവ് ആശംസിച്ചു. വിവിധ മേഖലകളില്‍ ബഹ്റൈനും അമേരിക്കയും തമ്മിലുള്ള തന്ത്രപരമായ പങ്കാളിത്തം മെച്ചപ്പെടുത്താനുള്ള തന്റെ പ്രതിബദ്ധത രാജാവ് പരാമര്‍ശിച്ചു. പരസ്പര താല്‍പ്പര്യങ്ങള്‍ നിറവേറ്റാനായി സംയുക്ത സഹകരണം വര്‍ദ്ധിപ്പിക്കുന്നതിന് ബഹ്റൈന് പ്രതിബദ്ധമാണെന്നും അദ്ദേഹം പറഞ്ഞു.ഇരു രാജ്യങ്ങളും തമ്മിലുള്ള ശക്തമായ ഉഭയകക്ഷി ബന്ധത്തെ അഭിനന്ദിക്കുകയും തന്റെ പ്രസിഡന്റായിരിക്കുമ്പോള്‍ ഈ ബന്ധങ്ങള്‍ കൂടുതല്‍ വികസിപ്പിക്കാനുള്ള ആഗ്രഹം പ്രകടിപ്പിക്കുകയും ചെയ്ത ട്രംപ്, അഭിനന്ദനങ്ങള്‍ക്ക് രാജാവിനോട് നന്ദി പറഞ്ഞു.