- കാലാവധി കഴിഞ്ഞ ഭക്ഷ്യവസ്തുക്കള് വിറ്റു; കമ്പനിക്ക് 1,03,000 ദിനാര് പിഴ, നാലു ജീവനക്കാര്ക്ക് തടവ്
- വടകരയില് ലോണ് ആപ്പില്നിന്ന് വായ്പയെടുത്ത യുവാവിനെ കാണാതായി
- ഇളവുകള് നീട്ടി അമേരിക്ക: ഇന്ത്യ ഉള്പ്പെടെയുള്ള രാജ്യങ്ങള്ക്ക് മേയ് 16 വരെ റഷ്യയില് നിന്ന് എണ്ണ വാങ്ങാം
- ബഹ്റൈനില് വിദേശികള്ക്കായി രണ്ടു ഡ്രൈവിംഗ് നിയമഭേദഗതികള് പരിഗണനയില്
- ലെബനനും ഇസ്രായേലും തമ്മിലുള്ള വെടിനിര്ത്തല് പ്രഖ്യാപനത്തെ ബഹ്റൈന് സ്വാഗതം ചെയ്തു
- ബി.കെ.എസ്.എഫും ബി.എം.ബി.എഫും ചേര്ന്ന് നാട്ടിലേക്കയച്ചവര്ക്ക് കൊച്ചി വിമാനത്താവളത്തില് സ്വീകരണം നല്കി
- നിയമവിരുദ്ധ ഹജ്ജ് തീര്ത്ഥാടകര്ക്ക് ഒരു ലക്ഷം റിയാല് പിഴ ചുമത്തും
- ഗുദൈബിയയില് 4,700 ദിനാര് കവര്ച്ച: മൂന്നു പേര് അറസ്റ്റില്
Author: news editor
മനാമ: ബഹ്റൈനില് മദ്യവില്പ്പന നടത്തിയ രണ്ടു കേസുകളിലായി അഞ്ച് ഏഷ്യക്കാരെ പോലീസ് അറസ്റ്റ് ചെയ്തു.മദ്യവില്പ്പനയെക്കുറിച്ചുള്ള വിവരം ലഭിച്ചതിനെ തുടര്ന്ന് അന്വേഷണം നടത്തിയ ശേഷമാണ് ഇവരെ അറസ്റ്റ് ചെയ്തത്. ഇവര് വില്പ്പനയ്ക്കായി കൈവശം വെച്ച മദ്യം പിടിച്ചെടുക്കുകയും ചെയ്തു. നിയമവിരുദ്ധ പ്രവര്ത്തനങ്ങള് തടയാനും പൊതു സുരക്ഷ ഉറപ്പാക്കാനുമുള്ള നടപടികള് തുടരുമെന്ന് പോലീസ് അറിയിച്ചു.
മനാമ: ബഹ്റൈനിലെ ഫിലിപ്പീന്സ് എംബസിയുമായി സഹകരിച്ച് അല് ഹിലാല് ഹെല്ത്ത്കെയര് ഗ്രൂപ്പ് മുഹറഖ് ബോള്റൂമില് വെച്ച് ഹെല്ത്തി പിനോയ് കാമ്പെയ്ന് 2025ന് തുടക്കം കുറിച്ചു.ബഹ്റൈനിലെ ഫിലിപ്പീന്സ് അംബാസഡര് ആനി ജലാന്ഡോ-ഓണ് ലൂയിസ്, കോണ്സല് ബ്രയാന് ജെസ് ടി. ബാഗുയോ, ലേബര് അറ്റാഷെ ഓര്വില് ബല്ലിറ്റോക്ക്, വെല്ഫെയര് ഓഫീസര് ജുവിലിന് ആന്സ് ഗുമാബെ, എസ്.എസ്.എസ് പ്രതിനിധി ജോണ് സിബ്ബലൂക്ക, അസിസ്റ്റന്സ്-ടു-നാഷണല്സ് ഓഫീസര് ലൂസിയ റാമിറെസ്, എംബസി സ്റ്റാഫ് ജൂലിയസ് മാമാക്ലേ, അല് ഹിലാല് ഹെല്ത്ത്കെയര് ഗ്രൂപ്പിലെ മുതിര്ന്ന ഉദ്യോഗസ്ഥര്, സി.ഇ.ഒ. ഡോ. ശരത് ചന്ദ്രന്, വൈസ് പ്രസിഡന്റ് ആസിഫ് മുഹമ്മദ് തുടങ്ങിയവര് ചടങ്ങില് പങ്കെടുത്തു.കഴിഞ്ഞ വര്ഷത്തെ സംരംഭത്തിന്റെ വിജയത്തെ അടിസ്ഥാനമാക്കിയാണ് ഈ വര്ഷത്തെ കാമ്പെയ്ന്. ബഹ്റൈനിലെ ഫിലിപ്പിനോ സമൂഹത്തിന്റെ ആരോഗ്യത്തിനും ക്ഷേമത്തിനും വേണ്ടിയുള്ളതാണിത്. ഹെല്ത്തി പിനോയ് കാമ്പെയ്നിന്റെ ഭാഗമായി ബഹ്റൈനിലുടനീളമുള്ള എല്ലാ ഫിലിപ്പിനോകള്ക്കും ഓഗസ്റ്റ് മാസം മുഴുവന് എല്ലാ അല് ഹിലാല് ശാഖകളിലും സൗജന്യ ആരോഗ്യ പരിശോധനകള് ലഭ്യമാകും.ഔദ്യോഗിക കാമ്പെയ്ന് ഓഗസ്റ്റ് ഒന്നിന്…
മനാമ: വ്യാജ എന്ജിനിയറിംഗ് ബിരുദ സര്ട്ടിഫിക്കറ്റ് ഉപയോഗിച്ച് ബഹ്റൈനിലെ ഇലക്ട്രിസിറ്റി ആന്റ് വാട്ടര് അതോറിറ്റിയില് 13 വര്ഷം ജോലി ചെയ്ത ഏഷ്യക്കാരന് പിടിയിലായി. കേസില് ക്രിമിനല് കോടതി ഓഗസ്റ്റ് 26ന് വിധി പറയും.നിലവിലില്ലാത്ത ഒരു അമേരിക്കന് സര്വകലാശാലയുടെ പേരിലുള്ള സര്ട്ടിഫിക്കറ്റ് ഉപയോഗിച്ചാണ് ഇയാള് ജോലി നേടിയത്. ഇലക്ട്രിക്കല് എന്ജിനിയര് തസ്തികയില് നിയമിക്കപ്പെട്ട ഇയാള്ക്ക് 13 വര്ഷക്കാലത്തെ ജോലിക്കിടയില് സ്ഥാനക്കയറ്റം ലഭിക്കുകയും ചെയ്തു.ഇയാളുടെ അക്കാദമിക് യോഗ്യത പരിശോധിക്കണമെന്നാവശ്യപ്പെട്ട് വിദ്യാഭ്യാസ മന്ത്രാലയത്തിന് ലഭിച്ച ഒരു പരാതിയുടെ അടിസ്ഥാനത്തില് നടത്തിയ അന്വേഷണത്തിലാണ് ബിരുദം വ്യാജമാണെന്നും അതു നല്കിയെന്ന് പറയപ്പെടുന്ന സര്വകലാശാല അമേരിക്കന് സര്വകലാശാലകളുടെ പട്ടികയിലില്ലെന്നും കണ്ടെത്തിയത്. തുടര്ന്ന് ഇയാളെ അറസ്റ്റ് ചെയ്യുകയായിരുന്നു.
മനാമ: ഡിസംബര് 4ന് ബഹ്റൈനിലെ ദി ഡെസേര്ട്ട് ഗാര്ഡനില് ഗായകനും ഗാനരചയിതാവുമായ സ്റ്റീഫന് വില്സണ് ജൂനിയറിന്റെ കച്ചേരി നടക്കും.ബഹ്റൈനില് ആദ്യമായാണ് അദ്ദേഹത്തിന്റെ കച്ചേരി നടക്കുന്നത്. രാജ്യത്തെ പ്രമുഖ ആഗോള വിനോദ കേന്ദ്രമായ ബിയോണ് അല് ദാന ആംഫി തിയേറ്ററാണ് പരിപാടി സംഘടിപ്പിക്കുന്നത്.സ്റ്റീഫന് വില്സണ് ജൂനിയറിനെപ്പോലുള്ള ഒരു അസാധാരണ കലാകാരനെ ബഹ്റൈനില് ആദ്യമായി കൊണ്ടുവരുന്നതില് അഭിമാനിക്കുന്നു എന്ന് ബിയോണ് അല് ദാന ആംഫി തിയേറ്ററിന്റെ ചീഫ് എക്സിക്യൂട്ടീവ് ഓഫീസര് ഡാമിയന് ബുഷ് പറഞ്ഞു. ഇന്ഡി റോക്ക്, കണ്ട്രി, ഗ്രഞ്ച് എന്നിവയുടെ അദ്ദേഹത്തിന്റെ അതുല്യമായ മിശ്രിതം വൈവിധ്യമാര്ന്നതായിരിക്കുമെന്നും അദ്ദേഹം പറഞ്ഞു.സംഗീതക്കച്ചേരിയുടെ ടിക്കറ്റ് വില്പ്പന ആരംഭിച്ചു. ബിയോണ് അല് ദാന ആംഫി തിയേറ്ററിന്റെ വെബ്സൈറ്റായ www.beyonaldana.com.bh വഴി ടിക്കറ്റ്വാങ്ങാം.
മനാമ: ബഹ്റൈനില് മയക്കുരുന്ന് കടത്ത് കേസില് രണ്ടു വിദേശികള്ക്ക് ഫസ്റ്റ് ഹൈ ക്രിമിനല് കോടതി ജീവപര്യന്തം തടവും 5,000 ദിനാര് വീതം പിഴയും വിധിച്ചു. ശിക്ഷ അനുഭവിച്ചതിനു ശേഷം ഇരുവരെയും നാടുകടത്താനും പിടിച്ചെടുത്ത മയക്കുമരുന്ന് കണ്ടുകെട്ടാനും കോടതി ഉത്തരവിട്ടു.ഒന്നാം പ്രതി തന്റെ ശരീരത്തില് മയക്കുമരുന്ന് ഒളിപ്പിച്ച് വിമാനമാര്ഗം രാജ്യത്തേക്ക് കടത്തിയതായി നേരത്തെ അധികൃതര്ക്ക് രഹസ്യവിവരം ലഭിച്ചിരുന്നു എന്ന് ആന്റി നാര്ക്കോട്ടിക് ഡയരക്ടറേറ്റ് അറിയിച്ചു. തുടര്ന്ന് അയാള് വിതരണത്തിനായി മയക്കുമരുന്ന് രണ്ടാം പ്രതിക്ക് കൈമാറി.രാജ്യം വിടാന് ശ്രമിച്ച ഒന്നാം പ്രതിയെ പബ്ലിക് പ്രോസിക്യൂഷന് പുറപ്പെടുവിച്ച വാറന്റിന്റെ അടിസ്ഥാനത്തില് വിമാനത്താവളത്തില്വെച്ച് അറസ്റ്റ് ചെയ്തു. കൂടുതല് അന്വേഷണം നടത്തിയതിനെ തുടര്ന്ന് മയക്കുരുന്നുകളും സൈക്കോട്രോപിക് വസ്തുക്കളും കൈവശം വെച്ച രണ്ടാമത്തെ പ്രതിയെയും അറസ്റ്റ് ചെയ്തു.രണ്ടു പേരെയും ചോദ്യം ചെയ്യുകയും തെളിവുകള് പരിശോധിക്കുകയും ചെയ്തതിനെ തുടര്ന്നാണ് കേസ് ഫസ്റ്റ് ഹൈ ക്രിമിനല് കോടതിക്ക് കൈമാറിയത്.
മനാമ: ബഹ്റൈനില് ചെമ്മീന് പിടുത്തത്തിനുള്ള നിരോധനം ഓഗസ്റ്റ് ഒന്നിന് പിന്വലിക്കുമെന്ന് സുപ്രീം കൗണ്സില് ഫോര് എന്വയോണ്മെന്റ് അറിയിച്ചു.സമുദ്രജീവികളെ സംരക്ഷിക്കാനും പ്രാദേശിക ജലാശയങ്ങളിലെ സന്തുലിതാവസ്ഥ നിലനിര്ത്താനും വേണ്ടിയുള്ള പദ്ധതിയുടെ ഭാഗമായ നിരോധനം ഫെബ്രുവരി തുടക്കത്തിലാണ് ആരംഭിച്ചത്. ജൈവവൈവിധ്യം സംരക്ഷിക്കാനും മത്സ്യബന്ധന പ്രവര്ത്തനങ്ങള് നിയന്ത്രിക്കാനുമുള്ള നടപടികള് ജനറല് ഡയരക്ടറേറ്റ് ഓഫ് മറൈന് റിസോഴ്സസ് തുടരുമെന്നും സുപ്രീം കൗണ്സില് അറിയിച്ചു.നിരോധന കാലയളവില് മത്സ്യത്തൊഴിലാളികളില്നിന്നുണ്ടായ സഹകരണത്തെ അധികൃതര് പ്രശംസിക്കുകയും ഈ സഹകരണം തുടരണമെന്ന് അഭ്യര്ത്ഥിക്കുകയും ചെയ്തു.
സ്പാ-ഫ്രാങ്കോര്ചാംപ്സ്: സ്പാ-ഫ്രാങ്കോര്ചാംപ്സില് നടന്ന ബെല്ജിയന് ഗ്രാന്ഡ് പ്രീയില് ബഹ്റൈന് മുംതലക്കത്ത് ഹോള്ഡിംഗ് കമ്പനിയുടെ ഉടമസ്ഥതയിലുള്ള ടീം മക്ലാരന് ടീം ഇരട്ട വിജയം നേടി.കനത്ത മഴ കാരണം മത്സരം 80 മിനിറ്റിലധികം വൈകിയതിനെത്തുടര്ന്ന് വെല്ലുവിളി നിറഞ്ഞ കാലാവസ്ഥയില് നടന്ന മത്സരത്തില് ഒന്നും രണ്ടും സ്ഥാനങ്ങളാണ് ടീം നേടിയത്.ബ്രിട്ടീഷ് സഹതാരം ലാന്ഡോ നോറിസിനെ മറികടന്ന് ഓസ്ട്രേലിയന് ഡ്രൈവര് ഓസ്കാര് പിയാസ്ട്രി ഒന്നാം സ്ഥാനം നേടി മികച്ച പ്രകടനം കാഴ്ചവച്ചു. സേഫ്റ്റി കാറിന് പിന്നില് ശ്രദ്ധാപൂര്വ്വം റീസ്റ്റാര്ട്ട് ചെയ്തതിന് ശേഷം ആദ്യ ലാപ്പില് തന്നെ പിയാസ്ട്രി ലീഡ് നേടി. നോറിസ് 3.41 സെക്കന്ഡ് പിന്നിലായി ഫിനിഷ് ചെയ്തു. ഫെരാരിയുടെ ചാള്സ് ലെ ക്ലര്ക്ക് മൂന്നാം സ്ഥാനം നേടി.ഈ വിജയം കണ്സ്ട്രക്റ്റേഴ്സ് ചാമ്പ്യന്ഷിപ്പില് 516 പോയിന്റുമായി മക്ലാരന്റെ ലീഡ് ഉയര്ത്തി. 248 പോയിന്റുമായി രണ്ടാം സ്ഥാനത്തുള്ള ഫെരാരിയേക്കാള് വളരെ മുന്നിലാണ് മക്ലാരന്.ഡ്രൈവേഴ്സ് ചാമ്പ്യന്ഷിപ്പില് മക്ലാരന് ഡ്രൈവര്മാര് ആദ്യ രണ്ട് സ്ഥാനങ്ങള് നേടി.
മനാമ: ബഹ്റൈന് രാജാവിന്റെ പത്നി സബീക ബിന്ത് ഇബ്രാഹിം അല് ഖലീഫ രാജകുമാരി അധ്യക്ഷയായ സുപ്രീം കൗണ്സില് ഫോര് വിമന് (എസ്.സി.ഡബ്ല്യു) ബഹ്റൈനി സ്ത്രീകളുടെ പുരോഗതിക്കായുള്ള 2025- 2026 വര്ഷത്തെ ദേശീയ പദ്ധതിക്ക് തുടക്കം കുറിച്ചു.കുടുംബ സ്ഥിരത, തീരുമാനമെടുക്കല്, സാമ്പത്തിക പങ്കാളിത്തം, ജീവിത നിലവാരം എന്നീ മുന്ഗണനാ മേഖലകളിലാണ് പദ്ധതി ശ്രദ്ധ കേന്ദ്രീകരിക്കുന്നത്. നയങ്ങള്, ലിംഗഭേദം കണക്കിലെടുത്ത് ബജറ്റിംഗ്, അവബോധവും പരിശീലനവും, ഓഡിറ്റിംഗും മേല്നോട്ടവും, നിരീക്ഷണവും വിലയിരുത്തലും എന്നീ പ്രധാന മാനങ്ങളിലുള്ള സംരംഭങ്ങള് ഓരോ മേഖലയിലും ഉള്പ്പെടുന്നു.ബഹ്റൈന് ഇക്കണോമിക് വിഷന് 2030, വിഷന് 2050ന്റെ പ്രതീക്ഷകള്, ഗവണ്മെന്റ് പ്രോഗ്രാം, നാഷണല് ജെന്ഡര് ബാലന്സ് മോഡല് എന്നിവയില്നിന്ന് പ്രചോദനമുള്ക്കൊണ്ടാണ് ഈ പദ്ധതി.
മനാമ: ‘ഷോര്ട്ട് ഫിലിംസ് ഗ്രേറ്റ് സ്റ്റോറീസ്’ എന്ന പ്രമേയത്തില് 2025 ഒക്ടോബര് 30 മുതല് നവംബര് 4 വരെ നടക്കുന്ന ബഹ്റൈന് ഫിലിം ഫെസ്റ്റിവല് അഞ്ചാം പതിപ്പിനുള്ള ലോഗോ പ്രകാശനം ചെയ്തു. ബഹ്റൈന് സിനിമ ക്ലബ്ബും ഇന്ഫര്മേഷന് മന്ത്രാലയവും സഹകരിച്ചാണ് മേള സംഘടിപ്പിക്കുന്നത്.കഥപറച്ചിലിന്റെ ആഴത്തില് ശ്രദ്ധ കേന്ദ്രീകരിക്കുന്നതാണ് പുതിയ തീം എന്ന് ഫെസ്റ്റിവല് ഡയറക്ടര് അമ്മാര് സൈനല് പറഞ്ഞു. ഓരോ ഇരിപ്പിടത്തിലും ഒരു കഥ അടങ്ങിയിരിക്കുന്നുവെന്നും ഓരോ നിഴലും വെളിച്ചത്തിനായി കാത്തിരിക്കുന്നത് അതിന്റെ ഭംഗി വെളിപ്പെടുത്തുന്നുവെന്നുമുള്ള ആശയം ഊന്നിപ്പറയുകയാണ് ഈ മേളയുടെ ലക്ഷ്യമെന്നും അദ്ദേഹം പറഞ്ഞു.ഫെസ്റ്റിവലിന്റെ ഔദ്യോഗിക മത്സരത്തിനായുള്ള അപേക്ഷകള് സ്വീകരിക്കുന്നത് ജൂലൈ 20ന് അവസാനിച്ചു. മത്സരത്തില് അഞ്ച് വിഭാഗങ്ങള് ഉള്പ്പെടുന്നു. ഹ്രസ്വ വിവരണ സിനിമകള്, ഹ്രസ്വ ഡോക്യുമെന്ററി സിനിമകള്, ഹ്രസ്വ ആനിമേറ്റഡ് സിനിമകള്, വിദ്യാര്ത്ഥി സിനിമകള്, ബഹ്റൈനി ഷോര്ട്ട് ഫിലിമുകള് എന്നിവ.
മനാമ: ബഹ്റൈനിലെ പ്രതിഭകളെ കണ്ടെത്താനായി ഇന്ഫര്മേഷന് മന്ത്രാലയവുവുമായി സഹകരിച്ച് എം.ബി.സി ഗ്രൂപ്പ് ആക്ടിംഗ് ഓഡിഷനുകള് ആരംഭിച്ചു. ഓഡിഷനുകള് ജൂലൈ 28 വരെയുണ്ടാകും.വ്യക്തിഗത അഭിമുഖങ്ങളിലൂടെയും റെക്കോര്ഡ് ചെയ്ത പ്രകടനങ്ങളിലൂടെയും കഴിവുകള് പ്രദര്ശിപ്പിക്കുക എന്നതാണ് പരിപാടിയുടെ ലക്ഷ്യം. വിജയികളെ എം.ബി.സി. ഗ്രൂപ്പിന്റെ ടാലന്റ് ഡാറ്റാബേസിലേക്ക് ചേര്ക്കും, കൂടാതെ ഗള്ഫ്, അറബ് മേഖലകളിലുടനീളമുള്ള ബഹ്റൈനി കലാകാരന്മാരുടെ സര്ഗ്ഗാത്മകതയും മികവും ഉയര്ത്തിക്കാട്ടുന്ന ഭാവി നാടക നിര്മ്മാണങ്ങളില് പങ്കെടുക്കാനും കഴിയും.എല്ലാ പ്രായത്തിലെയും ലിംഗത്തിലെയും പുതിയ പ്രതിഭകളെയാണ് ഓഡിഷനുകളില് തേടുന്നത്. പങ്കെടുക്കുന്നവര് ഒരു തത്സമയ അഭിനയ രംഗം അവതരിപ്പിക്കുകയും ക്ലാസിക്കല് അറബി കവിതയുടെ നാല് വരികള് ചൊല്ലുകയും ചെയ്യണം.ജൂലൈ 28 വരെ അംവാജ് ദ്വീപിലുള്ള സ്ഥിതി ചെയ്യുന്ന എ.ആര്.ടി. ഹോട്ടല് ആന്റ് റിസോര്ട്ടില് ഉച്ചയ്ക്ക് ഒരുമണി മുതല് വൈകുന്നേരം 7 മണി വരെ രജിസ്ട്രേഷന് കൗണ്ടര് തുറന്നിരിക്കും.