Author: News Desk

മനാമ: അമ്പതിമൂന്നാമത് ബഹ്‌റൈൻ ദേശീയ ദിനാഘോഷങ്ങൾ വിപുലമായി കൊണ്ടാടാൻ എസ് എൻ സി എസ്, ബഹ്‌റൈൻ ദേശീയ ദിനമായ ഡിസംബർ 16 ന് ആധാരി പാർക്കിൽ സംഘടിപ്പിക്കുന്ന ആഘോഷപരിപാടിപൾക്ക്, ബഹ്‌റൈൻ പാർലമെന്റ് അംഗങ്ങളായ ഡോക്ടർ ഹസ്സൻ ഈദ് ബുക്കാമസ്,മുഹമ്മദ് ഹുസൈൻ അൽ ജനാഹി കേരളത്തിൽ നിന്നുള്ള നിയമ സഭ അംഗംസണ്ണി ജോസഫ്, ആലുവ അദ്വൈതാശ്രമം സെക്രട്ടറി സ്വാമി ധർമ്മ ചൈതന്യ, കൂടാതെ ബഹ്‌റൈനിലെ വിവിധ സാമൂഹിക രാഷ്ട്രീയ രംഗത്തെ പ്രമുഖർ അണിനിരക്കുന്നു.വൈകുന്നേരം 5.30 ന് ആധാരി പാർക്കിന്റെ അങ്കണത്തിൽ ഇന്ത്യൻ സമൂഹം ദേശീയ പാതകയുടെ നിറമുള്ള ഹീലീയം ബലൂണുകളുമായി അണിനിരക്കുകയും, 5.50 ന് ബഹ്‌റൈൻ ദേശീയ ഗാനത്തിന് ശേഷം ആദര സൂചകമായി ബലൂൺ പറത്തുകയുമാണ് മുഖ്യ ആകർഷണം. അതിന് ശേഷം സീസൺ ഹാൾ ഒന്നിൽ സംഘടിപ്പിച്ചിരിക്കുന്ന പുതിയ ഭരണസമിതിയുടെ സ്‌ഥാനാരോഹണവും തുടർന്നു വിവിധ കലാപരിപാടികളും ഉണ്ടായിരിക്കുന്നതാണ്. അതിനാൽ താങ്കളെയും കുടുംബത്തെയും ക്ഷണിക്കുന്നു.കൂടതൽ വിവരങ്ങൾക്കായി താഴെകാണുന്ന നമ്പറിൽ ബന്ധപ്പെടേണ്ടതാണ് – 39745666, 38099465

മനാമ: ബഹ്‌റൈന്‍ ദേശീയ ദിനാഘോഷത്തിന്റെ ഭാഗമായി ഷിഫ അല്‍ ജസീറ ആശുപത്രി പ്രത്യേക ഹെല്‍ത്ത് പാക്കേജ് പ്രഖ്യാപിച്ചു. 53-ാമത് ദേശീയ ദിനത്തിന് ആദരമായി 53 ലാബ് ടെസ്റ്റുകള്‍ 5.3 ബഹ്‌റൈന്‍ ദിനാറിന് ലഭ്യമാകും. ഡിസംബര്‍ 16, 17 ദിവസങ്ങളിലാണ് ഈ പ്രത്യേക പാക്കേജ് ലഭ്യമാകുക.പാക്കേജില്‍ ഉള്‍പ്പെടുന്ന ടെസ്റ്റുകള്‍: ഫാസ്റ്റിംഗ് ബ്ലഡ് ഗ്ലൂക്കോസ് (എഫ്ബിഎസ്), കൊളസ്‌ട്രോള്‍, ട്രൈഗ്ലിസറൈഡ്‌സ്, എച്ച്ഡിഎല്‍ കൊളസ്‌ട്രോള്‍, എല്‍ഡിഎല്‍ കൊളസ്‌ട്രോള്‍, വിഎല്‍ഡിഎല്‍, യൂറിയ (ബണ്‍), സീറം ക്രിയാറ്റിനിന്‍, യൂറിക് ആസിഡ്, ടോട്ടല്‍ പ്രോട്ടീന്‍, ആല്‍ബുമിന്‍, ഗ്ലോബുലിന്‍, ടോട്ടല്‍ ബിലിറുബിന്‍, ഡയറക്ട് ബിലിറുബിന്‍, ഇന്‍ഡയറക്ട് ബിലിറുബിന്‍, ആല്‍ക്കലൈന്‍ ഫോസ്‌ഫേറ്റേസ്, എസ്ജിപിടി, എസ്ജിഒടി, സിബിസി (23 ടെസ്റ്റുകള്‍), യൂറിന്‍ അനാലിസിസ് (7 ടെസ്റ്റുകള്‍), എല്‍ഡിഎച്ച്, ഗാമ ജിടി, സീറം മഗ്‌നീഷ്യം, സീറം കാല്‍സ്യം, സീറം ഫോസ്ഫറസ്.ഇതിനുപുറമേ, പാക്കേജില്‍ ബിഎംഐ, ബിപി ചെക്കപ്പ് എന്നിവ സൗജന്യമായി ലഭിക്കും. രക്തപരിശോധന ഫലം ലഭിച്ചശേഷം സൗജന്യ ഡോക്ടര്‍ കണ്‍സള്‍ട്ടേഷന്‍ ലഭ്യമായിരിക്കും. 16, 17 തീയതികളില്‍ രാവിലെ എട്ടു…

മനാമ: അന്നം നൽകുന്ന നാട്ടിന്റെ ആഘോഷങ്ങൾ നെഞ്ചിലേറ്റിക്കൊണ്ട് റയ്യാൻ വിദ്യാർത്ഥികൾ ബഹ്‌റൈനിന്റെ 53 ആമത് ദേശീയ ദിനാഘോഷങ്ങളിൽ ഭാഗഭാക്കായി. സെലിബ്രെറ്റ് ബഹ്‌റൈൻ എന്ന ശീർഷകത്തിൽ നാടുമുഴുക്കെ ആഘോഷത്തിൽ മുഴുകുമ്പോൾ വളരെ ആഹ്‌ളാദത്തോടെ ബഹ്‌റൈൻ ദേശീയ പതാകയുമേന്തി ചുവപ്പും വെളുപ്പും നിറങ്ങളിലുള്ള വസ്ത്രങ്ങളുമണിഞ്ഞു റയ്യാൻ മദ്രസാ ഹാളിൽ ഒത്തുകൂടിയ വിദ്യാർത്ഥികൾ ചേർന്ന് വർണാഭമായ പരേഡും ബഹ്‌റൈൻ ദേശീയ ഗാനാലാപം തുടങ്ങിയ വിവിധ പരിപാടികളും നടത്തി. പങ്കെടുത്തവർക്കെല്ലാം മധുര പലഹാരം വിതരണവും നടത്തി. റയ്യാൻ അധ്യാപകരും മറ്റു ഓഫീസ് ജീവനക്കാരും പരിപാടികളിൽ സന്നിഹിതരായിരുന്നു. സ്വദേശിയെന്നോ വിദേശിയെന്നോ ഉള്ള വേർതിരിവില്ലാതെ സമാധാനപരമായി ജോലി ചെയ്ത് ജീവിക്കാൻ സൗകര്യമൊരുക്കിത്തരുന്ന ബഹ്‌റൈനിലെ ഭരണാധികാരികളെ എത്ര ശ്‌ളാഘിച്ചാലും മതിയാവില്ലെന്നും, രാജ്യത്തിന്റെ നിയമ വ്യവസ്ഥകളനുസരിച്ച് എല്ലാവരും വരും കാലങ്ങളിൽ മുന്നേറണമെന്നും ഉന്നത വിദ്യാഭ്യാസം നേടി എല്ലാ വിദ്യാർത്ഥികളും നാടിനും കുടുംബത്തിനും നന്മ ചെയ്യുന്നവരാകണമെന്നും പ്രിൻസിപ്പൽ ലത്തീഫ് ചാലിയം തന്റെ ഉത്‌ഘാടന പ്രസംഗത്തിൽ ഓർമ്മിപ്പിച്ചു. റയ്യാൻ സെന്റർ ചെയർമാൻ അബ്ദുൽ റസാഖ് വി.പി…

മനാമ: ബഹ്റൈൻ മലയാളി ഫോറം വാർഷിക ജനറൽ ബോഡിയോഗം ബിഎംസി യിൽ വെച്ച് വിപുലമായി നടത്തി. ചടങ്ങിൽ അജി പി ജോയ്ഇ . വിരാജീവൻ, ജയേഷ് താന്നിക്കൽ, ബാബു കുഞ്ഞിരാമൻ, ദീപ ജയചന്ദ്രൻ,എന്നിവർ സംബന്ധിച്ചു. ബഹ്റൈൻ ദേശീയദിനാഘോഷത്തിന്റെ ഭാഗമായി പവിഴദ്വീപിനോട് നന്ദി രേഖപ്പെടുത്തിയാണ് പ്രാസംഗികർ സംസാരിച്ചത്.  രവി മരാത്ത് ചടങ്ങ് നിയന്ത്രിച്ചു. ഒട്ടേറെ പ്രമുഖർ സംബന്ധിച്ച ചടങ്ങിൽ പുതിയ ഭരണസമിതി രൂപീകരിച്ചു. ബഹ്റൈൻ മലയാളി ഫോറത്തിന്റെ പുതിയ പ്രസിഡന്റ്  ആയി അജി പി ജോയ്ജ നറൽ സെക്രട്ടറിയായി ജയേഷ് താന്നിക്കൽ, ട്രഷററായി സുനീഷ് മാവേലിക്കര എന്നിവരെ തിരഞ്ഞെടുത്തു. എക്സിക്യൂട്ടീവ് കമ്മിറ്റിയിൽ അമ്പിളി ഇബ്രാഹിം  വൈസ് പ്രസിഡൻ്റായും, റജീന ഇസ്മായിൽ ജോയിന്റ് സെക്രട്ടറിയായും, ശിവാബിക  മെംബർഷിപ്പ് സെക്രട്ടറിയായും,മനോജ് പിലിക്കോട്  എന്റർടെയ്മെന്റ്റ് സെക്രട്ടറിയായും, തോമസ് ഫിലിപ്പ്  മീഡിയാ കൺവീനറായും, ഇ.വി. രാജീവൻ അഡ്വൈസറി ബോർഡ് ചെയർമാനായുംപ്രേം പിള്ള, ബാലു എന്നിവർ എക്സിക്യൂട്ടിവ് കമ്മറ്റി അംഗങ്ങളായും 2025_2027 ലേക്ക് തിരഞ്ഞെടുക്കപ്പെട്ടു. ഇതോടൊപ്പം 12 അംഗ എക്‌സിക്യൂട്ടീവ് കമ്മിറ്റി നിലവിൽ…

മനാമ: ബഹ്റൈൻ ദേശീയ ദിനാഘോഷത്തോടനുബന്ധിച്ചു കെ എം സി സി ബഹ്റൈൻ പതിനാറാമത് ശിഹാബ് തങ്ങൾ ജീവസ്പർശം രക്ത ദാന ക്യാമ്പിൽ 180 പേരുടെ രക്തം ദാനം നൽകി ഐക്യദാർഢ്യം പ്രഖ്യാപിച്ചു. ബഹ്റൈൻ ആരോഗ്യ വകുപ്പ് മായി സഹകരിച്ച് സൽമാനിയ മെഡിക്കൽ സെന്ററിൽ വെച്ചായിരുന്നു കെഎംസിസി രക്‌തദാന ക്യാമ്പ്. സ്വദേശികളുടെയും വിദേശികളുടെയും പങ്കാളിത്തം ശ്രദ്ധേയമായി രാവിലെ 7 മണിക്ക് ആരംഭിച്ച രക്തദാനക്യാമ്പ് ഉച്ചക്ക് 1 മണി വരെ നീണ്ടു നിന്നു 2009 ൽ ആരംഭിച്ച കെ എം സി സിയുടെ “ജീവസ്പർശം ” രക്തദാന ക്യാമ്പുകൾ വഴി 7000 ത്തിൽ പരം വ്യക്തികൾ ഇതിനോടകം രക്തദാനം നിർവ്വഹിച്ചു. മലബാർ ഗോൾഡ് ആന്റ് ഡയമണ്ട് ആയിരുന്നു ക്യാമ്പിന്റെ സഹകാരികൾ.രക്തദാനത്തിന്റെ പ്രസക്തി നാൾക്കുനാൾ വർദ്ധിച്ചു വരികയാണെന്നും, ഓരോ മനുഷ്യ ജീവനുകളുടെയും രോഗപ്രതിരോധ ഘട്ടങ്ങളിൽ രക്തത്തിനുള്ള പ്രസക്തിയെ കുറിച്ചും സ്വമേധയ രക്ത ദാനം നിർവ്വഹിക്കുവാൻ തയ്യാറാവുന്ന രീതിയിലേക്കുള്ളപ്രചരണ പ്രവർത്തനങ്ങൾക്ക് കൂടുതൽ ഊന്നൽ നൽകുമെന്ന് കെ എം…

മനാമ: ഇന്ത്യൻ സ്‌കൂളിന്റെ സ്റ്റാർ വിഷൻ ഇവന്റ്‌സ് അവതരിപ്പിക്കുന്ന വാർഷിക സാംസ്കാരിക മേളയുടെ  ടിക്കറ്റ് പ്രകാശനം വ്യാഴാഴ്ച (ഡിസംബർ12) ഇന്ത്യൻ സ്‌കൂൾ  യുവജനോത്സവ അവാർഡ് ദാന ചടങ്ങിൽ നടന്നു. സ്‌കൂൾ  ചെയർമാൻ അഡ്വ. ബിനു മണ്ണിൽ വറുഗീസിൽ നിന്നും കമ്മ്യുണിറ്റി  ലീഡറും  പ്രമുഖ  വ്യവസായിയുമായ മുഹമ്മദ് ഹുസൈൻ മാലിം  ടിക്കറ്റ് ഏറ്റുവാങ്ങി. https://youtu.be/JEjd3qYqYHs സ്‌കൂൾ സെക്രട്ടറി വി. രാജപാണ്ഡ്യൻ, ഫെയർ ജനറൽ കൺവീനർ വിപിൻ പി.എം, സ്റ്റാർ വിഷൻ ഇവന്റ്‌സ് ചെയർമാനും സിഇഒയുമായ സേതുരാജ് കടയ്ക്കൽ, സ്‌കൂൾ വൈസ് ചെയർമാനും  സ്‌പോർട്‌സ് അംഗവുമായ ഡോ. മുഹമ്മദ് ഫൈസൽ, അസി.സെക്രട്ടറിയും അക്കാദമിക് അംഗവുമായ  രഞ്ജിനി മോഹൻ, ഭരണ സമിതി അംഗങ്ങളായ  മിഥുൻ മോഹൻ (പ്രൊജക്ട് ആൻഡ് മെയിന്റനൻസ് ), ബിജു ജോർജ്, മുഹമ്മദ് നയാസ് ഉല്ല(ട്രാൻസ്‌പോർട്), പ്രിൻസിപ്പൽ വി.ആർ  പളനിസ്വാമി, ജൂനിയർ വിംഗ് പ്രിൻസിപ്പൽ പമേല സേവ്യർ, സീനിയർ സ്കൂൾ & അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, മിഡിൽ സെക്ഷൻ…

തിരുവനന്തപുരം : കനകക്കുന്ന് നിശാഗന്ധിയിൽ 29-ാമത് കേരള അന്താരാഷ്ട്ര ചലച്ചിത്ര മേലയുടെ ഉദ്ഘാടനത്തിനെത്തിയ മുഖ്യമന്ത്രി പിണറായി വിജയന് നേരെ കൂവൽ. സംഭവത്തിൽ യുവാവിനെ മ്യൂസിയം പൊലീസ് കസ്റ്റഡിയിലെടുത്തു. ഉദ്ഘാടനത്തിനായി മുഖ്യമന്ത്രി വേദിയിലേക്ക് പോകുമ്പോഴായിരുന്നു റോമിയോ എന്ന യുവാവ് കൂവിയത്. ഇയാളെ ഉടൻ തന്നെ പൊലീസ് കസ്റ്റഡിയിലെടുത്ത് മ്യൂസിയം പൊലീസ് സ്റ്റേഷനിലേക്ക് കൊണ്ടുപോയി. ചലച്ചിത്ര മേളയയിലെ ഡെലിഗേറ്റല്ല യുവാവ് എന്നാണ് വിവരം. ഇയാളുടെ കൈവശം ഉണ്ടായിരുന്നത് 2022ലെ പാസായിരുന്നു. എന്നാൽ എന്തിനായിരുന്നു കൂവിയതെന്നും പ്രതിഷേധത്തിന് പിന്നിലെ കാരണം എന്താണെന്നും വ്യക്തത വന്നിട്ടില്ല.

മനാമ: ദേശീയ ദിനാഘോഷ പരിപാടികൾക്കായി ബഹ്റൈനിലെ തെരുവുകൾ അണിഞ്ഞൊരുങ്ങി. 1783ൽ അഹമ്മദ് അൽ ഫത്തേഹ് ആധുനിക ബഹ്‌റൈനെ ഒരു മുസ്ലിം അറബ് രാഷ്ട്രമായി സ്ഥാപിച്ചതിൻ്റെ സ്മരണയ്ക്കായും രാജാവ് ഹമദ് ബിൻ ഈസ അൽ ഖലീഫയുടെ സ്ഥാനാരോഹണ വാർഷികം പ്രമാണിച്ചുമാണ് ദേശീയ ദിനം ആഘോഷിക്കുന്നത്.രാജ്യത്തെ തെരുവുകൾ, പ്രധാന ഇടങ്ങൾ, കെട്ടിടങ്ങൾ എന്നിവയെല്ലാം അലങ്കരിച്ചിട്ടുണ്ട്. ഹമദ് രാജാവ്, കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫ രാജകുമാരൻ എന്നിവരുടെ ചിത്രങ്ങൾ പ്രധാന കെട്ടിടങ്ങൾ, ടവറുകൾ, സ്ഥാപനങ്ങൾ എന്നിവയെ അലങ്കരിക്കുന്നു. രജതജൂബിലി പതാക, ബഹ്‌റൈൻ്റെ പതാകയുടെ പ്രതീകങ്ങളായി ചുവപ്പും വെള്ളയും ലൈറ്റുകൾ, ദേശസ്‌നേഹ സന്ദേശങ്ങൾ എന്നിവ അലങ്കാരങ്ങളിൽ ഉൾപ്പെടുത്തിയിട്ടുണ്ട്. വിവിധ ഗവർണറേറ്റുകളിലെ സർക്കാർ സ്ഥാപനങ്ങളും ബിസിനസ് സ്ഥാപനങ്ങളും ദേശീയ ദിനം ആഘോഷിക്കുകയും ദേശാഭിമാനം വളർത്തുകയും ചെയ്യുന്ന പ്രദർശനങ്ങളിൽ പങ്കാളിത്തം വഹിക്കുന്നു.സീഫ്, ഡിപ്ലോമാറ്റിക് ഏരിയ, അൽ ഫത്തേഹ് ഹൈവേ, ദി അവന്യൂസ് മാൾ, ബഹ്‌റൈൻ ഫിനാൻഷ്യൽ ഹാർബർ തുടങ്ങിയ പ്രദേശങ്ങൾ ഉത്സവവിളക്കുകളാൽ അലങ്കരിച്ചിട്ടുണ്ട്. വാട്ടർ ഗാർഡൻ…

തിരുവനന്തപുരം: കേരളത്തിൽ ഇടുക്കി, പത്തനംതിട്ട, എറണാകുളം ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. ജില്ലകളിലാണ് റെഡ് അലർട്ട് പ്രഖ്യാപിച്ചത്. തിരുവനന്തപുരം, കൊല്ലം, ആലപ്പുഴ, കോട്ടയം, തൃശൂർ ജില്ലകളിൽ ഓറഞ്ച് അലർട്ടും പ്രഖ്യാപിച്ചു. അതിശക്തമായ മഴയ്ക്ക് സാദ്ധ്യതയുണ്ടെന്നാണ് മുന്നറിയിപ്പ്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്. പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ മഞ്ഞ അലർട്ടുമാണ്. നാളെയും കനത്ത മഴയ്ക്ക് സാദ്ധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് അറിയിച്ചത്.മന്നാർ കടലിടുക്കിനു മുകളിലായി ശക്തി കൂടിയ ന്യൂനമർദ്ദം (Well Marked Low Pressure Area) സ്ഥിതി ചെയ്യുന്നു. അടുത്ത 24 മണിക്കൂറിനുള്ളിൽ തെക്കൻ തമിഴ് നാട് തീരത്തേക്ക് നീങ്ങി തുടർന്ന് ശക്തി കുറയാൻ സാദ്ധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. ഇതിനെത്തുടർന്ന് കേരളത്തിൽ അടുത്ത അഞ്ച് ദിവസം ഒറ്റപ്പെട്ട ഇടിമിന്നലോടു കൂടിയ നേരിയ/ഇടത്തരം മഴയ്ക്ക് സാദ്ധ്യതയുണ്ട്.

മനാമ: യുണൈറ്റഡ് നേഷന്‍സ് ഹ്യൂമന്‍ സെറ്റില്‍മെന്റ് പ്രോഗ്രാമുമായി (യു.എന്‍. ഹാബിറ്റാറ്റ്) സഹകരിച്ച് ബഹ്‌റൈന്‍ നഗര ആസൂത്രണ വികസന അതോറിറ്റി (യു.പി.ഡി.എ) സുസ്ഥിര നഗര നവീകരണത്തെക്കുറിച്ച് പ്രത്യേക പരിശീലന ശില്‍പശാല സംഘടിപ്പിച്ചു.നഗരാസൂത്രണം, നഗര വികസനം, കെട്ടിടനിര്‍മ്മാണം എന്നിവയില്‍ ആഗോള വൈദഗ്ധ്യത്തിന്റെ കൈമാറ്റം പ്രോത്സാഹിപ്പിക്കുന്നതിനായി യു.പി.ഡി.എയും ബഹ്റൈനിലെ യു.എന്‍. ഡവലപ്മെന്റ് പ്രോഗ്രാമും (യു.എന്‍.ഡി.പി) തമ്മിലുള്ള സഹകരണത്തിന്റെ ഭാഗമായി ബഹ്റൈനിലെ വിവിധ സര്‍ക്കാര്‍ സ്ഥാപനങ്ങളില്‍നിന്നുള്ള വിദഗ്ധരും അന്താരാഷ്ട്ര വിദഗ്ധരും ശില്‍പശാലയില്‍ പങ്കെടുത്തു.സില്‍പശാലയില്‍ സുസ്ഥിര വികസന ലക്ഷ്യം, സുരക്ഷിതവും താങ്ങാനാവുന്നതുമായ ഭവന, അവശ്യ സേവനങ്ങള്‍ എന്നിവയില്‍ കേന്ദ്രീകരിച്ചായിരുന്നു പ്രഭാഷണങ്ങള്‍. ആഗോളതലത്തില്‍ സമഗ്രവും സംയോജിതവുമായ ആസൂത്രണത്തിലൂടെയും മാനേജ്മെന്റിലൂടെയും ഉള്‍ക്കൊള്ളുന്നതും സുസ്ഥിരവുമായ നഗരവല്‍ക്കരണം പ്രോത്സാഹിപ്പിക്കുന്ന കാര്യവും ചര്‍ച്ച ചെയ്തു.സുസ്ഥിരതയുടെയും നവീകരണത്തിന്റെയും മാതൃകയായ ദിയാര്‍ അല്‍ മുഹറഖ് മാസ്റ്റര്‍ പ്ലാന്‍ ശില്‍പശാലയില്‍ പങ്കെടുത്തവര്‍ സന്ദര്‍ശിച്ചു. ഭാവി ആവശ്യങ്ങളോടും സുസ്ഥിര വികസന ലക്ഷ്യങ്ങളോടും യോജിച്ചുപോകുന്ന ഒരു സമൂഹത്തെ പരിപോഷിപ്പിക്കാന്‍ അന്താരാഷ്ട്ര നിലവാരമുള്ള ഹരിത ഇടങ്ങള്‍, പാര്‍ക്കുകള്‍, പരിസ്ഥിതി സൗഹൃദ സംവിധാനങ്ങള്‍ തുടങ്ങിയയവ ഇവിടെ…