Author: News Desk

തിരുവനന്തപുരം: പ്രതിപക്ഷത്തിന്‍റെ ശക്തമായ ഇടപെടലിന്‍റെ ഫലമായാണ് എം എം മണിയുടെ വിവാദ പ്രസ്താവനയില്‍ സ്പീക്കർ റൂളിംഗ് കൊണ്ടുവന്നതെന്ന് കെ കെ രമ എം എൽ എ പറഞ്ഞു. നിയമസഭയിൽ തനിക്കെതിരെ എം എം മണി ഉപയോഗിച്ച വാക്കുകൾ അനുചിതമായിരുന്നു. സ്പീക്കറുടെ റൂളിംഗിൽ തന്നെ ഇക്കാര്യം വ്യക്തമായി പറഞ്ഞിട്ടുണ്ട്. ഇത്തരം സംഭവങ്ങൾ ആവർത്തിക്കാതിരിക്കാൻ സ്പീക്കറുടെ ഇടപെടൽ മാതൃകാപരമാണെന്ന് കെ കെ രമ പറഞ്ഞു. നിയമസഭ പോലൊരു ജനാധിപത്യ വേദിയിൽ ഇത്തരം വാക്കുകൾ ഉപയോഗിക്കാൻ പാടില്ല. അവരവരുടെ യുക്തിക്കനുസരിച്ച് പറയേണ്ട കാര്യങ്ങളാണ്. സ്പീക്കറുടെ റൂളിംഗിൽ അദ്ദേഹം അത് വ്യക്തമായി പറഞ്ഞിരുന്നു. അവരുടെ നീതിബോധത്തിന് അനുസൃതമായി അവർ അത് ചെയ്യണം. ഇത്തരം സംഭവങ്ങൾ ആവർത്തിക്കാതിരിക്കാൻ ഈ വിധി മാതൃകാപരമായിരിക്കുമെന്നും സ്പീക്കറുടെ റൂളിംഗിനും എംഎം മണിയുടെ തിരുത്തലിനും ശേഷം രമ പറഞ്ഞു.

കൊച്ചി: എളമരം കരീമിനെ ഭീഷണിപ്പെടുത്തിയെന്ന പേരില്‍ ഏഷ്യാനെറ്റ് അവതാരകൻ വിനു വി ജോണിനെതിരെ തിരുവനന്തപുരം കന്‍റോൺമെന്‍റ് പൊലീസ് കേസെടുത്തു. എളമരം കരീം നൽകിയ പരാതിയുടെ അടിസ്ഥാനത്തിലാണ് കേസ്. ടിവി ചാനൽ പരിപാടിയിലൂടെ ഭീഷണിപ്പെടുത്തണമെന്നും മറ്റുള്ളവരെക്കൊണ്ട് ആക്രമിപ്പിക്കണമെന്നും മനപ്പൂര്‍വ്വം അപമാനിച്ച് സമാധാന ലംഘനം നടത്തണമെന്ന ഉദ്ദേശത്തോടെ വിനു വി ജോണ്‍ പ്രവര്‍ത്തിച്ചുവെന്നാണ് എഫ്ഐആറിൽ പറയുന്നു. എന്നാൽ പാസ്പോർട്ട് പുതുക്കാനുള്ള അപേക്ഷ പൊലീസ് നിരസിച്ചതോടെയാണ് വിനു ഇക്കാര്യം അറിയുന്നത്. അഖിലേന്ത്യാ പണിമുടക്കിനോടുനുബന്ധിച്ച് കേരളത്തില്‍ നടന്ന അക്രമസംഭവങ്ങളെക്കുറിച്ച് അന്ന് വൈകീട്ടത്തെ ന്യൂസ് അവര്‍ അവതരിപ്പിച്ചപ്പോള്‍ സി ഐ ടി യു അഖിലേന്ത്യാ സെക്രട്ടറിയായ ഇളമരം കരീമിനെ ആക്രമിക്കാന്‍ ആഹ്വാനം ചെയ്തു എന്ന കുറ്റത്തിനാണ് കേസ്. മാർച്ച് 28 ന് രാത്രി 8 മണിക്കും രാത്രി 9 മണിക്കും ഇടയിലാണ് കുറ്റകൃത്യം നടന്നതെന്നും ഏപ്രിൽ 28 ന് രാവിലെ 10.30 ന് പരാതി ലഭിച്ചുവെന്നും വിനു വി ജോണിനെതിരെ നൽകിയ എഫ്ഐആറിൽ കന്‍റോൺമെന്‍റ് പൊലീസ് പറഞ്ഞു. തിരൂരിൽ…

ന്യൂ ഡൽഹി: ഒരു പത്രപ്രവർത്തകനോട് എഴുതരുതെന്ന് പറയുന്നതിന്‍റെ ഔചിത്യമെന്താണെന്ന് സുപ്രീം കോടതി. ആൾട്ട് ന്യൂസ് സഹസ്ഥാപകൻ മുഹമ്മദ് സുബൈറിനെ ട്വീറ്റ് ചെയ്യുന്നതിൽ നിന്ന് വിലക്കണമെന്ന് ആവശ്യപ്പെട്ട് ഉത്തർപ്രദേശ് പൊലീസ് സമർപ്പിച്ച ഹർജി പരിഗണിക്കുകയായിരുന്നു സുപ്രീം കോടതി. ഇത്തരം ആവശ്യങ്ങൾ, ഒരു മാധ്യമപ്രവർത്തകനോട് എഴുതരുതെന്ന് പറയുന്നതിന് തുല്യമാണെന്നും അത് എങ്ങനെ സാധ്യമാകുമെന്നും കോടതി ചോദിച്ചു. ജസ്റ്റിസ് ചന്ദ്രചൂഡ് അടങ്ങിയ ബെഞ്ചിന്‍റേതാണ് പരാമർശം.

തിരുവനന്തപുരം: മുഖ്യമന്ത്രി പിണറായി വിജയനെതിരെ വിമാനത്തിനുള്ളിൽ വച്ച് നടന്ന വധശ്രമത്തിന് പിന്നിലെ ഗൂഢാലോചനയിൽ കെപിസിസി പ്രസിഡന്‍റ് കെ സുധാകരനും പ്രതിപക്ഷ നേതാവ് വിഡി സതീശനും പങ്കുണ്ടെന്ന ഡിവൈഎഫ്ഐ നേതാവ് വികെ സനോജിന്‍റെ പരാമർശത്തിൽ പ്രതികരണവുമായി വിഡി സതീശൻ. ധൈര്യമുണ്ടെങ്കിൽ തനിക്കും സുധാകരനുമെതിരെ കേസെടുക്കാൻ സതീശൻ സനോജിനെ വെല്ലുവിളിച്ചു. “ആരെയാണ് കേസെടുക്കുമെന്നു പറഞ്ഞ് പേടിപ്പിക്കുന്നത്. എന്നെയാണോ? അതോ കെ.സുധാകരനെയോ? രണ്ടു കുട്ടികൾ ‘പ്രതിഷേധം, പ്രതിഷേധം’ എന്നു വിളിച്ചപ്പോൾ അദ്ദേഹം ഇത്ര ഭയപ്പെടാൻ വേണ്ടി… ഈ മുഖ്യമന്ത്രി ഇത്ര ഭീരുവായിപ്പോയല്ലോ..” സതീശൻ പ്രതികരിച്ചു. ജയരാജനെതിരെ കേസെടുക്കാനുള്ള ഉത്തരവ് സർക്കാരിനേറ്റ പ്രഹരമാണെന്ന് കെ.പി.സി.സി പ്രസിഡന്‍റ് കെ.സുധാകരൻ പറഞ്ഞു. അതേസമയം വധശ്രമ ഗൂഢാലോചനയുമായി ബന്ധപ്പെട്ട് വിഡി സതീശനും കെ സുധാകരനുമെതിരെ വഞ്ചിയൂർ കോടതിയിൽ സ്വകാര്യ പരാതി നൽകുമെന്നും ഇത് സംബന്ധിച്ച് സംസ്ഥാന പോലീസ് മേധാവിക്ക് പരാതി നൽകുമെന്നും ഡിവൈഎഫ്ഐ അറിയിച്ചിരുന്നു.

തിരുവനന്തപുരം: യൂത്ത് കോണ്‍ഗ്രസ് പ്രവർത്തകരെ വിമാനത്തിൽ വച്ച് മർദ്ദിച്ച കേസിൽ ഇ.പി ജയരാജനും മുഖ്യമന്ത്രിയുടെ പേഴ്സണൽ സ്റ്റാഫ് അംഗങ്ങൾക്കുമെതിരെ കേസെടുക്കാനുള്ള കോടതി ഉത്തരവ് നീതിന്യായ വ്യവസ്ഥയുടെ അന്തസ്സ് ഉയർത്തിപ്പിടിക്കുന്നതാണെന്ന് കെ.പി.സി.സി പ്രസിഡന്‍റ് കെ.സുധാകരൻ. മുഖ്യമന്ത്രിയുടെയും സി.പി.എമ്മിന്‍റെയും നിർദേശങ്ങൾക്കനുസൃതമായി പക്ഷപാതപരമായി പ്രവർത്തിക്കുന്ന പൊലീസിന്‍റെ നിഷേധാത്മക മനോഭാവത്തിനേറ്റ കനത്ത പ്രഹരം കൂടിയാണ് കോടതി വിധി. പൊലീസ് രാഷ്ട്രീയം കളിച്ചതുകൊണ്ടാണ് കോണ്‍ഗ്രസിന് കോടതിയെ സമീപിക്കേണ്ടി വന്നതെന്നും സുധാകരൻ പറഞ്ഞു. അക്രമികളുടെയും നിയമലംഘകരുടെയും സംരക്ഷകനായി മുഖ്യമന്ത്രി മാറിയിരിക്കുന്നു. കേരളത്തിലെ ഇപ്പോഴത്തെ ഇടതുപക്ഷ ഭരണം ജനാധിപത്യത്തിന് തന്നെ അപമാനമാണ്. തെരുവു ഗുണ്ടയെപ്പോലെ പ്രവർത്തിച്ച ഒരു രാഷ്ട്രീയ ക്രിമിനലിന് വേണ്ടി സഭയ്ക്കകത്തും പുറത്തും വാദിച്ച മുഖ്യമന്ത്രിക്ക് ആഭ്യന്തര വകുപ്പിന്‍റെ കസേരയിൽ ഇരിക്കാൻ അർഹതയില്ല. അധികാരം ദുരുപയോഗം ചെയ്ത് യൂത്ത് കോണ്‍ഗ്രസ് പ്രവർത്തകരെ വേട്ടയാടിയ സർക്കാരിന് കനത്ത പ്രഹരമാണ് കോടതി വിധി. വിമാനത്തിന് നേരെയുണ്ടായ ആക്രമണവുമായി ബന്ധപ്പെട്ട് പുറത്തുവന്ന എല്ലാ ദൃശ്യങ്ങളിൽ നിന്നും ഇ പി ജയരാജൻ യൂത്ത് കോണ്‍ഗ്രസ് പ്രവർത്തകരെ…

മഹാരാഷ്ട്രയിൽ മന്ത്രിസ്ഥാനം വാഗ്ദാനം ചെയ്ത് പണം തട്ടാൻ ശ്രമം. മൂന്ന് ബിജെപി എംഎൽഎമാരിൽ നിന്ന് 100 കോടി രൂപ ആവശ്യപ്പെട്ട നാല് പേരെ മുംബൈ ക്രൈംബ്രാഞ്ച് അറസ്റ്റ് ചെയ്തു. മഹാരാഷ്ട്രയിൽ സർക്കാർ മാറി രണ്ടാഴ്ച കഴിഞ്ഞിട്ടും മന്ത്രിസഭാ വിപുലീകരണം നടന്നിട്ടില്ല. ഈ സാഹചര്യത്തിലാണ് എം.എൽ.എയെ മന്ത്രിയാക്കാൻ പ്രലോഭിപ്പിച്ച് വൻ തുക തട്ടിയെടുക്കാൻ ചില ഗുണ്ടകൾ ഗൂഢാലോചന നടത്തിയത്. ഷിൻഡെ സർക്കാരിൽ എം.എൽ.എയെ മന്ത്രിയാക്കുമെന്ന വാഗ്ദാനവുമായാണ് ഇവർ എത്തിയത്. ജൂലൈ 12ന് പ്രതികളിലൊരാൾ ബിജെപി എംഎൽഎ രാഹുൽ കുലുമായി ബന്ധപ്പെടാൻ ശ്രമിച്ചിരുന്നു. എന്നാൽ പ്രതികരിക്കാതിരുന്നപ്പോൾ എം.എൽ.എയുടെ പേഴ്സണൽ അസിസ്റ്റന്‍റുമായി സംസാരിച്ചു. എം.എൽ.എ.യെ കാണാനാണ് ഡൽഹിയിൽ നിന്ന് വന്നതെന്ന് ഇവർ പി.എ.യോട് പറഞ്ഞു. പിന്നീട് നരിമാൻ പോയിന്‍റിൽ എം.എൽ.എയെ കാണാൻ ധാരണയായി. യോഗത്തിൽ അദ്ദേഹത്തിന് മന്ത്രിസ്ഥാനം വാഗ്ദാനം ചെയ്യുകയും ഇതിനായി 90 കോടി രൂപ ആവശ്യപ്പെടുകയും ചെയ്തു. നിശ്ചിത തുകയുടെ 20 ശതമാനം (18 കോടി രൂപ) മുൻകൂറായി നൽകണം. ബാക്കി സത്യപ്രതിജ്ഞാ ചടങ്ങിന്…

എൽ.ഡി.എഫ് കൺവീനർ ഇ.പി. ജയരാജനെതിരെ കേസെടുക്കാനുള്ള കോടതി ഉത്തരവിനെ സ്വാഗതം ചെയ്ത് യൂത്ത് കോൺഗ്രസ്. സത്യം കോടതിയിലൂടെ പതുക്കെ പുറത്തുവരുകയാണെന്ന് യൂത്ത് കോൺഗ്രസ് നേതാവും മുൻ എംഎൽഎയുമായ കെ.എസ് ശബരീനാഥൻ പറഞ്ഞു. കഴിഞ്ഞ ദിവസമാണ് മുഖ്യമന്ത്രിക്കെതിരായ വധശ്രമക്കേസിൽ ശബരീനാഥനെ പൊലീസ് അറസ്റ്റ് ചെയ്തത്.

ലക്നൗ: യോഗി സർക്കാരിന് തിരിച്ചടിയായി ദലിതനായതിനാൽ തന്നെ മാറ്റിനിർത്തിയതെന്ന് ആരോപിച്ച് യുപി ജലവിഭവ മന്ത്രി ദിനേശ് ഖതിക് രാജിവച്ചു. കേന്ദ്ര ആഭ്യന്തര മന്ത്രി അമിത് ഷായ്ക്കാണ് അദ്ദേഹം രാജിക്കത്ത് അയച്ചത്. വൻ ഭൂരിപക്ഷത്തോടെ വീണ്ടും തെരഞ്ഞെടുക്കപ്പെട്ട് മാസങ്ങൾക്കുള്ളിൽ ദളിത് സമുദായത്തിൽ നിന്നുള്ള ഒരു മന്ത്രി രാജിവച്ചത് മുഖ്യമന്ത്രി യോഗി ആദിത്യനാഥിന് തിരിച്ചടിയാണ്. മറ്റൊരു മന്ത്രിയായ ജിതിൻ പ്രസാദയും യോഗിയുമായി നല്ല ബന്ധത്തിലല്ല. നിലവിൽ ഡൽഹിയിലുള്ള അദ്ദേഹം ബിജെപി നേതൃത്വവുമായി കൂടിക്കാഴ്ച നടത്തിയേക്കും. കഴിഞ്ഞ 100 ദിവസമായി തനിക്ക് ഒരു ജോലിയും നൽകിയിട്ടില്ലെന്ന് അമിത് ഷായ്ക്ക് അയച്ച കത്തിൽ ഖതിക് പറയുന്നു. ഇത് ഒരുപാട് വേദനിപ്പിച്ചു. അതുകൊണ്ടാണ് ഞാൻ രാജിവയ്ക്കുന്നതെന്നും വകുപ്പുതല സ്ഥലം മാറ്റത്തിൽ ക്രമക്കേടുണ്ടെന്നും കത്തിൽ പറയുന്നു. “ദലിതനായതിനാൽ എനിക്ക് ഒരു പ്രാധാന്യവും നൽകിയില്ല. മന്ത്രി എന്ന നിലയിൽ അധികാരമില്ല. എന്നെ ഒരു യോഗത്തിനും വിളിച്ചിട്ടില്ല. എന്റെ വകുപ്പിനെക്കുറിച്ച് ഒന്നും പറയുന്നില്ല. ഇത് ദലിത് സമൂഹത്തെ തന്നെ അപമാനിക്കലാണ്” അദ്ദേഹത്തിന്റെ കത്തിൽ…

കോഴിക്കോട്: മുഖ്യമന്ത്രി പിണറായി വിജയനെ വധിക്കാൻ കെപിസിസി പ്രസിഡന്‍റ് കെ സുധാകരനും പ്രതിപക്ഷ നേതാവ് വിഡി സതീശനും ഗൂഢാലോചന നടത്തിയെന്ന പുതിയ ആരോപണവുമായി ഡിവൈഎഫ്ഐ. വിമാനത്തിനുള്ളിൽ യൂത്ത് കോൺഗ്രസ് പ്രവർത്തകർ നടത്തിയ പ്രതിഷേധവുമായി ബന്ധപ്പെട്ടാണ് ഡി.വൈ.എഫ്.ഐയുടെ ആരോപണം. മുഖ്യമന്ത്രിയെ വധിക്കാൻ നടത്തിയ ഗൂഡാലോചന അന്വേഷിക്കണമെന്നാവശ്യപ്പെട്ട് കോടതിയെ സമീപിക്കുമെന്ന് ഡിവൈഎഫ്ഐ സംസ്ഥാന സെക്രട്ടറി വി കെ സനോജ് പറഞ്ഞു. ഇപ്പോഴത്തെ പ്രതികൾ മാത്രമല്ല ഈ വധശ്രമ ഗൂഢാലോചനയിൽ ഉൾപ്പെട്ടിരിക്കുന്നത്. കെ.പി.സി.സി പ്രസിഡന്‍റ് കെ.സുധാകരൻ, പ്രതിപക്ഷ നേതാവ് വി.ഡി സതീശൻ എന്നിവർക്കും ഗൂഢാലോചനയിൽ പങ്കുണ്ട്. അവരുടെ അറിവോടെയാണ് വിമാനത്തിൽ ശ്രമം നടന്നത്. ഇത് സംബന്ധിച്ച് ഡി.വൈ.എഫ്.ഐ പൊലീസ് മേധാവിക്ക് പരാതി നൽകിയിട്ടുണ്ടെന്നും സനോജ് പറഞ്ഞു. മുഖ്യമന്ത്രിയെ ആക്രമിക്കാൻ ഗൂഢാലോചന നടത്തിയതിന് മുൻ എംഎൽഎ കെ.എസ് ശബരീനാഥനെതിരെ കേസെടുത്ത സാഹചര്യത്തിൽ സുധാകരനും സതീശനും ഇതിൽ പങ്കുണ്ടെന്നാണ് ഡി.വൈ.എഫ്.ഐ ആരോപിക്കുന്നത്. കേസിൽ ശബരീനാഥൻ ഇന്നലെ അറസ്റ്റിലായെങ്കിലും അതേ ദിവസം തന്നെ കോടതി ജാമ്യം അനുവദിച്ചത് പൊലീസിന് തിരിച്ചടിയായി.

തിരുവനന്തപുരം: വിമാനത്തിലെ അക്രമവുമായി ബന്ധപ്പെട്ട് കേസെടുക്കാനുള്ള കോടതി നിർദേശം തിരിച്ചടിയാണെന്നത് തെറ്റായ വ്യാഖ്യാനമെന്ന് എൽഡിഎഫ് കൺവീനർ ഇ പി ജയരാജൻ. ഒരു കേസ് കോടതിയുടെ മുന്നിലെത്തിയപ്പോൾ അതിന്റെ നടപടി ക്രമം മാത്രമാണുണ്ടായത്. അന്വേഷണത്തിന് ഉത്തരവിടാൻ കോടതിക്ക് അധികാരമുണ്ട്. എല്ലാ അന്വേഷണങ്ങളോടും സഹകരിക്കുന്നുണ്ടെന്നും ജയരാജൻ ചൂണ്ടിക്കാട്ടി. കോൺഗ്രസ് പ്രവർത്തകർ നിരാശരായി നടക്കുകയാണ്. അവർ കോടതിയിൽ പോകും, ഗുണ്ടകളെ അയക്കും, ആക്രമിക്കും. അതും അതിന്‍റെ ഭാഗമാണ്. ടിക്കറ്റ് എടുത്ത് ആക്രമിക്കാൻ വന്നവർ പത്ത് ദിവസം ജയിലിൽ കിടന്നില്ലേ? അത് നടപടിക്രമത്തിന്‍റെ ഭാഗമാണ്. എന്നെ കൊല്ലാൻ ആഗ്രഹിക്കുന്നവർ എനിക്കെതിരെ കേസ് ഫയൽ ചെയ്യുന്നതിൽ അതിശയിക്കാനില്ല. പരാതി ലഭിച്ചാൽ കേസെടുക്കാൻ ഏത് കോടതിയും നിർദ്ദേശിക്കുമെന്നും ജയരാജൻ പറഞ്ഞു. “എനിക്കുള്ള വിലക്ക് എയർലൈനിന്‍റെ ഗുണനിലവാരത്തകർച്ചയെ തുറന്നുകാട്ടുന്നു. ഞങ്ങളുടെ ഭാഗത്ത് നിന്ന് ഒരു തെറ്റും സംഭവിച്ചിട്ടില്ല. ശരിയേ ചെയ്യാറുള്ളു. അത് ഏത് കോടതിയായാലും പ്രശ്നമല്ല. പോലീസ് സമഗ്രമായ അന്വേഷണം നടത്തി വരികയാണ്. എല്ലാ വിശദാംശങ്ങളും ലഭിച്ച ശേഷം പൊലീസ് വിശദാംശങ്ങൾ…