Author: News Desk

തിരുവനന്തപുരം: ആൺകുട്ടികളും പെൺകുട്ടികളും അടുത്തിരിക്കുന്നുവെന്ന് ആരോപിച്ച് ബസ് കാത്തിരിപ്പ് കേന്ദ്രത്തിലെ ബെഞ്ച് നാട്ടുകാർ പൊളിച്ചുമാറ്റിയതിനെതിരെ വ്യത്യസ്തമായ പ്രതിഷേധവുമായി വിദ്യാർത്ഥികൾ. ഒരാൾക്ക് മാത്രം ഇരിക്കാൻ കഴിയുന്ന സീറ്റിൽ ഒരുമിച്ചിരുന്നാണ് വിദ്യാർത്ഥികൾ സദാചാര ഗുണ്ടകളോട് പ്രതികരിച്ചത്. തിരുവനന്തപുരം ഗവൺമെന്‍റ് എഞ്ചിനീയറിംഗ് കോളേജിന് സമീപമാണ് സംഭവം. ചൊവ്വാഴ്ച വൈകുന്നേരം ബസ് കാത്തിരിപ്പ് കേന്ദ്രത്തിലെത്തിയ വിദ്യാർത്ഥികൾ സീറ്റ് തകർന്ന് ഒരാൾക്ക് മാത്രം ഇരിക്കാവുന്ന തരത്തിൽ നിർമ്മിച്ചതായി കണ്ടെത്തി. സംഭവം ആദ്യം മനസ്സിലായില്ലെങ്കിലും ആൺകുട്ടികളും പെൺകുട്ടികളും അടുത്തടുത്ത് ഇരിക്കുന്നത് തടയാൻ വേണ്ടിയാണ് ഇങ്ങനെ ചെയ്തതെന്ന് തിരിച്ചറിഞ്ഞതോടെ പ്രതിഷേധം ആളിക്കത്തി. ഒരാൾക്കു മാത്രം ഇരിക്കാൻ സാധിക്കുന്ന ബെഞ്ചില്‍ ആണ്‍കുട്ടികളുടെ മടിയില്‍ പെണ്‍കുട്ടികള്‍ ഇരുന്നുകൊണ്ടായിരുന്നു പ്രതിഷേധം. ഇതിന്റെ ചിത്രവും വിദ്യാര്‍ഥികള്‍ സമൂഹമാധ്യമങ്ങളില്‍ പങ്കുവച്ചു.

തിരുവനന്തപുരം: ആൺകുട്ടികളും പെൺകുട്ടികളും അടുത്തിരിക്കുന്നുവെന്ന് ആരോപിച്ച് ബെഞ്ച് തകർത്ത സി.ഇ.ടി ബസ് കാത്തിരിപ്പ് കേന്ദ്രം പൊളിക്കുമെന്ന് തിരുവനന്തപുരം മേയർ ആര്യ രാജേന്ദ്രൻ. നിലവിലെ ഷെഡ് അനധികൃതമായി നിർമ്മിച്ചതാണ്. ഇത് പൊളിച്ചുമാറ്റി ലിംഗസമത്വം എന്ന കാഴ്ചപ്പാട് ഉയർത്തിപ്പിടിക്കുന്ന ആധുനിക സൗകര്യങ്ങളോടെ പുതിയ ബസ് കാത്തിരിപ്പുകേന്ദ്രം നിർമ്മിക്കും. തിരുവനന്തപുരം ഗവൺമെന്‍റ് എഞ്ചിനീയറിംഗ് കോളേജിന് സമീപമുള്ള ബസ് സ്റ്റാൻഡ് സന്ദർശിക്കവെയാണ് മേയറുടെ പരാമർശം. ബെഞ്ച് പൊളിച്ചതിന് ശേഷം പ്രതിഷേധിക്കുന്ന വിദ്യാർത്ഥികളെ കുറിച്ചും ആര്യ പരാമർശിച്ചു. “വിദ്യാർഥികൾ പ്രതിഷേധിക്കാനുണ്ടായ സാഹചര്യം കൂടി നമ്മൾ മനസ്സിലാക്കണം. അവർ അങ്ങനെ ഉപയോഗിച്ചുകൊണ്ടിരുന്ന ഒരു ബസ് സ്റ്റാൻഡ് നശിപ്പിക്കപ്പെടുന്നു അല്ലെങ്കിൽ അതിന്റെ ഘടനയിൽ മാറ്റം വരുത്തുന്നു എന്നു പറയുന്നത് തെറ്റായ നടപടിയാണ്. അതിൽ പ്രതികരിക്കാൻ തീരുമാനിച്ചതിൽ വിദ്യാർഥികൾക്ക് അഭിനന്ദനം അറിയിക്കുന്നു” ആര്യ പറഞ്ഞു. ചൊവ്വാഴ്ച വൈകുന്നേരം ബസ് കാത്തിരിപ്പ് കേന്ദ്രത്തിലെത്തിയപ്പോളാണ് സീറ്റ് തകർന്ന് ഒരാൾക്ക് മാത്രം ഇരിക്കാവുന്ന തരത്തിൽ നിർമ്മിച്ചതായി കണ്ടെത്തിയത്. സംഭവം ആദ്യം മനസ്സിലായില്ലെങ്കിലും ആൺകുട്ടികളും പെൺകുട്ടികളും അടുത്തടുത്ത് ഇരിക്കുന്നത്…

തിരുവനന്തപുരം: തിരുവനന്തപുരം സിഇടി കോളേജിന് സമീപം ബസ് സ്റ്റോപ്പിലെ ഇരിപ്പിടങ്ങൾ പൊളിച്ച സംഭവത്തിൽ വിദ്യാർത്ഥികളെ പിന്തുണച്ച് വിദ്യാഭ്യാസമന്ത്രി. ‘ദുരാചാരവും കൊണ്ടു വന്നാല്‍ പിള്ളേര് പറപ്പിക്കും.’ തിരുവനന്തപുരം സിഇടി വിദ്യാർത്ഥികൾക്ക് അഭിവാദ്യങ്ങൾ.’ അദ്ദേഹം ഫേസ്ബുക്കിൽ കുറിച്ചു

തേഞ്ഞിപ്പലം: പറമ്പിമലപ്പുറം സ്വദേശി അബ്ദുൾ ജലീൽ ജലപ്പരപ്പിൽ മലർന്ന് കിടക്കുന്ന കാഴ്ച നാട്ടുകാർക്ക് വിസ്മയമാണെങ്കിലും അദ്ദേഹത്തിനിത് ശീലമാണ്. കഴിഞ്ഞ ആറുവർഷമായി സമയം കിട്ടുമ്പോഴെല്ലാം ജലീൽ കുളത്തിലും തോട്ടിലും കിടക്കും. ആഴമോ അടിയൊഴുക്കോ നോക്കാതെ, കൈകൾ വിരിച്ചാണ് കിടപ്പ്. അടുത്തിടെ സുഹൃത്ത് ഈ ദൃശ്യം ക്യാമറയിൽ പകർത്തി സോഷ്യൽ മീഡിയയിൽ പങ്കുവച്ചതോടെ, ഇത് എങ്ങനെ ചെയുന്നു എന്ന സംശയമാണ് എല്ലാവർക്കും. എന്നാൽ ജലീൽ അതിനെ വലിയ കാര്യമായി കാണുന്നില്ല. 6 വർഷം മു‍ൻപ് പുത്തൂർ തോട്ടിൽ കുളിക്കാനിറങ്ങിയപ്പോൾ ഒഴുക്കിൽപെട്ട് നീന്താനായില്ല. ആദ്യം പേടിച്ചെങ്കിലും ധൈര്യം വീണ്ടെടുത്ത് മലർന്നു നീന്താൻ ശ്രമിച്ചു. അത് രക്ഷയായി. പിന്നീട് അവസരം കിട്ടുമ്പോഴൊക്കെ ജലീൽ മലർന്നു നീന്താൻ തുടങ്ങി. നിരന്തര പരിശീലനത്തിലൂടെ വെള്ളത്തിന് മീതെ മലർന്നു കിടക്കാനുള്ള കഴിവും ആർജിച്ചു. തുടർച്ചയായി ഒന്നേകാൽ മണിക്കൂർ വരെ ജലോപരിതലത്തിൽ മലർന്നു കിടക്കാൻ ജലീലിന് ഇപ്പോൾ കഴിയും. വട്ടപ്പറമ്പ് എഎംഎൽപി സ്കൂൾ ഡ്രൈവറാണ് ജലീൽ.

നാഷണൽ ഹെറാൾഡ് കേസിൽ സോണിയാ ഗാന്ധിയെ ഇ.ഡി ചോദ്യം ചെയ്യുന്നതിൽ പാർലമെന്‍റിൽ കോൺഗ്രസ് പ്രതിഷേധം. കോൺഗ്രസ് എംപിമാർ പ്ലക്കാർഡുകൾ ഉയർത്തി സഭയുടെ നടുത്തളത്തിലിറങ്ങി. പ്രതിപക്ഷ ബഹളത്തെ തുടർന്ന് രാജ്യസഭ നിർത്തിവെച്ചു. കേന്ദ്ര സർക്കാർ വേട്ടയാടുന്നുവെന്ന് ആരോപിച്ച് 12 പാർട്ടികൾ സംയുക്ത പ്രസ്താവന ഇറക്കിയിട്ടുണ്ട്. അന്വേഷണ ഏജൻസികളെ ഉപയോഗിച്ച് രാഷ്ട്രീയ വൈരാഗ്യം തീര്‍ക്കുന്നുവെന്ന് പ്രതിപക്ഷ പാർട്ടികൾ വ്യക്തമാക്കി. കേന്ദ്ര സർക്കാരിന്റെത് പ്രതികാര നടപടിയാണെന്ന് കെസി വേണുഗോപാൽ ഉൾപ്പെടെയുള്ള നേതാക്കൾ ആരോപിച്ചു. ജനാധിപത്യ വിശ്വാസികൾ ആശങ്കാകുലരാണ്. സോണിയയുടെ ആരോഗ്യനില മോശമാണ്. ഹാജരാകുന്നത് നിയമം അനുസരിച്ചാണ്. എംപിമാരെ പോലും പ്രതിഷേധിക്കാൻ അനുവദിക്കാത്തത് പാർലമെന്‍റിൽ ഉന്നയിക്കും. എ.ഐ.സി.സി ഒന്നടങ്കം വളഞ്ഞാലും സമരം അവസാനിപ്പിക്കില്ലെന്നും വേണുഗോപാൽ പറഞ്ഞു.

ന്യൂഡൽഹി: ഇന്ത്യയുടെ 15-ാമത് രാഷ്ട്രപതി ആരായിരിക്കുമെന്നറിയാനുള്ള വോട്ടെണ്ണൽ രാവിലെ 11 മണിക്ക് പാർലമെന്‍റ് മന്ദിരത്തിൽ ആരംഭിച്ചു. വൈകുന്നേരത്തോടെ ഫലം പ്രഖ്യാപിക്കും. ആദ്യം എം.എൽ.എമാരുടെയും പിന്നീട് എം.പിമാരുടെയും വോട്ടുകൾ വിഭജിക്കും. എം.എൽ.എമാർക്ക് പിങ്ക് ബാലറ്റും എം.പിമാർക്ക് പച്ച ബാലറ്റുമാണ് നൽകിയിരുന്നത്. ദ്രൗപദി മുർമു, യശ്വന്ത് സിൻഹ എന്നിവർക്ക് വോട്ട് ചെയ്ത ബാലറ്റുകൾ പിന്നീട് വെവ്വേറെ ട്രേകളിലായിരിക്കും സ്ഥാപിക്കുക. എൻഡിഎ സ്ഥാനാർത്ഥി ദ്രൗപദി മുർമു വിജയം ഉറപ്പിച്ചിട്ടുണ്ട്. പ്രതിപക്ഷത്തെ ചില പാർട്ടികളും അവർക്ക് പിന്തുണ പ്രഖ്യാപിച്ചിരുന്നു. പാർലമെന്‍റിലെ 63-ാം നമ്പർ മുറിയിലാണ് വോട്ടെണ്ണൽ നടക്കുക. രാജ്യസഭാ സെക്രട്ടറി ജനറൽ പി.സി.മോദി വിജയിക്ക് സർട്ടിഫിക്കറ്റ് കൈമാറും. എൻഡിഎ സ്ഥാനാർത്ഥി ദ്രൗപദി മുർമു മൂന്നിൽ രണ്ട് വോട്ടുകൾക്ക് വിജയിക്കാനാണ് സാധ്യത. ഗോത്രവിഭാഗത്തില്‍നിന്നുള്ള നേതാവ് ആദ്യമായി രാഷ്ട്രപതി പദവിയിലെത്തുന്നുവെന്ന ചരിത്രവും സ്വാതന്ത്ര്യത്തിന്‍റെ 75 ആം വര്‍ഷത്തില്‍ കുറിക്കപ്പെടും. രാജ്യത്തിന്‍റെ ജനറലാകുന്ന രണ്ടാമത്തെ വനിതയാകും ദ്രൗപദി മുർമു. സത്യപ്രതിജ്ഞാ ചടങ്ങ് തിങ്കളാഴ്ച നടക്കും.

ചെന്നൈ: ശ്രീലങ്കയിൽ നിന്ന് ആയുധങ്ങളും മയക്കുമരുന്നും കടത്തുന്നതായി സൂചനയുണ്ട്. ഇതുമായി ബന്ധപ്പെട്ട രഹസ്യവിവരത്തെ തുടർന്ന് തമിഴ്നാട്ടിലെ 22 സ്ഥലങ്ങളിൽ എൻഐഎ റെയ്ഡ് നടത്തി. ചെന്നൈ, തിരുപ്പൂർ, ചെങ്കൽപേട്ട്, തിരുച്ചിറപ്പള്ളി ജില്ലകളിലെ വിവിധ സ്ഥലങ്ങളിലാണ് റെയ്ഡ് നടന്നത്. സംഭവത്തിൽ പങ്കുണ്ടെന്ന് കരുതുന്നവരുടെ സ്ഥലങ്ങളിലാണ് പരിശോധന നടത്തിയതെന്നാണ് വിവരം. റെയ്ഡിൽ ഏതാനും ഡിജിറ്റൽ ഉപകരണങ്ങളും ചില രേഖകളും പിടിച്ചെടുത്തതായി എൻഐഎ അറിയിച്ചു. പാക്കിസ്ഥാൻ ആസ്ഥാനമായി പ്രവർത്തിക്കുന്ന മയക്കുമരുന്ന്, ആയുധക്കടത്തുകാരനായ ഹാജി സലീമിന്‍റെ സംഘമാണ് ശ്രീലങ്ക വഴി ആയുധങ്ങളും ലഹരിയും കടത്തുന്നതെന്നാണ് വിവരം. ശ്രീലങ്കൻ മയക്കുമരുന്ന് മാഫിയ അംഗങ്ങളായ ഗുണ എന്ന ഗുണശേഖരൻ, പുഷ്പരാജ എന്ന പൂക്കുട്ടി ഖന്ന എന്നിവർ വഴിയാണ് ഹാജി സലീം ആയുധങ്ങൾ കടത്താൻ ശ്രമിക്കുന്നത്. എൽ.ടി.ടി.ഇ.യെ പുനരുജ്ജീവിപ്പിക്കുന്നതും ഈ സംഘങ്ങളുടെ ലക്ഷ്യമാണെന്ന് സുരക്ഷാ ഉദ്യോഗസ്ഥർ സൂചന നൽകി. ഇതുമായി ബന്ധപ്പെട്ട റിപ്പോർട്ടുകളെ തുടർന്ന് ജൂലൈ എട്ടിനാണ് എൻഐഎ കേസ് രജിസ്റ്റർ ചെയ്തത്.

ബെംഗളൂരു: ഇന്ത്യൻ നാവികസേനയുടെ വിമാനവാഹിനിക്കപ്പലായ ഐഎൻഎസ് വിക്രമാദിത്യയില്‍ അഗ്നിബാധ. ആര്‍ക്കും ജീവഹാനിയില്ലെന്ന് നാവിക സേന അറിയിച്ചു. സംഭവത്തിൽ നാവികസേന ആഭ്യന്തര അന്വേഷണം ആരംഭിച്ചിട്ടുണ്ട്. ട്രയൽ റണ്ണിനിടെയാണ് അപകടമുണ്ടായതെന്നാണ് റിപ്പോർട്ടുകൾ. കർണാടകയിലെ കാർവാർ തീരത്താണ് തീപിടുത്തമുണ്ടായത്. കപ്പലിലെ ജീവനക്കാർ തന്നെ തീ വളരെ വേഗത്തിൽ അണച്ചതായി നാവികസേന അറിയിച്ചു. റഷ്യയിൽ നിന്ന് വാങ്ങിയ ഐ.എൻ.എസ് വിക്രമാദിത്യ 2013ലാണ് കമ്മീഷൻ ചെയ്തത്.

കെ.എസ്.ആർ.ടി.സി ശമ്പള വിതരണം ഈ ശനിയാഴ്ച ആരംഭിക്കും. ജൂൺ മാസത്തെ ശമ്പളവും ഘട്ടം ഘട്ടമായി വിതരണം ചെയ്യും. ആദ്യം ഡ്രൈവർമാർക്കും കണ്ടക്ടർമാർക്കും ശമ്പളം നൽകും. 50 കോടി രൂപയാണ് സർക്കാർ സഹായമായി ലഭിച്ചത്. മുഴുവൻ ജീവനക്കാർക്കും ശമ്പളം നൽകാൻ 79 കോടി രൂപ വേണമെന്നാണ് കെ.എസ്.ആർ.ടി.സിയുടെ കണക്ക്. ആദ്യഘട്ടത്തിൽ 65 കോടി രൂപ ആവശ്യപ്പെട്ടെങ്കിലും സർക്കാർ ഫയൽ മടക്കി. വീണ്ടും സർക്കാരിനെ സമീപിച്ചപ്പോൾ അടിയന്തര സഹായമായി കെ.എസ്.ആർ.ടി.സിക്ക് 50 കോടി രൂപ അനുവദിച്ചു. ഈ മാസത്തെ ശമ്പളം അടുത്ത മാസം അഞ്ചിന് മുമ്പ് നൽകണമെന്ന് കോടതി ഉത്തരവിട്ടിരുന്നു. ശമ്പള വിതരണത്തിൽ കെ.എസ്.ആർ.ടി.സി ധനവകുപ്പിന്‍റെ സഹായം തേടിയതായി ഗതാഗതമന്ത്രി ആന്‍റണി രാജു കഴിഞ്ഞയാഴ്ച പറഞ്ഞിരുന്നു. ധനസഹായം ലഭിച്ചാലുടൻ വിതരണം ചെയ്യുമെന്നും മന്ത്രി പറഞ്ഞു. നഷ്ടരഹിത റൂട്ടുകളിൽ നിർത്തിവച്ച സർവീസ് ഘട്ടം ഘട്ടമായി പുനരാരംഭിക്കും. നിലവിലെ സാഹചര്യത്തിൽ വളരെയധികം നഷ്ടമുളളവ ഓടിക്കാൻ കഴിയില്ലെന്നും മന്ത്രി നിയമസഭയിൽ പറഞ്ഞു.

കോഴിക്കോട്: 25 കിലോവരെയുള്ള പാക്ക് ചെയ്ത അരിക്ക് അഞ്ച് ശതമാനം ജി.എസ്.ടി ചുമത്തിയത് പ്രാബല്യത്തിൽ. ഇതോടെ 25 കിലോ അരി ചാക്ക് വിപണിയിൽ നിന്ന് അപ്രത്യക്ഷമാകും. 30 കിലോയുടെ ചാക്ക് എത്തിക്കാനാണ് വ്യാപാരികളുടെ ശ്രമം. മൊത്തക്കച്ചവടക്കാർ ഇത് സംബന്ധിച്ച് മില്ലുകാർക്ക് നിർദ്ദേശം നൽകിയിട്ടുണ്ട്. 50 കിലോ ബാഗ് ഉണ്ടെങ്കിലും ചില്ലറ വ്യാപാരികളാണ് ഇത് വാങ്ങുന്നത്. 5 ശതമാനം ജിഎസ്ടി 25 കിലോഗ്രാമിനും അതിൽ താഴെയ്ക്കും ബാധകമാണ്. 25 കിലോ അരിയാണ് സംസ്ഥാനത്ത് സാധാരണക്കാർ ഏറ്റവും കൂടുതൽ വാങ്ങുന്നത്. വിലക്കയറ്റം ഒഴിവാക്കാനാണ് നീക്കം. ജി.എസ്.ടി നിലവിൽ വന്നതോടെ 25 കിലോ അരിയുടെ വില 42 രൂപയിലധികം വർദ്ധിച്ചതായി വ്യാപാരികൾ പറഞ്ഞു. പൊതുവെ, എല്ലാ അരി ഇനങ്ങളുടെയും മൊത്ത വിപണി കഴിഞ്ഞ ആഴ്ചയിൽ 2-3 രൂപ വർദ്ധിച്ചു. ഇതുകൂടാതെ, ജിഎസ്ടി വന്നതോടെ വില വർദ്ധിച്ചിരിക്കുകയാണ്.