അച്ഛനെയും മകളെയും മർദ്ദിച്ച സംഭവം; രേഷ്മയ്ക്ക് വീട്ടിലെത്തി കൺസഷൻ പാസ് കൈമാറി കെഎസ്ആർടിസി

തിരുവനന്തപുരം: പ്രേമനന്‍റെ മകൾ രേഷ്മയ്ക്ക് കെ.എസ്.ആർ.ടി.സി കൺസഷൻ പാസ് നൽകി. ഈ മാസം 20ന് കൺസഷൻ പാസ് പുതുക്കാനെത്തിയ പ്രേമനനെയും മകളെയും കെ.എസ്.ആർ.ടി.സി ജീവനക്കാർ മർദ്ദിച്ചിരുന്നു. കഴിഞ്ഞ ഞായറാഴ്ച വൈകിട്ടാണ് കെഎസ്ആർടിസി കാട്ടാക്കട ഡിപ്പോയിലെ രണ്ട് ജീവനക്കാർ വീട്ടിലെത്തി പാസ് കൈമാറിയത്. ജീവനക്കാരുടെ അതിക്രമം വലിയ ചർച്ചാവിഷയമായതോടെയാണ് കെ.എസ്.ആർ.ടി.സിയുടെ തെറ്റുതിരുത്തൽ.