തമിഴ്നാട്: തമിഴ്നാട്ടിലെ ഊട്ടിക്കടുത്ത് കൂനൂരിൽ സൈനിക ഹെലികോപ്റ്റർ തകർന്നുവീണു. സംയുക്ത സൈനിക മേധാവി ബിപിൻ റാവത്ത് ഉൾപ്പെടെയുള്ള മുതിർന്ന ഉദ്യോഗസ്ഥരുമാണ് ഹെലികോപ്റ്ററിൽ ഉണ്ടായിരുന്നത്.
റിപ്പോർട്ടുകൾ പ്രകാരം സിഡിഎസ് ജനറൽ റാവത്തും അദ്ദേഹത്തിന്റെ ജീവനക്കാരും ചില കുടുംബാംഗങ്ങളും ആണ് അപകടത്തിൽ പെട്ട ഹെലികോപ്റ്ററിൽ ഉണ്ടായിരുന്നത്. തമിഴ്നാട്ടിലെ കോയമ്പത്തൂരിനും സൂളൂരിനുമിടയിൽ തകർന്ന എംഐ-17 വി5 ഹെലികോപ്റ്ററിൽ 14 പേരുണ്ടായിരുന്നു. സിഡിഎസ് ബിപിൻ റാവത്ത് ഒരു പ്രഭാഷണത്തിനായി വെല്ലിംഗ്ടൺ സ്റ്റാഫ് കോളേജിലേക്ക് പോകുകയായിരുന്നു.
പ്രാദേശിക സൈനിക ഉദ്യോഗസ്ഥർ സ്ഥലത്തെത്തിയിട്ടുണ്ട്. രണ്ട് പേരുടെ മൃതദേഹം കണ്ടെത്തി. രക്ഷപ്പെട്ടവർക്ക് ഗുരുതര പരിക്കുകളെന്നാണ് ആദ്യവിവരം. പ്രദേശത്ത് രക്ഷാപ്രവർത്തനം പുരോഗമിക്കുകയാണ്.