തിരുവനന്തപുരം: ഗോത്ര ജനവിഭാഗത്തെ സാമൂഹിക പുരോഗതിയിലേക്കു നയിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. കേരളത്തിലെ എല്ലാ പട്ടികവർഗ്ഗ വിഭാഗം കുടുംബങ്ങൾക്കും ഭൂമിയും വീടും ഉറപ്പാക്കുമെന്നും പട്ടികവർഗ്ഗ വിഭാഗത്തിലെ കുടുംബത്തിലൊരാൾക്കെങ്കിലും ജോലി ഉറപ്പാക്കുമെന്നും സാമൂഹികനീതിയിലൂന്നിയവികസന കാഴ്ച്ചപ്പാടാണ് സർക്കാരിന്റെതുമെന്ന് അദ്ധേഹം പറഞ്ഞു.
തദ്ധേശീയ ജനതയുടെ അന്തര്ദേശീയ ദിനാചരണത്തിന്റെ ഭാഗമായി ആഗസ്റ്റ് 9 മുതല് 15 വരെ സംസ്ഥാന പട്ടിക വര്ഗ്ഗ വകുപ്പ് സംഘടിക്കുന്ന ഗോത്രാരോഗ്യ വാരാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ചടങ്ങില് പട്ടിക ജാതി- പട്ടിക വര്ഗ്ഗ -പിന്നാക്ക ക്ഷേമ- ദേവസ്വം- പാര്ലമെന്ററികാര്യ വകുപ്പ് മന്ത്രി കെ.രാധാകൃഷ്ണന് അദ്ധ്യക്ഷത വഹിച്ചു.
ആദിവാസി ജനത – ആരോഗ്യ ജനത എന്ന സന്ദേശമുയര്ത്തിക്കൊണ്ട് ആദിവാസി ഊരുകളില് ആരോഗ്യ സംരക്ഷണ-ലഹരി വിരുദ്ധ ബോധവല്ക്കരണ പരിപാടികള്, മെഡിക്കല് ക്യാമ്പുകള്, രോഗ നിര്ണ്ണയ ക്ലിനിക്കുകള്, ശുചീകരണ പ്രവൃത്തികള്, പാരമ്പര്യ ആദിവാസി വൈദ്യന്മാരെ ആദരിക്കല്, മികച്ച വിജയം നേടിയ വിദ്യാര്ത്ഥികളെ അനുമോദിക്കല് തുടങ്ങിയ പരിപാടികളോടെയാണ് ഗോത്രാരോഗ്യവാരം സംഘടിപ്പിക്കുന്നത്.
പട്ടികജാതി പട്ടികവര്ഗ്ഗ പിന്നാക്ക ക്ഷേമ വകുപ്പ് സെക്രട്ടറി ബിജൂ പ്രഭാകര് ഐഎഎസ് സ്വാഗതവും പട്ടിക വര്ഗ വകുപ്പ് ഡയക്ടര് പുഗഴേന്തി ഐ എഫ് എസ് നന്ദിയും പറഞ്ഞു.