ഇന്ത്യൻ വിദേശകാര്യമന്ത്രിയുടെ ബഹ്‌റൈനിലെ ഔദ്യോഗിക കൂടിക്കാഴ്ചകൾ ആരംഭിക്കുന്നു

മനാമ: രണ്ടു ദിവസത്തെ ഔദ്യോഗിക സന്ദർശനത്തിനായി ഇന്ത്യൻ വിദേശകാര്യമന്ത്രി ഡോ: എസ് ജയശങ്കർ ബഹ്‌റൈനിലെത്തി. ഇന്ന് വൈകിട്ട് ബഹ്‌റൈൻ സമയം 4 .20( ഇന്ത്യൻ സമയം വൈകിട്ട് 6 .40 )നാണ് എത്തിച്ചേർന്നത്. ബഹ്‌റൈൻ വിദേശകാര്യമന്ത്രിയുമായി ഇന്ന് വൈകിട്ട് കൂടിക്കാഴ്ച നടത്തും. നാളെ ബഹ്‌റൈൻ രാജാവ് ഹമദ് ബിൻ ഇസ അൽ ഖലീഫ, കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ എന്നിവരുമായി കൂടിക്കാഴ്ചകൾ നടത്തും. വിദേശകാര്യമന്ത്രിയായി ചുമതലയേറ്റശേഷം ആദ്യമായിട്ടാണ് ജയശങ്കര്‍ ബഹ്‌റിനിലെത്തുന്നത്. ബഹ്‌റൈൻ സന്ദർശനത്തിന് ശേഷം അദ്ദേഹം നാളെ യുഎഇ ലേക്ക് തിരിക്കും.