മനാമ: ബഹ്റൈനില് ഡിസംബര് 21 മുതല് 27 വരെയുള്ള കാലയളവില് നടത്തിയ പരിശോധനകളില് നിയമവിരുദ്ധമായി രാജ്യത്ത് ജോലി ചെയ്യുന്നതായി കണ്ടെത്തിയ 212 വിദേശ തൊഴിലാളികളെ നാടുകടത്തിയതായി ലേബര് മാര്ക്കറ്റ് റെഗുലേറ്ററി അതോറിറ്റി (എല്.എം.ആര്.എ) അറിയിച്ചു.
ഈ കാലയളവില് 860 പരിശോധനകളാണ് നടത്തിയത്. 24 നിയമലംഘകരും ക്രമരഹിതരുമായ തൊഴിലാളികളെ അറസ്റ്റ് ചെയ്തിട്ടുമുണ്ട്. പരിശോധനകളില് നിരവധി നിയമലംഘനങ്ങള് കണ്ടെത്തിയതായും അവയില് നിപടികള് സ്വീകരിച്ചതായും എല്.എം.ആര്.എ. അറിയിച്ചു.
