തിരുവനന്തപുരം : സെക്രട്ടറിയറ്റിനു മുന്നില് സമരചിത്രം എടുക്കാനെത്തിയ പത്ര ഫോട്ടോഗ്രാഫറെ കയ്യേറ്റം ചെയ്ത സി ഐ ക്കെതിരെ നടപടി എടുക്കണമെന്ന് പത്ര പ്രവര്ത്തക യൂണിയന് തിരുവനന്തപുരം ജില്ലാ കമ്മിറ്റി ആവശ്യപ്പെട്ടു.
കേരള കൗമുദി ഫോട്ടോഗ്രാഫര് നിശാന്ത് ആലുക്കാടിനെയാണ് കണ്ട്രോള് റൂം സി ഐ ഡി കെ പൃഥ്വിരാജ് കയ്യേറ്റം ചെയ്തത്. കോവിഡ് വ്യാപനം രൂക്ഷമായ ഈ ഘട്ടത്തില് വളരെ പ്രയാസം അനുഭവിച്ചാണ് മാധ്യമ പ്രവര്ത്തകര് സമര കേന്ദ്രങ്ങളില് റിപ്പോര്ട്ട് ചെയ്യാനെത്തുന്നതും അവ ക്യാമറയില് പകര്ത്തുന്നതും. ഒരു പ്രകോപനവുമില്ലാതെയാണ് നിശാന്തിനെ കയ്യേറ്റം ചെയ്തത്. ഇതിനുത്തരവാദിയായ സി ഐ ക്കെതിരെ കര്ശന നടപടി സ്വീകരിക്കണമെന്ന് ജില്ലാ പ്രസിഡന്റ് സുരേഷ് വെള്ളിമംഗലവും സെക്രട്ടറി ബി അഭിജിത്തും ഡിജിപി ക്ക് നല്കിയ കത്തില് ആവശ്യപ്പെട്ടു.