മനാമ: ശ്രീലങ്കൻ എംബസിയുടെ സഹകരണത്തോടെ അൽ ഹിലാൽ ഹോസ്പിറ്റൽ സ്തനാർബുദ ബോധവൽക്കരണ പരിപാടി നടത്തി. 50ലേറെ ശ്രീലങ്കക്കാർ പരിപാടിയിൽ പങ്കെടുത്തു.
അൽ ഹിലാൽ ഹോസ്പിറ്റലിലെ ജനറൽ സർജൻ ഡോ. നുസ്രത്ത് ജബീൽ ബോധവൽക്കരണ പ്രഭാഷണം നടത്തി.
ഹോസ്പിറ്റലിന്റെ മുഹറഖ് ബ്രാഞ്ച് മേധാവി ഫ്രാങ്കോ ഫ്രാൻസിസ് സ്വാഗതം പറഞ്ഞു. മനാമ ബ്രാഞ്ചിലെ ജനറൽ ഫിസിഷ്യൻ ഡോ. ഷിഫാത്ത് ഷെരീഫ് ചോദ്യോത്തര സെഷന് നേതൃത്വം നൽകി.
ബഹ്റൈനിലെ ശ്രീലങ്കൻ അംബാസഡർ ജി.ആർ.ആർ.കെ. വിജയരത്നെ മെൻഡിസ്, മിനിസ്റ്റർ കോൺസുലർ മധുകർ ഹർഷാനി സിൽവ എന്നിവർ പരിപാടിയിൽ സംബന്ധിച്ചു.