ബീഹാറിലെ അരാരിയയില് മാധ്യമപ്രവര്ത്തകനെ വെടിവെച്ച് കൊലപ്പെടുത്തി. റാണിഗഞ്ച് സ്വദേശി വിമല് കുമാര് യാദവാണ് കൊല്ലപ്പെട്ടത്. നാലംഗ അക്രമിസംഘം വിമല് കുമാറിന്റെ വീട്ടിലെത്തി വെടിയുതിര്ക്കുകയായിരുന്നു. ഇന്ന് രാവിലെയാണ് ദാരുണസംഭവം. വീട്ടില് ഉറക്കത്തിലായിരുന്ന വിമല് കുമാറിന് നേരെ അക്രമികള് വെടിയുതിര്ക്കുകയായിരുന്നു. ഇയാള് സംഭവസ്ഥലത്ത് വെച്ച് തന്നെ മരിച്ചു.
വിമലിന്റെ നെഞ്ചിലാണ് വെടിയേറ്റത്. കൊലപാതകത്തിന് പിന്നാലെ റാണിഗഞ്ചില് വലിയ സംഘര്ഷാവസ്ഥ ഉടലെടുത്തു. അരാരിയയില് പോസ്റ്റുമോര്ട്ടം നടത്തിയ സ്ഥലത്തും ബഹളമുണ്ടായി. സ്ഥലത്ത് വന് പോലീസ് സന്നാഹം നിലയുറപ്പിച്ചിട്ടുണ്ട്. എസ്പി മുതല് പ്രാദേശിക ജനപ്രതിനിധികള് വരെ എത്തിയിട്ടുണ്ട്. സംഭവത്തില് പോലീസ് അന്വേഷണം ആരംഭിച്ചു.