കൊറോണ ആശുപത്രിയില്‍ ശമ്പളം മുടങ്ങി – ജീവനക്കാര്‍ സമരത്തിലേയ്ക്ക്

മലപ്പുറം: കൊറോണ ആശുപത്രിയില്‍ താല്‍ക്കാലിക ജീവനക്കാര്‍ക്ക് ശമ്പളം മുടങ്ങിയതായി പരാതി. മഞ്ചേരി മെഡിക്കല്‍ കോളേജിലാണ് പണമില്ലാത്തതിനാല്‍ താല്‍ക്കാലിക ജീവനക്കാര്‍ക്ക് ശമ്പളം മുടങ്ങിയത്. ശുചീകരണ തൊഴിലാളികളും നഴ്‌സുമാരും സുരക്ഷാ ജീവനക്കാരുമടക്കമുള്ള താല്‍ക്കാലിക ജീവനക്കാരാണ് ശമ്പളമില്ലാതെ ദുരിതത്തിലായത്. കൊറോണ പ്രതിരോധത്തിന്റെ ഭാഗമായി ഹോസ്പിറ്റല്‍ മാനോജ് കമ്മിറ്റി കരാര്‍ അടിസ്ഥാനത്തില്‍ നിയമിച്ച 526 ജീവനക്കാര്‍ക്കാണ് ശമ്പളം മുടങ്ങിയത്. ശമ്പളം കിട്ടിയില്ലെങ്കില്‍ ജോലി നിര്‍ത്തിവെച്ചുള്ള സമരവുമായി മുന്നോട്ടു പോകുമെന്ന് ജീവനക്കാര്‍ അറിയിച്ചു.