തൃശൂര്: പാലത്തില് നിന്ന് താഴേക്ക് ചാടി യുവ വനിതാ ഡോക്ടര് ആത്മഹത്യ ചെയ്തു. കരുവന്നൂര് പുഴയില് ചാടിയാണ് യുവതി ജീവനൊടുക്കിയത്. ചിറക്കല് സ്വദേശി ട്രൈസി വര്ഗീസ്(28) ആണ് മരിച്ചത്.വെള്ളിയാഴ്ച ഉച്ചയോടെയാണ് സംഭവം നടന്നത്. കരുവന്നൂര് പാലത്തില് നിന്നാണ് ആയുര്വേദ ഡോക്ടറായ ട്രൈസി താഴേക്ക് ചാടിയത്. പിന്നാലെ പ്രദേശവാസികള് പൊലീസിനേയും അഗ്നിശമന സേനയേയും വിവരം അറിയിക്കുകയായിരുന്നു.തുടര്ന്ന് സ്ഥലത്തെത്തിയ അഗ്നിശമന സേന നടത്തിയ തെരച്ചിലില് യുവതിയുടെ മൃതദേഹം കണ്ടെത്തിയിരുന്നു. തുടര്നടപടികള്ക്ക് ശേഷം മൃതദേഹം ബന്ധുക്കള്ക്ക് വിട്ട് നല്കും. അതേസമയം, ട്രൈസി ആത്മഹത്യ ചെയ്യാനുള്ള കാരണമെന്താണെന്ന് വ്യക്തമല്ല.