കൊല്ലം പ്രവാസി അസോസിയേഷൻ ബഹ്‌റൈന്‍റെ  ആരംഭകാലം  മുതൽ സംഘടനയുടെ പ്രവർത്തനങ്ങളിൽ സജീവമായിരുന്നു  ഡോക്റ്റര്‍.  അസോസിയേഷൻ സംഘടിപ്പിച്ച വിവിധ സാമൂഹിക, സാംസ്കാരിക പരിപാടികളിലും മെഡിക്കൽ ക്യാമ്പുകളിലും അദ്ദേഹത്തിന്റെ നിറസാന്നിധ്യം സംഘടനയ്ക്ക് വലിയ പ്രചോദനമായിരുന്നു. സംഘടനയുടെ വളർച്ചയ്ക്കും പ്രവർത്തനങ്ങളുടെ മികവ് വർധിപ്പിക്കുന്നതിനുമായി നിരവധി നിർദേശങ്ങളും ഉപദേശങ്ങളും അദ്ദേഹം നൽകിയിരുന്നു. അദ്ദേഹത്തിന്റെ സേവന മനോഭാവവും സംഘടനയോടുള്ള ആത്മാർത്ഥമായ പിന്തുണയും എന്നും സ്മരിക്കപ്പെടുമെന്ന് സെക്രട്ടേറിയറ്റ് കമ്മിറ്റി അനുശോചന സന്ദേശത്തിൽ പറഞ്ഞു.

പരേതന്‍റെ കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തിൽ പങ്കുചേരുന്നതായും അദ്ദേഹത്തിന്റെ ആത്മാവിന് നിത്യശാന്തി നേരുന്നതായും കെ.പി.എ സെക്രട്ടേറിയറ്റ് കമ്മിറ്റി അറിയിച്ചു.

The post പി.വി. ചെറിയാന്‍ ഡോക്റ്ററുടെ നിര്യാണത്തിൽ കൊല്ലം പ്രവാസി അസോസിയേഷന്‍റെ അനുശോചനം appeared first on Starvision News Malayalam.

മനാമ: ബഹ്‌റൈൻ വിദ്യാഭ്യാസ, പരിശീലന ഗുണനിലവാര അതോറിറ്റി നടത്തിയ ഏറ്റവും പുതിയ വിദ്യാഭ്യാസ ഗുണനിലവാര അവലോകനത്തിൽ ഇന്ത്യൻ സ്കൂളിന് ‘ഗുഡ്’ റേറ്റിംഗ് ലഭിച്ചു. നവംബർ 30 മുതൽ ഡിസംബർ 4 വരെയായിരുന്നു അവലോകനം നടന്നത്.

1 മുതൽ 12 വരെയുള്ള ക്ലാസുകളിലെ വിദ്യാർത്ഥികൾക്ക് പ്രാപ്യവും തുല്യവും ഉയർന്ന നിലവാരമുള്ളതുമായ വിദ്യാഭ്യാസം നൽകുന്ന സ്കൂളിന്റെ പ്രതിബദ്ധതയെ ബി.ക്യു.എ അംഗീകരിച്ചു.

ബി.ക്യു.എയുടെ സിൽവർ മെമെന്റോയും സർട്ടിഫിക്കറ്റും പ്രിൻസിപ്പൽ വി.ആർ. പളനിസ്വാമി, സ്കൂൾ ചെയർമാൻ അഡ്വ. ബിനു മണ്ണിൽ വറുഗീസിന് ഔപചാരികമായി കൈമാറി.

ചടങ്ങിൽ സെക്രട്ടറി വി. രാജപാണ്ഡ്യൻ, വൈസ് ചെയർമാൻ ഡോ. മുഹമ്മദ് ഫൈസൽ, അസി. സെക്രട്ടറി രഞ്ജിനി മോഹൻ, പ്രോജക്ട് ആൻഡ് മെയിന്റനൻസ് അംഗം മിഥുൻ മോഹൻ, അംഗം ബിജു ജോർജ്, ട്രാൻസ്പോർട്ട് അംഗം മുഹമ്മദ് നയാസ് ഉല്ല, ജൂനിയർ വിംഗ് പ്രിൻസിപ്പൽ പമേല സേവ്യർ, വൈസ് പ്രിൻസിപ്പൽമാർ, വിഭാഗം മേധാവികൾ, സ്റ്റാഫ് പ്രതിനിധികൾ എന്നിവർ പങ്കെടുത്തു.

റിവ്യൂ റിപ്പോർട്ട് പ്രകാരം, വിദ്യാർത്ഥികൾക്ക് അവരുടെ പൂർണ്ണ ശേഷി കൈവരിക്കാൻ സഹായിക്കുന്ന പഠനാന്തരീക്ഷം ഇന്ത്യൻ സ്കൂൾ വിജയകരമായി സൃഷ്ടിച്ചിട്ടുണ്ട്. സ്കൂൾ ഭരണസമിതി, ജീവനക്കാർ, മാതാപിതാക്കൾ എന്നിവരുടെ കൂട്ടായ പ്രവർത്തനം അക്കാദമിക വളർച്ചയ്ക്കും തുടർച്ചയായ പുരോഗതിക്കും വലിയ സംഭാവന നൽകിയതായി റിപ്പോർട്ടിൽ ചൂണ്ടിക്കാട്ടി.

വിദ്യാഭ്യാസത്തോടുള്ള സമഗ്ര സമീപനത്തിന്റെ തെളിവായി അക്കാദമിക്, കായികം, കല എന്നീ മേഖലകളിലെ സ്കൂളിന്റെ നേട്ടങ്ങളും റിപ്പോർട്ട് എടുത്തുകാട്ടി. ക്ലാസ് റൂം പഠനത്തിന് പുറത്തുള്ള അക്കാദമിക പിന്തുണാ പരിപാടികൾ വിദ്യാർത്ഥികളുടെ പ്രകടനത്തിൽ ഗുണകരമായ സ്വാധീനം ചെലുത്തിയതായും വിലയിരുത്തി.

ചടങ്ങിൽ സംസാരിച്ച സ്കൂൾ ചെയർമാൻ അഡ്വ. ബിനു മണ്ണിൽ വറുഗീസ്, ഈ നേട്ടത്തിന് സംഭാവന നൽകിയ ഭരണസമിതി, സ്റ്റാഫ്, വിദ്യാർത്ഥികൾ, രക്ഷിതാക്കൾ എന്നിവരോട് നന്ദി അറിയിച്ചു. ബി.ക്യു.എ അവലോകന ശുപാർശകളുടെ അടിസ്ഥാനത്തിൽ സ്കൂൾ സമഗ്രമായ കർമ്മ പദ്ധതി തയ്യാറാക്കുമെന്നും അദ്ദേഹം വ്യക്തമാക്കി.

The post ബി.ക്യു.എ അവലോകനത്തിൽ ഇന്ത്യൻ സ്കൂളിന് ‘ഗുഡ്’ റേറ്റിംഗ് appeared first on Starvision News Malayalam.

മനാമ: ഇന്ത്യൻ സ്കൂൾ പ്രിൻസിപ്പൽ വി.ആർ പളനിസ്വാമിക്ക് സ്‌കൂൾ യാത്രയയപ്പ് നൽകി. സ്‌കൂളിന്റെ ചരിത്രത്തിൽ ഏറ്റവും കൂടുതൽ കാലം സേവനമനുഷ്ഠിച്ച പ്രിൻസിപ്പലായിരുന്നു വി.ആർ പളനിസ്വാമി. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, വൈസ് ചെയർമാനും സ്പോർട്സ് അംഗവുമായ ഡോ. മുഹമ്മദ് ഫൈസൽ,

അസി. സെക്രട്ടറിയും അക്കാദമിക അംഗവുമായ രഞ്ജിനി മോഹൻ, ഫിനാൻസ് ഐടി അംഗം ബോണി ജോസഫ്, പ്രോജക്ട് ആൻഡ് മെയിന്റനൻസ് അംഗം മിഥുൻ മോഹൻ, ട്രാൻസ്‌പോർട്ട് അംഗം മുഹമ്മദ് നയാസ് ഉല്ല, ജൂനിയർ വിംഗ് പ്രിൻസിപ്പൽ പമേല സേവ്യർ, സീനിയർ സ്‌കൂൾ അക്കാദമിക അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, വൈസ് പ്രിൻസിപ്പൽ രാജേഷ് നായർ, ജൂനിയർ വിംഗ് വൈസ് പ്രിൻസിപ്പൽ പ്രിയ ലാജി, സ്റ്റാഫ് പ്രതിനിധി പാർവതി ദേവദാസ് എന്നിവർ പങ്കെടുത്തു.

ഗൾഫിലെ സിബിഎസ്ഇ സ്‌കൂളുകളുടെ കൗൺസിലിനെ പ്രതിനിധീകരിച്ച് ഡോ. മുഹമ്മദ് തയ്യാബ് (ഇബ്‌നുൽ ഹൈതം ഇസ്ലാമിക് സ്‌കൂൾ), മോളി ട്രീസ മാമ്മൻ (ഏഷ്യൻ സ്‌കൂൾ), ഡോ. അരുൺ കുമാർ ശർമ്മ (ന്യൂ മില്ലേനിയം സ്‌കൂൾ), മോണിക്ക സേഥി (അൽ നൂർ ഇന്റർനാഷണൽ സ്‌കൂൾ), ഗോപിനാഥ് മേനോൻ (ന്യൂ ഇന്ത്യൻ സ്‌കൂൾ), സജി ജേക്കബ് (ബഹ്‌റൈൻ ഇന്ത്യൻ സ്‌കൂൾ), മുൻ ഭരണസമിതി അംഗം രാജേഷ് നമ്പ്യാർ എന്നിവരും സന്നിഹിതരായിരുന്നു. ജൂനിയർ വിംഗ് പ്രിൻസിപ്പൽ പമേല സേവ്യർ സ്വാഗതം പറഞ്ഞു.

അനുമോദന പ്രസംഗത്തിൽ അഡ്വ. ബിനു മണ്ണിൽ വറുഗീസ്, വി.ആർ പളനിസ്വാമിയുടെ നേതൃത്വത്തെയും, അക്കാദമിക മികവിനോടുള്ള സമർപ്പണത്തെയും, വിദ്യാർത്ഥികളുടെയും ജീവനക്കാരുടെയും ക്ഷേമത്തിനായുള്ള അചഞ്ചലമായ പ്രതിബദ്ധതയെയും സമൃദ്ധമായി പ്രശംസിച്ചു.

പളനിസ്വാമിയുടെ ജീവിതയാത്രയിലെ അവിസ്മരണീയ നിമിഷങ്ങൾ, നേട്ടങ്ങൾ എന്നിവ എടുത്തുകാണിക്കുന്ന ഒരു പ്രത്യേക വീഡിയോ അവതരണം ശ്രദ്ധേയമായി. ഭാര്യ ശ്രീമതി ചന്ദ്ര പളനിസ്വാമി, മകൻ ഡോ. സന്ദീപ് കുമാർ എന്നിവരുടെ സാന്നിധ്യത്തിൽ, പളനിസ്വാമിയെ ആദരസൂചകമായി അഡ്വ. ബിനു മണ്ണിൽ വറുഗീസ് ഷാൾ അണിയിച്ചു.

പതിനഞ്ച് വർഷം പ്രിൻസിപ്പലായി സേവനമനുഷ്ഠിച്ചതുൾപ്പെടെ സ്‌കൂളിന് സമർപ്പിച്ച ഇരുപത്തിയഞ്ച് വർഷത്തെ സേവനത്തിന് വി.ആർ പളനിസ്വാമിക്ക് മെമന്റോ സമ്മാനിച്ചു. സ്റ്റാഫ് ക്ലബ്ബിന്റെ പ്രത്യേക മെമന്റോ പമേല സേവ്യർ സമ്മാനിച്ചു. സ്വീകരണ പ്രസംഗത്തിൽ ഭരണസമിതി,സ്റ്റാഫ് , മാതാപിതാക്കൾ, വിശാലമായ സ്‌കൂൾ സമൂഹം എന്നിവർക്ക് തന്റെ സേവനകാലയളവിലുടനീളം നൽകിയ വിശ്വാസത്തിനും സഹകരണത്തിനും പളനിസ്വാമി ഹൃദയംഗമമായ നന്ദി രേഖപ്പെടുത്തി.

ഏഷ്യൻ സ്‌കൂളിൽ നിന്നും വിരമിക്കുന്ന പ്രിൻസിപ്പൽ മോളി ട്രീസ മാമ്മനെ യോഗത്തിൽ ആദരിച്ചു. ഇന്ത്യൻ സ്‌കൂളിൽ 10, 15, 20, 25, 30 വർഷം സേവനം പൂർത്തിയാക്കിയവരെ ദീർഘകാല സേവന അവാർഡുകൾ നൽകി ആദരിച്ചു. സെക്രട്ടറി വി. രാജപാണ്ഡ്യൻ നന്ദി പറഞ്ഞു.

The post ഇന്ത്യൻ സ്‌കൂൾ പ്രിൻസിപ്പൽ വി.ആർ പളനിസ്വാമിക്ക് യാത്രയയപ്പ് നൽകി appeared first on Starvision News Malayalam.

മനാമ: ഇന്ത്യൻ സ്കൂൾ പ്ലാറ്റിനം ജൂബിലി ആഘോഷങ്ങളുടെ ഭാഗമായി  രണ്ടാം എഡിഷൻ  ചെസ് ചാമ്പ്യൻഷിപ്പ് സംഘടിപ്പിക്കുന്നു.  അർജുൻസ് ചെസ് അക്കാദമിയുമായി സഹകരിച്ച്  ജൂൺ 12 നാണ് സ്‌കൂളിൽ ചാമ്പ്യൻഷിപ്പ് സംഘടിപ്പിക്കുന്നത്. ബഹ്‌റൈനിൽ ഒരു ചെസ്സ് മത്സരത്തിൽ ഏറ്റവും കൂടുതൽ പങ്കാളിത്തം രേഖപ്പെടുത്തിയ കഴിഞ്ഞ വർഷത്തെ ചാമ്പ്യൻഷിപ്പിന്റെ ശ്രദ്ധേയമായ വിജയത്തെത്തുടർന്ന്, ഈ വർഷത്തെ പതിപ്പ്  കൂടുതൽ  യുവ പ്രതിഭകളെയും ചെസ്സ് പ്രേമികളെയും ഒരുമിച്ച് കൊണ്ടുവന്നു വേറിട്ട അനുഭവമാക്കാനാണ് തീരുമാനം. 

ചാമ്പ്യൻഷിപ്പിൽ ഇന്റർ-സ്കൂൾ ടീം ഇനവും  ഓപ്പൺ റാപ്പിഡ് ഇനവും ഉണ്ടായിരിക്കും.   14 വയസ്സിന് താഴെയുള്ള കുട്ടികൾക്കായി   ഒരു ടീമിനെ രജിസ്റ്റർ ചെയ്യാൻ സ്കൂളുകളെ ക്ഷണിക്കുന്നു. ഒരു സ്‌കൂളിൽ നിന്നും അക്കാദമിക വിഭാഗം തെരഞ്ഞെടുക്കുന്ന ഒരു ടീമിനെയായാണ് പങ്കെടുപ്പിക്കേണ്ടത്.  ഓരോ ടീമിലും ഒരു ആൺകുട്ടിയും ഒരു പെൺകുട്ടിയും ഉൾപ്പെടെ നാല് അംഗങ്ങൾ ഉണ്ടായിരിക്കണം. ഇന്റർ-സ്കൂൾ വിഭാഗത്തിൽ മത്സരം സൗജന്യമായിരിക്കും. ഓപ്പൺ വിഭാഗത്തിൽ, പങ്കെടുക്കുന്ന ഒരാൾക്ക് 3 ദിനാർ  പ്രവേശന ഫീസ് ബാധകമായിരിക്കും. ഫിഡെ  റാപ്പിഡ് നിയമങ്ങൾക്കനുസൃതമായി എല്ലാ മത്സരങ്ങളും നടത്തും. ഓരോ വിഭാഗത്തിലെയും മികച്ച ടീമുകൾക്ക് അവരുടെ പ്രകടനത്തിനും നേട്ടത്തിനും അംഗീകാരമായി ട്രോഫികളും സർട്ടിഫിക്കറ്റുകളും ലഭിക്കും.

വിവിധ വിഭാഗങ്ങളിലായി ആകർഷകമായ സമ്മാനങ്ങളും നൽകും. മികച്ച  പ്രകടനം കാഴ്ചവയ്ക്കുന്ന 10 പേർക്ക്  പ്രത്യേക അംഗീകാരവും നൽകും. ചാമ്പ്യൻഷിപ്പ് സംരംഭത്തിന് സ്‌കൂൾ  വൈസ് ചെയർമാനും  കായിക അംഗവുമായ ഡോ. മുഹമ്മദ് ഫൈസൽ നേതൃത്വം നൽകും. രണ്ടാം പതിപ്പ് രാജ്യത്തെ ഏറ്റവും ആവേശകരവും ഉൾക്കൊള്ളുന്നതുമായ ചെസ്സ് ഇവന്റുകളിൽ ഒന്നായി മാറുമെന്ന് പ്രതീക്ഷിക്കുന്നു.   വിദ്യാർത്ഥികളെയും രക്ഷിതാക്കളെയും ചെസ്സ് പ്രേമികളെയും ഈ  പരിപാടിയിൽ പങ്കെടുക്കാനും ഭാഗമാകാനും ഇന്ത്യൻ സ്‌കൂൾ സ്നേഹപൂർവ്വം ക്ഷണിക്കുന്നു.

സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്,  സെക്രട്ടറി വി. രാജപാണ്ഡ്യൻ,   വൈസ് ചെയർമാനും  സ്പോർട്സ് അംഗവുമായ ഡോ. മുഹമ്മദ് ഫൈസൽ, ഭരണ സമിതി  അംഗങ്ങൾ, പ്രിൻസിപ്പൽ വി.ആർ. പളനിസ്വാമി എന്നിവർ ചെസ്  ചാമ്പ്യൻഷിപ്പ് ഒരു വൻ വിജയമാക്കുന്നതിന്  അഭ്യർത്ഥിച്ചു. രജിസ്ട്രേഷനുള്ള അവസാന തീയതി: തിങ്കൾ, 8 ജൂൺ 2026. കൂടുതൽ വിവരങ്ങൾക്ക്,  ബന്ധപ്പെടുക: അർജുൻ കക്കാടത്ത് – ചീഫ് ആർബിട്രേറ്റർ: 3319 0004;  ഫൈസൽ മടപ്പള്ളി – കൺവീനർ: 3339 4919 ; ഷംഷാദ് – കോർഡിനേറ്റർ: 3929 1585. ഓപ്പൺ കാറ്റഗറിയിൽ പങ്കെടുക്കുന്നവർക്ക് നൽകിയിരിക്കുന്ന QR കോഡ് സ്കാൻ ചെയ്തുകൊണ്ട് രജിസ്റ്റർ ചെയ്യാം.

The post ഇന്ത്യൻ സ്കൂൾ പ്ലാറ്റിനം ജൂബിലി രണ്ടാം ചെസ് ചാമ്പ്യൻഷിപ്പ് സംഘടിപ്പിക്കുന്നു  appeared first on Starvision News Malayalam.

മനാമ: ഇന്ത്യൻ സ്‌കൂൾ ശാസ്ത്ര ദിനത്തിന്റെ ഭാഗമായി ടെക്‌നോഫെസ്റ്റ് 2026 വിജയകരമായി സംഘടിപ്പിച്ചു. നാലു മുതൽ പന്ത്രണ്ടു വരെയുള്ള ക്ലാസുകളിലെ വിദ്യാർത്ഥികൾ സർഗ്ഗാത്മകത, വിമർശനാത്മക ചിന്ത, ശാസ്ത്രീയ പര്യവേക്ഷണം എന്നിവ പ്രോത്സാഹിപ്പിക്കുന്നതിനായി രൂപകൽപ്പന ചെയ്ത നിരവധി മത്സരങ്ങളിൽ ആവേശത്തോടെ പങ്കെടുത്തു. ‘ഉപഭോഗത്തിന്റെ ജീവിതചക്ര പുനർവിചിന്തനം’ എന്ന വിഷയത്തെ അടിസ്ഥാനമാക്കിയുള്ള ഒരു ശാസ്ത്ര പ്രദർശനത്തിലൂടെ നാലും അഞ്ചും ക്ലാസുകളിലെ വിദ്യാർത്ഥികൾ അവരുടെ മികച്ച ആശയങ്ങൾ അവതരിപ്പിച്ചു.

നാലാം ക്ലാസിൽ ഐഡൻ സാം ഡിസൂസയും ഇവാഞ്ചലോ ബെൻസണും ശ്രീഷ പ്രശാന്ത്സുഗന്യയും ജേതാക്കളായി. അഞ്ചാം ക്ലാസ് വിഭാഗത്തിൽ ഇഷാൻ കൃഷ്ണ സുനിലും ആഷിൽ റോസീനയും ദർശികയും ജേതാക്കളായി. ആറാം ക്ലാസിലെ വിദ്യാർത്ഥികൾ ആകർഷകമായ ഒരു സയൻസ് ക്വിസ് മത്സരത്തിലൂടെ അവരുടെ ശാസ്ത്ര അഭിരുചി പ്രകടിപ്പിച്ചു. പുണ്യ ഷാ, നിയാ മേരി എന്നിവരടങ്ങുന്ന ടീം ഒന്നാം സ്ഥാനവും അഭിമന്യ മിഥുൻ, നൈതിക് സുമേഷ് എന്നിവരടങ്ങുന്ന ടീം രണ്ടാം സ്ഥാനവും അസർ അഫ്താബ് സമ, സ്റ്റീവ് എമിൽ എന്നിവരടങ്ങുന്ന ടീം മൂന്നാം സ്ഥാനവും സ്ഥാനം നേടി. ഏഴു മുതൽ മുതൽ പന്ത്രണ്ടു വരെ ക്ലാസുകൾക്കായി ഡിജിറ്റൽ പോസ്റ്റർ മത്സരം സംഘടിപ്പിച്ചിരുന്നു.

ഏഴാം ക്ലാസിൽ പി, എച്ച് ,ഡബ്ലിയു ഡിവിഷനുകൾ ഒന്നാം സ്ഥാനം നേടി. എട്ടാം ക്ലാസിൽ എൻ, എ, പി ഡിവിഷനുകൾ ജേതാക്കളായി. ഒമ്പതിൽ യു, എച്ച്, എൻ ഡിവിഷനുകളാണ് ജേതാക്കൾ. പത്താം ക്ലാസിൽ ബി, സി, എ ഡിവിഷനുകളും പതിനൊന്നിൽ എൻ, പി, എം ഡിവിഷനുളും പന്ത്രണ്ടിൽ എച്ച്,ഐ,ക്യൂ ഡിവിഷനുകളും ജേതാക്കളായി. സ്‌കൂൾ സെക്രട്ടറി വി. രാജപാണ്ഡ്യൻ, അസി. സെക്രട്ടറിയും അക്കാദമിക അംഗവുമായ രഞ്ജിനി മോഹൻ, പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, വൈസ് പ്രിൻസിപ്പൽ രാജേഷ് നായർ, സ്റ്റാഫ് പ്രതിനിധി പാർവതി ദേവദാസ് എന്നിവർ പങ്കെടുത്തു. വിവിധ വകുപ്പ് മേധാവികളായ സുദീപ ഘോഷ് (ബയോളജി), പയസ് മാത്യു (കമ്പ്യൂട്ടർ സയൻസ്), മനോഹരൻ ലോകനാഥൻ (ഫിസിക്സ്), രാജശ്രീ കരണവർ (കെമിസ്ട്രി) എന്നിവർ ആഘോഷങ്ങൾക്ക് നേതൃത്വം നൽകി. ശാസ്ത്രീയ അറിവ് പ്രയോഗിക്കുന്നതിനും, നൂതന ചിന്തകൾ വികസിപ്പിക്കുന്നതിനും, സുസ്ഥിരമായ ഒരു ഭാവി കെട്ടിപ്പടുക്കുന്നതിനുള്ള വേദിയൊരുക്കിയ ടെക്നോഫെസ്റ്റിന്റെ വിജയികളെ ഇന്ത്യൻ സ്കൂൾ ചെയർമാൻ അഡ്വ. ബിനു മണ്ണിൽ വർഗീസ് അഭിനന്ദിച്ചു.

The post ശാസ്ത്ര മികവുമായി ഇന്ത്യൻ സ്‌കൂൾ ടെക്‌നോഫെസ്റ്റ് 2026 appeared first on Starvision News Malayalam.

മനാമ: ഈ വർഷത്തെ സിബിഎസ്ഇ പന്ത്രണ്ടാം ക്ലാസ് പരീക്ഷയിൽ ഇന്ത്യൻ സ്കൂൾ വിദ്യാർത്ഥികൾക്ക് ഉജ്വല വിജയം. ഇത്തവണയും ഇന്ത്യൻ സ്‌കൂൾ അതിന്റെ ദീർഘകാല അക്കാദമിക മികവിന്റെ പാരമ്പര്യം ഉയർത്തിപ്പിടിച്ചു. സ്കൂൾ 98.09 എന്ന മികച്ച ഓവറോൾ വിജയശതമാനം കൈവരിച്ചു.

ഹ്യുമാനിറ്റീസ്, കൊമേഴ്‌സ് വിഭാഗങ്ങളിൽ സ്കൂൾ നൂറു ശതമാനം വിജയം കരസ്ഥമാക്കി. 21 വിദ്യാർത്ഥികൾ എല്ലാ വിഷയങ്ങളിലും എ വൺ ഗ്രേഡുകൾ നേടിയപ്പോൾ, 52 വിദ്യാർത്ഥികൾ പരീക്ഷയിൽ 90 ശതമാനമോ അതിൽ കൂടുതലോ കരസ്ഥമാക്കി. പരീക്ഷയിൽ 272 വിദ്യാർത്ഥികൾക്ക് 75% ഉം അതിൽ കൂടുതലും നേടാൻ കഴിഞ്ഞു.

514 വിദ്യാർത്ഥികൾക്ക് 60% ഉം അതിൽ കൂടുതലും മാർക്ക് ലഭിച്ചു. മികച്ച വിജയം നേടിയവരിൽ, ജിസെൽ ഷാരോൺ ഫെർണാണ്ടസ് 500 ൽ 486 മാർക്കുമായി 97.2 ശതമാനം നേടി സ്‌കൂൾ ടോപ്പറായി. പ്രണവി മണപുറവും അന്ന ബിനുവും 96.8 ശതമാനം വീതം (484/500) നേടി സ്കൂളിൽ രണ്ടാം സ്ഥാനം നേടി. 500 ൽ 484 മാർക്ക് നേടി സിമോൻ മാത്യു ജോളി 96.4 ശതമാനത്തോടെ മൂന്നാം സ്ഥാനം നേടി.

സയൻസ് വിഭാഗത്തിൽ അന്ന ബിനു 96.8 ശതമാനത്തോടെ ഒന്നാമതെത്തി. സിമോൻ മാത്യു ജോളി 96.4 ശതമാനം നേടി രണ്ടാം സ്ഥാനവും ആൽവിൻ ജോർജ് സേവ്യർ 95.6 ശതമാനവും നേടി മൂന്നാം സ്ഥാനവും കരസ്ഥമാക്കി. കൊമേഴ്‌സ് വിഭാഗത്തിൽ ജിസെൽ ഷാരോൺ ഫെർണാണ്ടസ് 97.2 ശതമാനം നേടി ഒന്നാം സ്ഥാനം നേടി. അദിതി സതീഷ് അയ്യർ 95.6 ശതമാനം നേടി രണ്ടാം സ്ഥാനത്തെത്തിയപ്പോൾ, റെഹാൻ സേത്മിക കലുബോവിലയും ബാലാമണി അയിലൂർ യോഗേഷും 95.2 ശതമാനം നേടി മൂന്നാം സ്ഥാനം പങ്കിട്ടു.

ഹ്യുമാനിറ്റീസ് വിഭാഗത്തിൽ, പ്രണവി മണപുറം 96.8 ശതമാനം മാർക്ക് നേടി ഒന്നാം സ്ഥാനം നേടി. അംഗന ശ്രീജിത്ത് 95 ശതമാനം മാർക്ക് നേടി രണ്ടാം സ്ഥാനവും ക്രിസ്റ്റഫർ ചാക്കോ പൂവേലിൽ 92.6 ശതമാനം മാർക്ക് നേടി മൂന്നാം സ്ഥാനവും കരസ്ഥമാക്കി.

ഇന്ത്യൻ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, അസി.സെക്രട്ടറിയും അക്കാദമിക അംഗവുമായ രഞ്ജിനി മോഹൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ് എന്നിവർ ജേതാക്കളെ അഭിനന്ദിച്ചു.

 പരീക്ഷ ഫലത്തിന്റെ വിശദാംശങ്ങൾ:

• മൊത്തം  വിജയശതമാനം 98.09
• ഹ്യുമാനിറ്റീസ് സ്ട്രീമിൽ 100% വിജയം
• കൊമേഴ്‌സ് സ്ട്രീമിൽ 100% വിജയം
• സയൻസ് സ്ട്രീമിൽ 96.49% വിജയം
• സ്കൂൾ ടോപ്പർക്ക് 500 ൽ 486 മാർക്ക് (97.2%)
• 21 വിദ്യാർത്ഥികൾക്ക് എല്ലാ വിഷയത്തിലും എ വൺ   ലഭിച്ചു
• 52 വിദ്യാർത്ഥികൾക്ക് 90% ഉം അതിനു മുകളിലും ലഭിച്ചു
• 272 വിദ്യാർത്ഥികൾക്ക് 75% ഉം അതിനു മുകളിലും ലഭിച്ചു
• 514 വിദ്യാർത്ഥികൾക്ക് 60% ഉം അതിനു മുകളിലും ലഭിച്ചു
• 9 വിദ്യാർത്ഥികൾക്ക് ഗണിതത്തിൽ 100 ലഭിച്ചു
• 1 വിദ്യാർത്ഥിക്ക് കമ്പ്യൂട്ടർ സയൻസിൽ 100 ലഭിച്ചു
• 1 വിദ്യാർത്ഥിക്ക് എഞ്ചിനീയറിംഗ് ഗ്രാഫിക്സിൽ 100 ലഭിച്ചു
• 2 വിദ്യാർത്ഥികൾക്ക് അക്കൗണ്ടൻസിയിൽ 99 ലഭിച്ചു
• 2 വിദ്യാർത്ഥികൾക്ക് ബയോ-ടെക്നോളജിയിൽ 99 ലഭിച്ചു
• 1 വിദ്യാർത്ഥിക്ക് അപ്ലൈഡ് മാത്തമാറ്റിക്സിൽ 99 ലഭിച്ചു
• 1 വിദ്യാർത്ഥിക്ക് കെമിസ്ട്രിയിൽ 99 ലഭിച്ചു
• 1 വിദ്യാർത്ഥിക്ക് ഇൻഫോർമാറ്റിക്സ് പ്രാക്ടീസിൽ  99 ലഭിച്ചു
• 1 ഒരു വിദ്യാർത്ഥിക്ക്  സൈക്കോളജിയിൽ 99 ലഭിച്ചു 
• 1 വിദ്യാർത്ഥിക്ക് 

ബിസിനസ് സ്റ്റഡീസിൽ 99 ലഭിച്ചു 
• 4 വിദ്യാർത്ഥികൾക്ക് 

മാർക്കറ്റിംഗിൽ  98 ലഭിച്ചു
• 2 വിദ്യാർത്ഥികൾക്ക്  

ഇംഗ്ലീഷിൽ 98   ലഭിച്ചു
• 1 വിദ്യാർത്ഥിക്ക്  

ബയോളജിയിൽ 98  ലഭിച്ചു
• 1 വിദ്യാർത്ഥിക്ക് 

സോഷ്യോളജിയിൽ 98 ലഭിച്ചു 
• 1 വിദ്യാർത്ഥിക്ക്  ഇക്കണോമിക്‌സിൽ 

 97 ലഭിച്ചു • 1 വിദ്യാർത്ഥിക്ക്  

ഫിസിക്സിൽ 95 ലഭിച്ചു 
• 1 വിദ്യാർത്ഥിക്ക്  

ഹോം സയൻസിൽ 94 ലഭിച്ചു 
• 1 വിദ്യാർത്ഥിക്ക്  

ആർട്ടിഫിഷ്യൽ ഇന്റലിജൻസിൽ  93 മാർക്ക് ലഭിച്ചു.

The post സിബിഎസ്ഇ 12-ാം ക്ലാസ് പരീക്ഷാഫലം: ഇന്ത്യൻ സ്‌കൂളിന് തിളക്കമാർന്ന വിജയം appeared first on Starvision News Malayalam.

The post ബഹ്റൈനിൽ താമസസ്ഥലത്തെ കെട്ടിടത്തിൽ നിന്ന് വീണ്‌ ചികിത്സയിൽ ആയിരുന്ന ഇന്ത്യൻ സ്കൂൾ വിദ്യാർഥി മരണപ്പെട്ടു appeared first on Starvision News Malayalam.

മനാമ: ഇന്ത്യൻ സ്‌കൂൾ ഇസ ടൗൺ, റിഫ കാമ്പസുകളിൽ സ്മാർട്ട് ക്ലാസ്റൂം പദ്ധതി നടപ്പാക്കിയാതായി ഇന്ത്യൻ സ്‌കൂൾ അധികൃതർ പത്രസമ്മേളനത്തിൽ അറിയിച്ചു. ഏകദേശം 400,000 ദിനാർ പദ്ധതി ചെലവ് വരുന്ന ഈ സംരംഭത്തിന്റെ ഭാഗമായി,എല്ലാ ക്ലാസ് മുറികളിലും ലൈബ്രറികളിലും ലബോറട്ടറികളിലും ഇന്ററാക്ടീവ് ഡിജിറ്റൽ സ്മാർട്ട്‌ബോർഡുകളും സമഗ്രമായ ഒരു സിസിടിവി നെറ്റ്‌വർക്കും സ്ഥാപിച്ചു. ഇത് ഏകദേശം 11,500 വിദ്യാർത്ഥികൾക്ക് പ്രയോജനം ചെയ്യും. സഹകരണത്തിന്റെ ഭാഗമായി, സെയ്ൻ ബിസിനസ് ഏറ്റവും പുതിയ ഇൻഫർമേഷൻ ആൻഡ് കമ്മ്യൂണിക്കേഷൻസ് ടെക്‌നോളജി (ഐസിടി), എക്‌സ്‌ട്രാ-ലോ വോൾട്ടേജ് (ഇഎൽവി) സൊല്യൂഷനുകളും സോഫ്റ്റ്‌വെയർ ലൈസൻസുകളും ലഭ്യമാക്കി. സിസിടിവി സംവിധാനങ്ങൾ മൊത്തത്തിലുള്ള സുരക്ഷയും വർദ്ധിപ്പിക്കും. കഴിഞ്ഞ ജൂൺ 13-ന് നടന്ന അസാധാരണ ജനറൽ ബോഡി യോഗത്തിൽ ഈ പദ്ധതിക്ക് ഔദ്യോഗികമായി അംഗീകാരം ലഭിച്ചിരുന്നു.
ഇന്ത്യൻ സ്‌കൂളിന് നൽകിയ മികച്ച പിന്തുണയ്ക്ക് ബഹ്‌റൈൻ രാജാവ് ഹമദ് ബിൻ ഈസ അൽ ഖലീഫയ്ക്കും കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയ്ക്കും ഇന്ത്യൻ സ്‌കൂൾ അധികൃതർ ഹൃദയംഗമമായ നന്ദി അറിയിച്ചു. വിദ്യാഭ്യാസ മേഖലയുടെ ക്ഷേമവും സ്ഥിരതയും ഉറപ്പാക്കുന്നതിനുള്ള മാർഗ്ഗനിർദ്ദേശം, സഹകരണം, എന്നിവയ്ക്ക് വിദ്യാഭ്യാസ മന്ത്രാലയത്തിനും മറ്റ് മന്ത്രാലയങ്ങൾക്കും മാതാപിതാക്കൾക്കും സാമൂഹ്യപ്രവർത്തകർക്കും സ്‌കൂൾ അധികൃതർ നന്ദി പറഞ്ഞു.

എൻജിനിയറിങ് പ്രവേശന പരീക്ഷയായ ജെ.ഇ.ഇ രണ്ടാം സെഷൻ ഏപ്രിൽ 2 മുതൽ സ്‌കൂളിൽ വിജയകരമായി നടത്തി വരുന്നു. സമയബന്ധിതമായ ഇടപെടലിലൂടെ പരീക്ഷ നടത്താൻ സഹായമൊരുക്കിയ ഇന്ത്യൻ അംബാസഡർ വിനോദ് കെ. ജേക്കബിനും എംബസി ഉദ്യോഗസ്ഥർക്കും, നാഷണൽ ടെസ്റ്റിംഗ് ഏജൻസിക്കും സ്‌കൂൾ നന്ദി അറിയിച്ചു.
ഇപ്പോഴത്തെ സാഹചര്യത്തിൽ രക്ഷിതാക്കൾക്ക് ആശ്വാസകരമായ നടപടികൾ സ്‌കൂൾ സ്വീകരിച്ചിട്ടുണ്ട്. 2026 ഏപ്രിലിലെ ഗതാഗത ഫീസ് ഇപ്പോൾ ഈടാക്കില്ല. ഗതാഗത ദാതാവുമായുള്ള കരാർ അനുസരിച്ച്, ഡിസംബറിലെ കുടിശ്ശികയാണ് മാർച്ചിൽ അടച്ചത്. 2025 സെപ്റ്റംബർ മുതൽ 2029 ജൂൺ വരെ ഒരു അധ്യയന വർഷത്തിൽ (ഏപ്രിൽ മുതൽ ജൂൺ വരെയും സെപ്റ്റംബർ മുതൽ മാർച്ച് വരെയും) പത്ത് മാസത്തേക്ക് വിദ്യാർത്ഥികൾക്ക് ഗതാഗത സേവനങ്ങൾ നൽകുന്നതിനായി ട്രാൻസ്പോർട്ട് കമ്പനിയുമായി ഒരു കരാറിൽ ഏർപ്പെട്ടിട്ടുണ്ട് . നിലവിലെ സംഭവവികാസങ്ങൾ കണക്കിലെടുത്ത്, 2026 മാർച്ചിലേക്കും ഓഫ്‌ലൈൻ ക്ലാസുകൾ പുനരാരംഭിക്കുന്നതുവരെയുള്ള തുടർന്നുള്ള മാസങ്ങളിലേക്കുമുള്ള ഗതാഗത നിരക്കുകൾ സംബന്ധിച്ച് സേവന ദാതാവുമായി ചർച്ചകൾ തുടരുകയാണ്. ഒരു തീരുമാനം അന്തിമമായിക്കഴിഞ്ഞാൽ രക്ഷിതാക്കളെ അറിയിക്കും.
വിദ്യാഭ്യാസ സേവനത്തിന്റെ 75 വർഷത്തെ അടയാളപ്പെടുത്തി കഴിഞ്ഞ ജനുവരിയിൽ സ്‌കൂൾ പ്ലാറ്റിനം ജൂബിലി ആഘോഷങ്ങൾ തുടങ്ങിയിരുന്നു. ഈ ആഘോഷങ്ങളുടെ ഗ്രാൻഡ് ഫിനാലെ ഈ വർഷം നടത്താൻ സ്‌കൂൾ പദ്ധതിയിടുന്നു. 2024–2025 അധ്യയന വർഷത്തെ സിബിഎസ്ഇ പരീക്ഷകളിൽ ഏഴ് ഗൾഫ് സഹോദയ അവാർഡുകൾ നേടി. ജനുവരിയിൽ കൊച്ചിയിൽ നടന്ന 38-ാമത് വാർഷിക പ്രിൻസിപ്പൽമാരുടെ സമ്മേളനത്തിലാണ് അവാർഡുകൾ സമ്മാനിച്ചത്. സിബിഎസ്ഇ പന്ത്രണ്ടാം ക്ലാസ് പരീക്ഷയിൽ ഓവറോൾ ഗൾഫ് ടോപ്പറായി വിദ്യാർത്ഥിനി ശ്രേയ മനോജ് ശ്രദ്ധേയ നേട്ടം കൈവരിച്ചു.
സുസ്ഥിരതയോടുള്ള പ്രതിബദ്ധതയ്ക്ക് അനുസൃതമായി, സ്‌കൂൾ കാനൂ ക്ലീൻമാക്സ് റിന്യൂവബിൾസ് അസറ്റ്കോയുമായി സഹകരിച്ച് ഒരു സുപ്രധാന സൗരോർജ്ജ സംരംഭം നടപ്പിലാക്കിവരുന്നു. ഇസ ടൗൺ, റിഫ കാമ്പസുകളിൽ സ്ഥാപിച്ചിട്ടുള്ള സോളാർ പാനലുകൾ പ്രതിവർഷം ഏകദേശം 1.86 ദശലക്ഷം യൂണിറ്റ് ഊർജ്ജം ഉത്പാദിപ്പിക്കുമെന്ന് പ്രതീക്ഷിക്കുന്നു, ഇത് സ്കൂളിന്റെ ഊർജ്ജ ആവശ്യങ്ങളുടെ 60% ത്തിലധികം നിറവേറ്റുന്നു. പ്ലാറ്റിനം ജൂബിലി ആഘോഷങ്ങളുടെ ഭാഗമായി ജനുവരി 15, 16 തീയതികളിൽ നടന്ന ഇന്ത്യൻ സ്കൂൾ വാർഷിക സാംസ്കാരിക മേളയിൽ ആവേശകരമായ പങ്കാളിത്തം പ്രകടമായിരുന്നു.
2026 ഏപ്രിൽ 6 ന് പുതിയ അക്കാദമിക് വർഷത്തിന് തുടക്കമാകും. ഈ വെല്ലുവിളികൾ നേരിടുന്ന ഘട്ടത്തിനും മികച്ച ഗുണനിലവാരവുമുള്ള വിദ്യാഭ്യാസം ഉറപ്പാക്കി ഇന്ത്യൻ സ്‌കൂൾ വിദ്യാർത്ഥികളുടെ സമഗ്ര വികസനത്തിനായി പരിശ്രമിക്കുമെന്ന് സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ് പറഞ്ഞു. സ്‌കൂൾ സെക്രട്ടറി വി. രാജപാണ്ഡ്യൻ, വൈസ് ചെയർമാനും സ്പോർട്സ് അംഗവുമായ ഡോ. മുഹമ്മദ് ഫൈസൽ, അസി. സെക്രട്ടറിയും അക്കാദമിക അംഗവുമായ രഞ്ജിനി മോഹൻ, ട്രാൻസ്പോർട്ട് അംഗം മുഹമ്മദ് നയാസ് ഉല്ല, പ്രിൻസിപ്പൽ വി.ആർ പളനിസ്വാമി, ജൂനിയർ വിംഗ് പ്രിൻസിപ്പൽ പമേല സേവ്യർ, സീനിയർ സ്കൂൾ അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, ജൂനിയർ വിംഗ് വൈസ് പ്രിൻസിപ്പൽ പ്രിയ ലാജി, സ്റ്റാഫ് പ്രതിനിധി പാർവതി ദേവദാസ് എന്നിവരും പത്രസമ്മേളനത്തിൽ പങ്കെടുത്തു.

The post ഇന്ത്യൻ സ്‌കൂൾ സ്മാർട്ട് ക്ലാസ്റൂം പദ്ധതിക്ക് തുടക്കം കുറിച്ചു appeared first on Starvision News Malayalam.

മനാമ: ഇന്ത്യൻ സ്‌കൂൾ പ്ലാറ്റിനം ജൂബിലി ആഘോഷങ്ങളുടെ ഭാഗമായി നടക്കുന്ന വാർഷിക കൾച്ചറൽ ഫെയറിൽ എം.ജി കാർ ഉൾപ്പെടെ ഭാഗ്യശാലികളെ കാത്തിരിക്കുന്നത് ഒട്ടേറെ സമ്മാനങ്ങൾ. റാഫിൾ ഡ്രോയിൽ ശ്രദ്ധേയമായ സമ്മാനങ്ങളുടെ ഒരു നിര തന്നെ ഒരുക്കിയിരിക്കുന്നതിനാൽ ടിക്കറ്റ് വിൽപ്പന ത്വരിത ഗതിയിൽ നടന്നുവരികയാണ്. സ്റ്റാർ വിഷൻ ഒരുക്കുന്ന ഇന്ത്യൻ സ്‌കൂൾ പ്ലാറ്റിനം ജൂബിലി വർഷ മേള ജനുവരി 15,16 തീയതികളിലാണ് നടക്കുന്നത്. സയാനി മോട്ടോഴ്‌സിൽ നിന്നുള്ള പുത്തൻ എം‌ജി കാറാണ് ഒന്നാം സമ്മാനം. മറ്റു സമ്മാനങ്ങളിൽ ജോയ്ആലുക്കാസിൽ നിന്നുള്ള സ്വർണ്ണ നാണയങ്ങൾ, മുഹമ്മദ് ഫക്രൂ കമ്പനിയിൽ നിന്നുള്ള 600 ലിറ്റർ ഡബിൾ-ഡോർ റഫ്രിജറേറ്റർ, ഹോം തിയേറ്റർ സിസ്റ്റം, ഫ്രണ്ട്-ലോഡ് വാഷിംഗ് മെഷീൻ, മൈക്രോവേവ് ഓവൻ, വാക്വം ക്ലീനർ, എയർ ഫ്രയർ, ബ്ലെൻഡർ, പ്രീമിയം ഫിലിപ്‌സ് വീട്ടുപകരണങ്ങൾ എന്നിവ ഉൾപ്പെടുന്നു.

വൈവിധ്യമാർന്ന സമ്മാന പട്ടിക പ്ലാറ്റിനം ജൂബിലി മെഗാ ഫെയറിന്റെ വ്യാപ്തിയും സമൂഹത്തിന്റെ വിവിധ കോണുകളിൽ നിന്നും സ്കൂളിന് ലഭിക്കുന്ന മികച്ച പിന്തുണയും പ്രതിഫലിപ്പിക്കുന്നു. ഇന്ത്യൻ സ്‌കൂൾ മെഗാ ഫെയറിലേക്കുള്ള പ്രവേശനത്തിന് ടിക്കറ്റിനു 2 ദിനാർ ആയിരിക്കും. പൊതുജനപങ്കാളിത്തത്തിൽ ഇന്ത്യൻ സ്‌കൂളിന്റെ ചരിത്രത്തിൽ ഇതുവരെ സംഘടിപ്പിച്ചിട്ടുള്ളതിൽ വച്ച് ഏറ്റവും വലിയ സാംസ്കാരിക മേളയായിരിക്കും ഇത്തവണ സംഘടിപ്പിക്കുന്ന വാർഷിക ഫെയർ. രണ്ട് ദിവസത്തെ പരിപാടിയിൽ പതിനായിരക്കണക്കിന് വിദ്യാർത്ഥികൾ, രക്ഷിതാക്കൾ, പൂർവ്വ വിദ്യാർത്ഥികൾ, സന്ദർശകർ എന്നിവർ ഒത്തുചേരുമെന്ന് പ്രതീക്ഷിക്കപ്പെടുന്നു.

മേളയുടെ വിജയത്തിനായി വിപുലമായ ഒരുക്കങ്ങൾ നടക്കുന്നുവരുന്നു. ലോജിസ്റ്റിക്സ്, പ്രോഗ്രാമുകൾ, സ്പോൺസർഷിപ്പുകൾ, അടിസ്ഥാന സൗകര്യങ്ങൾ എന്നിവയുമായി ബന്ധപ്പെട്ട കമ്മിറ്റികൾ സജീവമായി പ്രവർത്തിച്ചു വരുന്നു. അധ്യാപക വിദ്യാർത്ഥി ക്ഷേമ സംരംഭങ്ങൾക്കായാണ് മേള സംഘടിപ്പിക്കുന്നത്. പ്രശസ്ത കലാകാരന്മാർ പങ്കെടുക്കുന്ന സംഗീത മേള പരിപാടിയുടെ ഭാഗമായി ഒരുക്കിയിരിക്കുന്നു.

ജനുവരി 15നു വ്യാഴാഴ്ച പ്രശസ്ത സംഗീതജ്ഞനും സംഗീതസംവിധായകനുമായ സ്റ്റീഫൻ ദേവസ്സിയും സംഘവും അവതരിപ്പിക്കുന്ന തത്സമയ സംഗീത കച്ചേരിയോടെ ആഘോഷങ്ങൾ ആരംഭിക്കും. കീബോർഡിലെ വൈദഗ്ധ്യത്തിനും നൂതനമായ സംഗീത സംയോജനത്തിനും പരക്കെ പ്രശംസ നേടിയ സ്റ്റീഫൻ ദേവസി, തന്റെ പ്രകടനങ്ങൾക്ക് ദേശീയവും അന്തർദേശീയവുമായ നിരവധി അംഗീകാരം നേടിയ കലാകാരനാണ്.

ജനുവരി 16ന് വിദ്യാർത്ഥികളുടെ സാംസ്കാരിക പരിപാടികളോടെ ആഘോഷങ്ങൾ തുടരും, തുടർന്ന് പ്രശസ്ത പിന്നണി ഗായിക രൂപാലി ജഗ്ഗ നയിക്കുന്ന ഇമ്പമാർന്ന സംഗീത സായാഹ്നം അരങ്ങേറും. ഗായകൻ അഭിഷേക് സോണിയും സംഘവും ഒപ്പമുണ്ടാകും. മികച്ച ആലാപന മാധുര്യത്തിനും ചലനാത്മകമായ വേദി സാന്നിധ്യത്തിനും പേരുകേട്ട രൂപാലി ജഗ്ഗ അവിസ്മരണീയമായ പ്രകടനം ഒരുക്കും. ഒരു വർഷം നീളുന്ന പ്ലാറ്റിനം ജൂബിലി ആഘോഷങ്ങളുടെ ഒരു പ്രധാന ആകർഷണമായിരിക്കും ഇന്ത്യൻ സ്‌കൂൾ മേള.

ജനുവരി 18 ന് മന്ത്രാലയ പ്രതിനിധികളുടെ സാന്നിധ്യത്തിൽ ഔദ്യോഗിക ചട്ടങ്ങൾ പാലിച്ച് റാഫിൾ നറുക്കെടുപ്പ് നടക്കും. ഇന്ത്യൻ സ്‌കൂൾ പ്ലാറ്റിനം ജൂബിലി മേള വിജയമാക്കാൻ ഏവരുടെയും സഹകരണവും പിന്തുണയും ഉണ്ടാവണമെന്ന് സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, മേളയുടെ ജനറൽ കൺവീനർ ആർ രമേഷ് എന്നിവർ സന്ദേശത്തിൽ അഭ്യർത്ഥിച്ചു. സ്കൂളിന്റെ പ്ലാറ്റിനം ജൂബിലി വർഷത്തിലെ ഒരു ചരിത്രപരമായ നാഴികക്കല്ലാണ് ഈ പരിപാടി. മാതാപിതാക്കൾ, പൂർവ്വ വിദ്യാർത്ഥികൾ, അഭ്യുദയകാംക്ഷികൾ, പൊതുജനങ്ങൾ എന്നിവരെ വലിയ തോതിൽ ആഘോഷങ്ങളിൽ പങ്കുചേരാനും അവർ ക്ഷണിച്ചു.

The post ഇന്ത്യൻ സ്‌കൂൾ പ്ലാറ്റിനം ജൂബിലി ഫെയറിൽ ഭാഗ്യശാലികളെ കാത്ത് ഒട്ടേറെ സമ്മാനങ്ങൾ appeared first on Starvision News Malayalam.