ക്രാന്തികാരി യുവ സംഘടനയുടെ നേതൃത്വത്തിലായിരുന്നു പ്രതിഷേധം. അനുമതിയില്ലാതെ പാർക്കിൽ സമരം നടത്തിയതിനാണ് വിദ്യാർഥികളെ കസ്റ്റഡിയിലെടുത്തതെന്ന് പൊലീസ് അറിയിച്ചു. ഗ്യാനേഷ് കുമാറിനെ മുഖ്യ തെരഞ്ഞെടുപ്പ് കമ്മീഷണർ സ്ഥാനത്തുനിന്ന് നീക്കണമെന്നായിരുന്നു പ്രതിഷേധക്കാരുടെ ആവശ്യം.

ഗ്യാനേഷ് കുമാറിന്റെ കോലം കത്തിക്കുമെന്ന് സംഘടന നേരത്തേ പ്രഖ്യാപിച്ചതിനാൽ നിരവധി പേർ പ്രതിഷേധത്തിനെത്തിയിരുന്നു. രാവണന്റെ കോലം കത്തിക്കാൻ തങ്ങൾക്ക് അവകാശമുണ്ടെന്നും ഗ്യാനേഷ് കുമാറിനെ സംരക്ഷിക്കാൻ പൊലീസ് ശ്രമിക്കുന്നത് എന്തിനാണെന്നും ഡൽഹി സർവകലാശാല വിദ്യാർഥിനി ജ്യോതി ചോദിച്ചു. പ്രതിഷേധത്തിനിടെ പൊലീസുമായി ഉന്തുംതള്ളുമുണ്ടായെന്നും കോലം കത്തിച്ചതിനു പിന്നാലെ പൊലീസ് തങ്ങളെ കസ്റ്റഡിയിലെടുത്തെന്നും അവർ ആരോപിച്ചു.

ദസറയുടെ ഭാഗമായി ഡൽഹിയിലെ പീതംപുരയിൽ കേശവ് രാംലീലാ കമ്മിറ്റി രാവണൻ, കുംഭകർണൻ, മേഘനാദൻ എന്നിവർക്കൊപ്പം 30 അടി ഉയരമുള്ള പാറ്റയുടെ കോലവും കത്തിച്ചിരുന്നു. ഇതിനെ പരിഹസിച്ച് കോക്രോച്ച് ജനതാ പാർട്ടി സ്ഥാപകൻ അഭിജീത് ദിപ്കെ രംഗത്തെത്തി. “സൗജന്യ പ്രചാരണം നൽകിയതിന് വളരെ നന്ദി” എന്നായിരുന്നു അദ്ദേഹത്തിന്റെ പ്രതികരണം.

The post ഗ്യാനേഷ് കുമാറിന്റെ കോലം കത്തിച്ച് പ്രതിഷേധം; വിദ്യാർഥികളെ കസ്റ്റഡിയിലെടുത്ത് വിട്ടയച്ചു appeared first on Starvision News Malayalam.

ബോളിവുഡ് താരം ആമിർ ഖാന്റെ അനന്തരവനായ ഇമ്രാൻ ഖാൻ അമേരിക്കൻ പൗരനാണ്. ഇന്ത്യൻ പൗരത്വത്തിന് പകരം ഓവർസീസ് സിറ്റിസൺ ഓഫ് ഇന്ത്യ (ഒസിഐ) കാർഡാണ് അദ്ദേഹത്തിനുള്ളത്. വിദേശ പൗരനായിരിക്കെ രാഷ്ട്രീയ പ്രതിഷേധത്തിൽ പങ്കെടുത്തത് ഒസിഐ വ്യവസ്ഥകളുടെ ലംഘനമാണെന്ന ആരോപണത്തിന്റെ അടിസ്ഥാനത്തിലാണ് നടപടിയെന്നാണ് റിപ്പോർട്ട്.

2025ലെ ഇമിഗ്രേഷൻ ആൻഡ് ഫോറിനേഴ്സ് ആക്ടിലെ വ്യവസ്ഥകൾ പ്രകാരമാണ് പൊലീസ് നടപടി സ്വീകരിച്ചതെന്നാണ് വിവരം. വിദേശികളുടെ ഇന്ത്യയിലേക്കുള്ള പ്രവേശനം, താമസം, സഞ്ചാരം, രാജ്യം വിടൽ എന്നിവ നിയന്ത്രിക്കുന്നതിനുള്ള വ്യവസ്ഥകൾ നിയമത്തിലുണ്ട്.

ഇമ്രാൻ ഖാനെതിരെ ബിജെപി നേതാവ് കിരിത് സോമയ്യ നേരത്തെ മുംബൈ പൊലീസിൽ പരാതി നൽകിയിരുന്നു. രാഷ്ട്രീയ പ്രതിഷേധത്തിൽ പങ്കെടുത്തതിലൂടെ ഇമ്രാൻ ഒസിഐ കാർഡിന്റെ നിബന്ധനകൾ ലംഘിച്ചുവെന്നായിരുന്നു പരാതിയിലെ ആരോപണം.

ഒക്ടോബർ 10ന് മുംബൈയിലെ ആഗസ്റ്റ് ക്രാന്തി മൈതാനിയിൽ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് നടന്ന പ്രതിഷേധത്തിലാണ് ഇമ്രാൻ ഖാൻ പങ്കെടുത്തത്. അദ്ദേഹത്തിന്റെ പങ്കാളിയും നടിയുമായ ലേഖ വാഷിങ്ടണും ബന്ധുവായ സെയ്ൻ മേരി ഖാനും പ്രതിഷേധത്തിൽ പങ്കെടുത്തിരുന്നു.

പ്രതിഷേധത്തിനിടെ പൊലീസ് വാഹനത്തിനുള്ളിൽ നിന്നുള്ള ചിത്രം ഇമ്രാൻ ഖാൻ സമൂഹമാധ്യമങ്ങളിൽ പങ്കുവച്ചിരുന്നു. എന്തിനാണ് തന്നെ കസ്റ്റഡിയിലെടുത്തതെന്ന് അറിയില്ലെന്നും തെരുവിൽനിന്ന് തങ്ങളെ പൊലീസ് പിടിച്ചുകൊണ്ടുപോയെന്നും താരം വീഡിയോയിലൂടെ ആരോപിച്ചു.

പ്രതിഷേധവുമായി ബന്ധപ്പെട്ട് ഏകദേശം 400 പേരെ മുംബൈ പൊലീസ് കസ്റ്റഡിയിലെടുത്തതായാണ് റിപ്പോർട്ട്. രണ്ട് മണിക്കൂറോളം പൊലീസ് വാഹനത്തിൽ കൊണ്ടുനടന്നശേഷമാണ് ഇവരെ വിട്ടയച്ചതെന്നും ആരോപണമുണ്ട്. അതേസമയം, ഇമ്രാൻ ഖാന് നൽകിയതായി പറയുന്ന നോട്ടീസിന്റെ ഔദ്യോഗിക പകർപ്പോ പൊലീസ് വിശദീകരണമോ ലഭ്യമായിട്ടില്ല.

The post സിജെപി പ്രതിഷേധത്തിൽ പങ്കെടുത്തതിന് പിന്നാലെ നടൻ ഇമ്രാൻ ഖാനോട് ഇന്ത്യ വിടാൻ പോലീസ് നിർദേശം appeared first on Starvision News Malayalam.

പ്രതിഷേധവുമായി ബന്ധപ്പെട്ട് സുപ്രീംകോടതിയിൽ നടന്ന വാദത്തിനായി പതിനഞ്ചോളം അഭിഭാഷകർ ഹാജരായെന്നാണ് ബൻസാലിന്റെ അവകാശവാദം. ഒരു സിറ്റിങ്ങിന് രണ്ടുകോടി രൂപ വരെ ഈടാക്കുന്ന അഭിഭാഷകർക്ക്, ഈ വാദത്തിനായി 15 കോടി മുതൽ 30 കോടി രൂപ വരെ നൽകിയത് ആരാണെന്നും അദ്ദേഹം ചോദിച്ചു.

ഫോർഡ് ഫൗണ്ടേഷനുമായി ബന്ധമുള്ള ഒരു പാർട്ടി പ്രതിഷേധത്തിന്റെ ഭാഗമാണെന്നും ബൻസാൽ ആരോപിച്ചു. ഇന്ത്യയുടെ പരമാധികാരത്തെ ദുർബലപ്പെടുത്താനുള്ള നീക്കത്തിന്റെ സൂചനയാണിതെന്നാണ് അദ്ദേഹത്തിന്റെ വാദം. ഒരു അമേരിക്കൻ വ്യവസായിയുടെയും യുഎസ് വൈസ് പ്രസിഡന്റിന്റെയും ഇടപെടലുകളുണ്ടെന്ന ആരോപണവും അദ്ദേഹം ഉന്നയിച്ചു.

ഇന്ത്യയെ നേപ്പാളോ ബംഗ്ലാദേശോ ആക്കി മാറ്റാനുള്ള ശ്രമമാണ് നടക്കുന്നതെന്നും ഇത്തരം നീക്കങ്ങളെ ജനങ്ങൾ ജാഗ്രതയോടെ കാണണമെന്നും ബൻസാൽ പറഞ്ഞു. പൊലീസും സുരക്ഷാസേനയും രംഗത്തുണ്ടെങ്കിലും അവരുടെ സംരക്ഷണത്തിനായി ജനങ്ങൾ കവചമായി നിലകൊള്ളണമെന്നാണ് വിഎച്ച്പിയുടെ ആഹ്വാനം.

The post ജന്തർ മന്തർ പ്രതിഷേധത്തിന്റെ സാമ്പത്തിക സ്രോതസ് ചോദ്യം ചെയ്ത് വിഎച്ച്പി; സുരക്ഷാസേനയ്ക്ക് പിന്തുണ നൽകണമെന്ന് ആഹ്വാനം appeared first on Starvision News Malayalam.

കോൺഗ്രസ് അധ്യക്ഷൻ മല്ലികാർജുൻ ഖാർഗെ, ലോക്‌സഭാ പ്രതിപക്ഷ നേതാവ് രാഹുൽ ഗാന്ധി, പ്രിയങ്ക ഗാന്ധി, സമാജ്‌വാദി പാർട്ടി അധ്യക്ഷൻ അഖിലേഷ് യാദവ് തുടങ്ങിയവരും ഇന്ത്യ സഖ്യത്തിലെ എംപിമാരും മാർച്ചിൽ അണിനിരന്നു. തെരഞ്ഞെടുപ്പ് കമ്മീഷൻ ഓഫീസിന് സമീപത്തേക്ക് കടത്തിവിടില്ലെന്ന നിലപാടാണ് ഡൽഹി പൊലീസ് സ്വീകരിച്ചത്.

മാർച്ച് തടഞ്ഞതിനെ തുടർന്ന് പ്രവർത്തകരും പൊലീസും തമ്മിൽ ഉന്തുംതള്ളുമുണ്ടായി. സമാജ്‌വാദി പാർട്ടി പ്രവർത്തകർ ബാരിക്കേഡുകൾക്ക് മുകളിൽ കയറിയിരുന്നും പ്രതിഷേധിച്ചു.

പ്രതിഷേധത്തിന്റെ പശ്ചാത്തലത്തിൽ പ്രദേശത്ത് മൂവായിരത്തിലധികം പൊലീസ് ഉദ്യോഗസ്ഥരെ വിന്യസിച്ചു. പുരുഷ പൊലീസ് ഉദ്യോഗസ്ഥരുടെ 27 കമ്പനികളും വനിതാ ഉദ്യോഗസ്ഥരുടെ നാല് കമ്പനികളും സുരക്ഷയ്ക്കായി രംഗത്തുണ്ടായിരുന്നു. പാർലമെന്റ് പരിസരം, പാർലമെന്റ് സ്ട്രീറ്റ് റൗണ്ട് എബൗട്ട്, തെരഞ്ഞെടുപ്പ് കമ്മീഷൻ ഓഫീസിന്റെ പ്രവേശനകവാടങ്ങൾ എന്നിവിടങ്ങളിൽ സുരക്ഷ ശക്തമാക്കി. സുരക്ഷാ മേൽനോട്ടം വഹിച്ച മുതിർന്ന പൊലീസ് ഉദ്യോഗസ്ഥർ യൂണിഫോമിൽ ക്യാമറകൾ ഘടിപ്പിച്ചാണ് ചുമതല നിർവഹിച്ചത്.

തെരഞ്ഞെടുപ്പ് കമ്മീഷനിലുള്ള പൊതുജനങ്ങളുടെ വിശ്വാസം ഗ്യാനേഷ് കുമാർ തകർത്തെന്ന് കോൺഗ്രസ് എംപിമാർ ആരോപിച്ചു. രാജ്യം വിശ്വാസത്തോടെയും അഭിമാനത്തോടെയും കണ്ടിരുന്ന സ്ഥാപനത്തിന്റെ നിഷ്പക്ഷതയാണ് ചോദ്യം ചെയ്യപ്പെടുന്നതെന്നും അവർ പറഞ്ഞു. ഗ്യാനേഷ് കുമാറിനോട് പ്രതിപക്ഷം ഉന്നയിക്കുന്ന ചോദ്യങ്ങൾക്ക് മറുപടി നൽകുന്നത് ബിജെപി നേതാക്കളാണെന്നും എംപിമാർ ആരോപിച്ചു.

The post ഗ്യാനേഷ് കുമാർ രാജിവയ്ക്കണമെന്ന് പ്രതിപക്ഷം; തെരഞ്ഞെടുപ്പ് കമ്മീഷനിലേക്കുള്ള മാർച്ച് തടഞ്ഞ് പൊലീസ് appeared first on Starvision News Malayalam.

താൻ പൊതുമരാമത്ത് മന്ത്രിയായിരുന്ന കാലാവധിയുടെ അവസാനഘട്ടത്തിലാണ് ഗ്യാനേഷ് ചുമതലയേറ്റതെന്ന് മുനീർ പറഞ്ഞു. കെ.എസ്.ടി.പി കേസിൽ വിജിലൻസ് കോടതി തന്നെ കുറ്റവിമുക്തനാക്കിയതാണ്. ആവശ്യമെങ്കിൽ വീണ്ടും അന്വേഷണം നടത്തുന്നതിൽ എതിർപ്പില്ലെന്നും അദ്ദേഹം വ്യക്തമാക്കി.

ഇടതുപക്ഷ സർക്കാർ അധികാരത്തിലെത്തി ആറുമാസത്തിനുശേഷമാണ് എൻജിനീയർ ആത്മഹത്യ ചെയ്തത്. 2006 നവംബറിൽ ആത്മഹത്യാക്കുറിപ്പ് എഴുതിവെച്ചിരുന്നുവെന്നും ഇതുസംബന്ധിച്ച് അന്നത്തെ സർക്കാർ അന്വേഷണം നടത്താതിരുന്നത് എന്തുകൊണ്ടാണെന്നും മുനീർ ചോദിച്ചു.

കെ.എസ്.ടി.പി പദ്ധതി മികച്ച രീതിയിൽ നടപ്പാക്കിയതാണെന്നും തോമസ് ഐസക്കിന്റെ ആരോപണം രാഷ്ട്രീയപ്രേരിതമായിരുന്നുവെന്നും മുനീർ പറഞ്ഞു. ആത്മഹത്യയുമായി ബന്ധപ്പെട്ട് തന്റെ കൈവശം പ്രത്യേക വിവരങ്ങളില്ല. ബില്ലുകൾ നൽകാതിരുന്നതുൾപ്പെടെയുള്ള കാര്യങ്ങളിൽ അന്നത്തെ സർക്കാരാണ് വിശദീകരണം നൽകേണ്ടത്. മന്ത്രിയെന്ന നിലയിൽ ചട്ടങ്ങളും മാനുവലും അനുസരിച്ചാണ് പ്രവർത്തിച്ചതെന്നും കേസിൽ തന്നെ മാത്രം ലക്ഷ്യമിട്ടെന്നും എം.കെ. മുനീർ ആരോപിച്ചു.

The post ഗ്യാനേഷിനെതിരെ അന്വേഷണം വേണം; ആത്മഹത്യാ പ്രേരണയുണ്ടായിരുന്നോയെന്നും പരിശോധിക്കണം: എം.കെ. മുനീർ appeared first on Starvision News Malayalam.

പ്രമേയത്തെ പിന്തുണയ്ക്കുന്ന എംപിമാരുടെ ഒപ്പുകൾ ശേഖരിക്കുന്നതും യോഗത്തിൽ പരിഗണിച്ചേക്കും. യോഗത്തിന് മുന്നോടിയായി തൃണമൂൽ കോൺഗ്രസ് നേതാവ് മമത ബാനർജി, ലോക്സഭയിലെ പ്രതിപക്ഷ നേതാവ് രാഹുൽ ഗാന്ധി, സി.പി.എം. ജനറൽ സെക്രട്ടറി എം.എ. ബേബി തുടങ്ങിയവരുമായി ചർച്ചകൾ നടന്നതായും റിപ്പോർട്ടുണ്ട്.

കോൺഗ്രസ് നേതാക്കളായ സോണിയ ഗാന്ധി, മല്ലികാർജുൻ ഖാർഗെ, രാഹുൽ ഗാന്ധി, തൃണമൂൽ കോൺഗ്രസ് നേതാക്കളായ മമത ബാനർജി, അഭിഷേക് ബാനർജി, സമാജ്‌വാദി പാർട്ടി നേതാവ് അഖിലേഷ് യാദവ്, ശിവസേന നേതാവ് ഉദ്ധവ് താക്കറെ തുടങ്ങിയവർ യോഗത്തിൽ പങ്കെടുക്കുമെന്നാണ് സൂചന.

ഗ്യാനേഷ് കുമാറിനെതിരെ പ്രമേയം കൊണ്ടുവരാനുള്ള പ്രതിപക്ഷത്തിന്റെ മൂന്നാമത്തെ ശ്രമമാണിതെന്നാണ് റിപ്പോർട്ട്. തെരഞ്ഞെടുപ്പ് കമ്മീഷന്റെ തീരുമാനങ്ങളിൽ നിഷ്പക്ഷ അന്വേഷണം ആവശ്യപ്പെടുക, തുടർ പ്രതിഷേധങ്ങൾ സംഘടിപ്പിക്കുക, പഞ്ചാബ്, ഉത്തർപ്രദേശ്, ഉത്തരാഖണ്ഡ് തുടങ്ങിയ തിരഞ്ഞെടുപ്പ് സംസ്ഥാനങ്ങളെ കേന്ദ്രീകരിച്ച് രാജ്യവ്യാപക പ്രക്ഷോഭങ്ങൾക്ക് രൂപം നൽകുക എന്നിവയാണ് യോഗത്തിലെ പ്രധാന അജണ്ടകളെന്നാണ് വിവരം.

ഇക്കാര്യത്തിൽ കോൺഗ്രസിന്റെ നിലപാട് തീരുമാനിക്കാൻ സെപ്റ്റംബർ 29ന് കോൺഗ്രസ് പ്രവർത്തക സമിതി യോഗം ചേരും.

The post ഗ്യാനേഷ് കുമാറിനെതിരെ പ്രമേയം; സെപ്റ്റംബർ 30ന് ‘ഇന്ത്യ’ മുന്നണി യോഗം appeared first on Starvision News Malayalam.