ന്യൂഡല്ഹി : വിദേശ രാജ്യങ്ങളില് കുടുങ്ങി കിടക്കുന്ന പ്രവാസി ഇന്ത്യക്കാരുമായുള്ള വിമാനങ്ങള് വ്യാഴാഴ്ച മുതല് എത്തി തുടങ്ങും. നാല് വിമാനങ്ങളാണ് കേരളത്തിലേക്ക് വ്യാഴാഴ്ച എത്തുന്നത്. ഖത്തറില് നിന്നും സൗദി അറേബ്യയില് നിന്നും ഓരോ വിമാനങ്ങളും യുഎഇയില് നിന്നും രണ്ടെണ്ണവുമാണ് ആദ്യം കേരളത്തിലെത്തുന്നത്.വ്യാഴാഴ്ച മുതല് അടുത്ത ഏഴ് ദിവസത്തിനുള്ളിൽ രാജ്യത്തിന്റെ വിവിധ ഭാഗങ്ങളിലേക്കായി 64 വിമാനങ്ങളിലാണ് പ്രവാസികളെത്തുക.12 രാജ്യങ്ങളില് നിന്ന് 10 സംസ്ഥാനങ്ങളിലേക്കാണ് പ്രവാസികളെ കൊണ്ടുവരുന്നത്. 14800 ഓളം പേരെ ആദ്യ ആഴ്ച ഇന്ത്യയിലെത്തിക്കും. യുഎഇ, ഖത്തര്, സൗദി അറേബ്യ, ബഹ്റൈന്, കുവൈത്ത്, ഒമാന്, മലേഷ്യ, അമേരിക്ക, സിങ്കപ്പൂര്, യുകെ, ബംഗ്ലാദേശ്, ഫിലിപൈന്സ് എന്നിവടങ്ങളില് നിന്നാണ് ആദ്യ ആഴ്ചയില് പ്രവാസികളെ വിമാനത്തില് കൊണ്ടുവരുന്നത്.അബുദാബി-കൊച്ചി, ദുബായ്-കോഴിക്കോട്, റിയാദ്-കോഴിക്കോട്, ദോഹ-കൊച്ചി എന്നീ നാല് സര്വീസുകളാണ് ആദ്യ ദിനം കേരളത്തിലേക്ക്.രണ്ടാം ദിവസം ബഹ്റൈനില് നിന്ന് കൊച്ചിയിലേക്ക് വിമാനം എത്തും. മൂന്നാം ദിവസം കുവൈത്തില് നിന്ന് കൊച്ചിയിലേക്കും, ഒമാനില് നിന്ന് കൊച്ചിയിലേക്കും വിമാനം എത്തും. നാലാം ദിവസം ദോഹയില് നിന്ന് തിരുവനന്തപുരത്തേക്കും, സിംഗപ്പൂരില് നിന്ന് കൊച്ചിയിലേക്കും വിമാനമുണ്ട്. അഞ്ചാം ദിവസം ദമാം (സൗദി അറേബ്യ)-കൊച്ചി, മനാമ – കോഴിക്കോട്, ദുബായ് – കൊച്ചി എന്നിവടങ്ങളില് നിന്ന് വിമാനം എത്തും. ആറാം ദിവസം കോലാലംപൂരില് നിന്ന് കൊച്ചിയിലേക്ക് വിമാനം. ഏഴാമത്തെ ദിവസം കുവൈത്തില് നിന്ന് കോഴിക്കോട്ടേക്കും. ജിദ്ദ (സൗദി)യില് നിന്ന് കൊച്ചിയിലേക്കും സര്വീസുണ്ട്.
Trending
- സ്കൂൾ തുറക്കൽ: മന്ത്രി വി ശിവൻകുട്ടി തദ്ദേശ സ്വയംഭരണ സ്ഥാപനങ്ങളുടെ മേധാവികളുടെ യോഗം വിളിച്ചു ചേർത്തു
- തിരഞ്ഞെടുപ്പ് ഫലം കേരളത്തിൽ രാഷ്ട്രീയ മാറ്റത്തിന് തുടക്കം കുറിക്കും: കെ.സുരേന്ദ്രൻ
- ഭർത്താവും ഭാര്യയും കിടപ്പുമുറിയിൽ സംസാരിച്ചിരിക്കെ അതിക്രമിച്ച് യുവതിക്കൊപ്പം കയറിക്കിടന്നു; കാമുകനെ വെട്ടിപ്പരുക്കേൽപ്പിച്ച് ഭർത്താവ്
- മൂന്ന് സ്വതന്ത്ര എംഎല്എമാര് പിന്തുണ പിന്വലിച്ചു; ഹരിയാനയില് ബിജെപി സര്ക്കാര് തുലാസില്
- തെറ്റിദ്ധരിപ്പിക്കുന്ന പരസ്യങ്ങളിൽ അഭിനയിക്കുന്നവര്ക്കും അതിൽ ഉത്തരവാദിത്വമുണ്ട്- സുപ്രീം കോടതി
- ലോക്സഭാ തിരഞ്ഞെടുപ്പിൻ്റെ മൂന്നാംഘട്ട വോട്ടെടുപ്പ് പൂർത്തിയായി: 60 ശതമാനത്തിനു മേൽ പോളിങ്
- നാലാം ലോക കേരള സഭ ജൂൺ 13 മുതൽ 15 വരെ തിരുവനന്തപുരത്ത്
- പ്രസവകാലത്തെ മാതൃ-ശിശു സംരക്ഷണത്തിന് മിഡ് വൈഫുകളുടെ സേവനം കൂടുതല് പ്രയോജനപ്പെടുത്തണമെന്ന് ഉച്ചകോടി