തിരുവനന്തപുരം: ക്യാമറാ നിരീക്ഷകനെ നിയോഗിക്കാനുള്ള ഹെെക്കോടതി ഉത്തരവ് നടപ്പിലാക്കാന്‍ വിസമ്മതിക്കുന്നത് സത്യസന്ധവും സുതാര്യവുമായി നടത്തേണ്ട മില്‍മ ഭരണസമിതി തിരഞ്ഞെടുപ്പ് അട്ടിമറിക്കാനുള്ള നീക്കത്തിന്‍റെ ഭാഗമാണെന്ന് കെപിസിസി ജനറല്‍ സെക്രട്ടറി ടിയു രാധാകൃഷ്ണന്‍.
സ്വന്തം നിലയക്ക് പണം ചെലവാക്കി ക്യാമറ നിരീക്ഷകനെ നിയോഗിക്കാനാണ്
പല പോളിംഗ് സ്റ്റേഷന്‍റെയും ചാര്‍ജുള്ള ഉദ്യോഗസ്ഥര്‍ കോണ്‍ഗ്രസ് സ്ഥാനാര്‍ത്ഥികളോട് ആവശ്യപ്പെടുന്നത്. ഇത് വോട്ടിംഗ് അട്ടിമറിക്കാനുള്ള നീക്കമാണ്. വ്യാപകമായി കള്ളവോട്ട് ചെയ്ത് മില്‍മ ഭരണസമിതി പിടിക്കാനുള്ള സിപിഎമ്മിന്‍റെ കുടിലതന്ത്രത്തിന്‍റെ ഭാഗമാണിത്. ജനാധിപത്യവിരുദ്ധമായ ഇൗ നിലപാട് ഒരിക്കലും അംഗീകരിക്കാന്‍ സാധ്യമല്ല. ഹെെക്കോടതി ഉത്തരവ് പ്രകാരം ക്യാമറകള്‍ സ്ഥാപിക്കാന്‍ പോളീംഗ് ഉദ്യോഗസ്ഥര്‍ തയ്യാറാകണമെന്നും ടി.യു.രാധാകൃഷ്ണന്‍ ആവശ്യപ്പെട്ടു.
