തടാകത്തിൽ കാണാതായ നടി നയ റിവേരയുടെ മൃതദേഹം കണ്ടെത്തി

അമേരിക്ക : സതേൺ കാലിഫോർണിയയിലെ പിറു തടാകത്തിൽ കാണാതായ നടി നയ റിവേരയുടെ മൃതദേഹം അഞ്ചു ദിവസത്തെ തിരച്ചിലിനൊടുവിൽ കണ്ടെത്തി. മ്യൂസിക്കൽ കോമഡിയായ ‘ഗ്ലീ’യിലൂടെ ശ്രദ്ധ നേടിയ താരമാണ് നയ. ജൂലൈ എട്ടിനാണ് തടാകത്തിൽ ഒരു ബോട്ടിൽ റിവേരയുടെ മകനായ എട്ടുവയസുകാരനെ കണ്ടെത്തുന്നത്. അമ്മയും മകനും ഒന്നിച്ചെത്തിയ ബോട്ട് സവാരിയിൽ റിവേര അപകടത്തിൽപ്പെട്ടു എന്ന നിഗമനത്തിൽ അന്ന് തന്നെ തിരച്ചിൽ ദൗത്യം ആരംഭിക്കുകയും ചെയ്തിരുന്നു.ബോട്ട് കണ്ടെത്തിയ ഭാഗത്തു നിന്നും നാൽപത് മൈൽ അകലെ നിന്നാണ് മൃതദേഹം കണ്ടെടുത്തത്.