ന്യൂഡല്ഹി: കേന്ദ്ര വിദേശകാര്യസഹമന്ത്രി വി മുരളീധരന് മെയ് ഒന്നു മുതല് മൂന്നു വരെ സൗദി അറേബ്യയും മെയ് 4,5 തീയതികളില് ബഹ്റൈനും സന്ദര്ശിക്കും. മുരളീധരൻറെ ഔദ്യോഗിക സന്ദര്ശനത്തില്, ഇരു രാജ്യങ്ങളിലെയും വിദേശകാര്യമന്ത്രിമാരുമായി അദ്ദേഹം ചര്ച്ച നടത്തും.
ഇരു രാജ്യങ്ങളും തമ്മിലുള്ള പരസ്പര ബന്ധം മെച്ചപ്പെടുത്തലാണ് ചര്ച്ചയുടെ ഉദ്ദേശം. ഇരു രാജ്യങ്ങളിലുമുള്ള ഇന്ത്യാക്കാരുമായും അദ്ദേഹം ആശയവിനിമയം നടത്തും. നിലവില് സുഡാനില് നിന്നും ഇന്ത്യാക്കാരെ ഒഴിപ്പിക്കുന്ന ഓപ്പറേഷന് കാവേരിക്ക് നേതൃത്വം നല്കാനായി കേന്ദ്രമന്ത്രി മുരളീധരന് ഏപ്രില് 25 മുതല് 28 വരെ ജിദ്ദയിലുണ്ടായിരുന്നു.