മനാമ: കോവിഡ് മഹാമാരി കാലത്ത് താത്കാലികമായി നിർത്തിവയ്ക്കേണ്ടിവന്ന മലയാളം മിഷൻ ക്ലാസ്സുകൾ പുനരാരംഭിക്കുന്നതായി കെ.എസ്.സി.എ ഭാരവാഹികൾ അറിയിച്ചു. മുല്ല , കണിക്കൊന്ന എന്നീ ക്ലാസ്സുകളാണ് പുനരാരംഭിക്കുന്നത്. മാർച്ച് 28 ന് വൈകുന്നേരം 7:30 ന് കെ.എസ്.സി.എ ആസ്ഥാനത്തു പ്രവേശനോത്സവത്തോടെ ക്ലാസുകൾ ആരംഭിക്കും. തുടർന്ന് എല്ലാ ചൊവ്വാഴ്ചയും വൈകിട്ടു 8 മുതൽ 9:30 വരെ മലയാളം പാഠശാല ക്ലാസുകൾ ഉണ്ടായിരിക്കുന്നതാണ്. കുട്ടികളെ മാതൃഭാഷ പഠിക്കുവാൻ താല്പര്യമുള്ള രക്ഷിതാക്കൾ 33989636 (രഞ്ചു ആർ നായർ), 39300467 (രജനി ശ്രീഹരി) എന്നീ നമ്പറുകളിൽ ബന്ധപെടുക.