കെ എസ് ആർ ടി സി ശമ്പളം നൽകിയില്ലെങ്കിൽ പണിമുടക്കേണ്ടി വരും: എം.വിൻസെന്റ്

തിരുവനന്തപുരം: കെഎസ്ആർടിസി തൊഴിലാളികളുടെ ശംബളം ഇനിയും നൽകിയില്ലെങ്കിൽ പണിമുടക്കിലേക്ക് പോകേണ്ടി വരുമെന്ന് റ്റിഡിഎഫ് വർക്കിംഗ് പ്രസിഡന്റ് എം.വിൻസെന്റ്, എംഎൽഎ. ജൂൺ- ജൂലായ് മാസത്തിൽ ഇതുവരെ നാന്നൂറ് കോടിയിലധികം വരുമാനം കെഎസ്ആർടിസിക്ക് ലഭിച്ചിട്ടും പകുതി ശംബളമാണ് ഇതുവരെ നൽകിയത്, ബാങ്കുകൾ ലോൺ തിരിച്ചടവ് തുക പിടിച്ചത് കാരണം അതു പോലും കയ്യിൽ ലഭിക്കാത്ത സാഹചര്യമാണ് തൊഴിലാളിക്കുള്ളത്. തൊഴിലാളികൾ പട്ടിണി കിടന്നു ജോലി ചെയ്യണമെന്നാണോ സർക്കാരും മാനേജ്മെന്റും ഉദ്ദേശിക്കുന്നതെന്നും, ഇത് കേരള സമൂഹത്തിനാകെ അപമാനം ആണെന്നും എംഎൽഎ പറഞ്ഞു. ഈ ഓണക്കാലത്തും തൊഴിലാളികളെ പട്ടിണിക്കിടാനാണ് ഇപ്പോൾ ഈ വ്യാജ പ്രതിസന്ധി സ്രഷ്ടിക്കുന്നത്, അതിനെതിരെ മുഴുവൻ തൊഴിലാളികളേയും അണിനിരത്തി ശക്തമായ സമരങ്ങളിലേക്ക് യൂണിയൻ പോകുമെന്നും അദ്ദേഹം മുന്നറിയിപ്പ് നൽകി.