തിരുവനന്തപുരം: കടയ്ക്കാവൂര് പോക്സോ കേസില് കുട്ടിയുടെ അമ്മയാണോ അച്ഛനാണോ പ്രതിസ്ഥാനത്തെന്ന് സത്യം തെളിയിക്കാന് ഇനി ഈ കേസ് അന്വേഷിക്കുന്നതിനായി തിരുവനന്തപുരം സിറ്റി ഡെപ്യൂട്ടി പൊലീസ് കമ്മീഷണര് ഡോ. ദിവ്യ. വി. ഗോപിനാഥിനെ ചുമതലപ്പെടുത്തിയതായി സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു. ഹൈടെക് ക്രൈം എന്ക്വയറി സെല് അഡീഷണല് എസ് പി ഇ എസ് ബിജുമോന് അന്വേഷണത്തിന് ആവശ്യമായ സഹായം നല്കും. നിലവില് നടക്കുന്ന അന്വേഷണം പുരോഗമിച്ച സാഹചര്യത്തില് ഇനി കുട്ടിയുടെ അമ്മയെ കസ്റ്റഡിയില് സൂക്ഷിക്കേണ്ട സാഹചര്യം ഇല്ല എന്ന് ചൂണ്ടിക്കാട്ടിയാണ് കോടതി ജാമ്യം അനുവദിച്ചത്. അന്വേഷണ പുരോഗതി അറിയിക്കാന് അന്വേഷണ ഉദ്യോഗസ്ഥരോട് കോടതി ആവശ്യപ്പെട്ടിരുന്നു.