എ. വിജയരാഘവന്‍ വര്‍ഗീയവാദിയാണെന്ന് കെ സുധാകരന്‍

കണ്ണൂർ : വര്‍ഗീയ വിഷം ചീറ്റുന്ന ഏറ്റവും വലിയ വര്‍ഗീയവാദിയാണ് എ. വിജയരാഘവന്‍ എന്ന് കെപിസിസി അധ്യക്ഷന്‍ കെ സുധാകരന്‍. ശിഖണ്ഡിയെ മുന്നില്‍ നിര്‍ത്തി യുദ്ധം ചെയ്യുന്നത് ശരിയാണോ എന്നും അതാണ് വിജയരാഘവനെ മുന്നില്‍ നിര്‍ത്തി സിപിഐഎം ചെയ്യുന്നത് എന്നും സുധാകരന്‍ പരിഹസിച്ചു.

ഇതിനപ്പുറത്തേക്ക് പറയാന്‍ തന്റെ മാന്യത അനുവദിക്കാത്തതുകൊണ്ടാണെന്നും അദ്ദേഹം പറഞ്ഞു. കോണ്‍ഗ്രസ് വിളിച്ചു ചേര്‍ക്കുന്ന മത സൗഹാര്‍ദ യോഗത്തില്‍ പങ്കെടുക്കുമെന്ന് എല്ലാ മത സമുദായ നേതാക്കളും സമ്മതിച്ചിട്ടുണ്ടെന്നും, അതിന് മുന്‍കൈ എടുക്കാന്‍ സര്‍ക്കാര്‍ തയ്യാറാകുന്നില്ലെന്നും സുധാകരന്‍ കണ്ണൂരില്‍ പറഞ്ഞു.