മനാമ: നയതന്ത്ര മാനദണ്ഡങ്ങൾ ലംഘിച്ചതിന് ഇറാഖി ചാർജ് ഡി അഫയേഴ്‌സ് മൊയാദ് ഒമർ അബ്ദുൾ റഹ്മാനെ ബഹ്റൈൻ വിദേശകാര്യ മന്ത്രാലയം വിളിച്ചുവരുത്തി അതൃപ്തി അറിയിച്ചു. ബഹ്‌റൈനിലെ നയതന്ത്ര പ്രോട്ടോക്കോളുകൾക്ക് വിരുദ്ധമായ അദ്ദേഹത്തിന്റെ അസ്വീകാര്യമായ പെരുമാറ്റത്തെ മന്ത്രാലയം ശക്തമായി അപലപിച്ചതായി വിദേശകാര്യ മന്ത്രി ഡോ. അബ്ദുല്ലത്തീഫ് ബിൻ റാഷിദ് അൽ സയാനി ഇറാഖി ചാർജ് ഡി അഫയേഴ്‌സിനെ അറിയിക്കുകയും ഇക്കാര്യത്തിൽ ഒരു ഔദ്യോഗിക പ്രതിഷേധ കുറിപ്പ് അദ്ദേഹത്തിന് നൽകുകയും ചെയ്തു.പ്രസ്താവന പുറത്തുവന്ന് ഏതാനും മണിക്കൂറുകൾക്ക് ശേഷം, ബഹ്‌റൈനിലെ ഇറാഖി ചാർജ് ഡി അഫയേഴ്‌സിനെ ബാഗ്ദാദിലേക്ക് തിരികെ കൊണ്ടുവരാൻ ഇന്റർനാഷണൽ റിലേഷൻസ് അഫയേഴ്‌സ് ഇറാഖ് ഉപപ്രധാനമന്ത്രി ഫുആദ് ഹുസൈൻ നിർദേശിച്ചു. ഇറാഖ് വിദേശകാര്യ മന്ത്രാലയ വക്താവ് ഡോ. അഹമ്മദ് അൽ-സഹ്ഹാഫ് ആണ് ഇക്കാര്യം അറിയിച്ചത്.