കൊറോണ വൈറസ് വായുവിലൂടെ പകരില്ല

ന്യൂഡല്‍ഹി: കൊറോണ വായുവിലൂടെ പകരുമെന്ന് അമേരിക്കയിലെ ശാസ്ത്രജ്ഞര്‍ കണ്ടെത്തിയതായി യുഎസ് പകര്‍ച്ച വ്യാധി വകുപ്പ് തലവന്‍ അവകാശപ്പെട്ട സാഹചര്യത്തിലാണ് കൊറോണ വൈറസ് വായുവിലൂടെ പകരുമെന്ന വാദത്തിന് അടിസ്ഥാനമില്ലെന്ന് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് അഭിപ്രായപ്പെട്ടത്. വായുവിലൂടെ കൊറോണ പകരുമായിരുന്നെങ്കില്‍ രോഗബാധ സ്ഥിരീകരിച്ചവരുടെ കുടുംബത്തിലെ എല്ലാവര്‍ക്കും രോഗം ഉണ്ടാകേണ്ടതായിരുന്നുവെന്നും,കൊറോണ വൈറസ് ബാധിതരായവര്‍ ചികിത്സയില്‍ കഴിഞ്ഞ ആശുപത്രികളിലെ മറ്റ് രോഗികള്‍ക്കും രോഗബാധ ഉണ്ടാകേണ്ടതായിരുന്നുവെന്നും ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് വാര്‍ത്താ സമ്മേളനത്തിൽ അറിയിച്ചു.