ഗുരുദ്വാര ഭീകരാക്രമണം- 37 ഇസ്ലാമിക് സ്റ്റേറ്റ് ഭീകരര്‍ പിടിയില്‍

കാബൂള്‍: സിഖ് ഗുരുദ്വാരയ്ക്ക് നേരെ ആക്രമണം നടത്തിയ ഇസ്ലാമിക് സ്റ്റേറ്റുമായി ബന്ധപ്പെട്ട് പ്രവര്‍ത്തിക്കുന്ന ഇസ്ലാമിക് സ്റ്റേറ്റ് ഖൊറാസന്‍ പ്രൊവിന്‍സിലെ 37 ഭീകരരെ സുരക്ഷാ സേന പിടികൂടി. സിഖ് ഗുരുദ്വാരയ്ക്ക് നേരെ നടന്ന ഭീകരാക്രമണവുമായി ബന്ധപ്പെട്ട് കഴിഞ്ഞ ദിവസം ഐഎസ്‌കെപി ഭീകര നേതാവ് അസ്ലാം ഫറൂഖിയെ പിടികൂടിയിരുന്നു. ഇതിന് പിന്നാലെയാണ് ഇയാളുടെ നേതൃത്വത്തിലുള്ള ഭീകര സംഘത്തെ സുരക്ഷാ സേന പിടികൂടിയത്. ഇവര്‍ ഒളിച്ചു താമസിച്ചിരുന്ന ക്യാമ്പും സൈന്യം തകര്‍ത്തിട്ടുണ്ട്. കഴിഞ്ഞ ദിവസം പിടികൂടിയ പാകിസ്താന്‍ സ്വദേശിയായ അസ്ലം ഫറൂഖിയെ അമേരിക്കന്‍ സുരക്ഷാ ഏജന്‍സിയിലെ ഉന്നത ഉദ്യോഗസ്ഥരുടെ നേതൃത്വത്തില്‍ ചോദ്യം ചെയ്തിരുന്നു. ചോദ്യം ചെയ്യലിലാണ് ഭീകര താവളത്തെക്കുറിച്ചുള്ള വിവരം ഇയാള്‍ വെളിപ്പെടുത്തിയത്. വിവരത്തിന്റെ അടിസ്ഥാനത്തില്‍ സുരക്ഷാ സേന നടത്തിയ നിര്‍ണ്ണായക നീക്കത്തിനൊടുവിലാണ് ഭീകര സംഘത്തെ പിടികൂടിയത്. പിടികൂടിയ ഭീകര സംഘത്തില്‍ 14 ഓളം സ്ത്രീകളും കുട്ടികളും സംഘത്തില്‍ ഉള്‍പ്പെട്ടിട്ടുണ്ട്.