മനാമ: മൊത്ത ആഭ്യന്തര ഉൽപ്പാദനവുമായി താരതമ്യം ചെയ്തുള്ള വ്യാപാര മിച്ചത്തിൽ അറബ് ലോകത്ത് ബഹ്‌റൈൻ ഒന്നാം സ്ഥാനത്തെത്തി. 2025ൽ രാജ്യത്തിന്റെ വ്യാപാര മിച്ചം ജിഡിപിയുടെ 33.2 ശതമാനമായതായി പുതിയ പഠനം വ്യക്തമാക്കുന്നു.

ലോക വ്യാപാര സംഘടനയുടെയും അന്താരാഷ്ട്ര നാണയ നിധിയുടെയും കണക്കുകൾ അടിസ്ഥാനമാക്കി തയ്യാറാക്കിയ റിപ്പോർട്ടിലാണ് ബഹ്‌റൈന്റെ മുന്നേറ്റം രേഖപ്പെടുത്തിയത്.

ജിഡിപിയുടെ 27.8 ശതമാനം വ്യാപാര മിച്ചവുമായി യുഎഇയാണ് പട്ടികയിൽ രണ്ടാം സ്ഥാനത്ത്. ലിബിയ 24.1 ശതമാനവുമായി മൂന്നാമതും ഖത്തർ 19.5 ശതമാനവുമായി നാലാമതുമെത്തി.

ഇറക്കുമതിയെക്കാൾ കൂടുതൽ ഉൽപ്പന്നങ്ങൾ വിദേശ വിപണികളിലേക്ക് കയറ്റുമതി ചെയ്യാൻ കഴിഞ്ഞതാണ് ബഹ്‌റൈന് നേട്ടമായത്. രാജ്യത്തിന്റെ വിദേശ വ്യാപാര ശേഷിയും ബാഹ്യ സാമ്പത്തിക മേഖലയുടെ കരുത്തുമാണ് കണക്കുകൾ വ്യക്തമാക്കുന്നത്.

എണ്ണയിതര മേഖലകളുടെ മികച്ച പ്രകടനം, പുനർകയറ്റുമതിയിലെ മുന്നേറ്റം, എണ്ണവിലയിലുണ്ടായ മാറ്റങ്ങൾ എന്നിവ വ്യാപാര മിച്ചം ഉയരാൻ സഹായിച്ച പ്രധാന ഘടകങ്ങളാണെന്നും റിപ്പോർട്ട് ചൂണ്ടിക്കാട്ടുന്നു.

സാമ്പത്തിക വൈവിധ്യവത്കരണത്തിനായി ബഹ്‌റൈൻ സ്വീകരിച്ച നടപടികൾ ഫലം കാണുന്നതിന്റെ സൂചനയായാണ് ഈ നേട്ടം വിലയിരുത്തപ്പെടുന്നത്.

The post വ്യാപാര മിച്ചത്തിൽ അറബ് രാജ്യങ്ങളെ പിന്നിലാക്കി ബഹ്‌റൈൻ; ജിഡിപിയുടെ 33.2 ശതമാനവുമായി ഒന്നാം സ്ഥാനത്ത് appeared first on Starvision News Malayalam.

കേരളം, മഹാരാഷ്ട്ര, ഗുജറാത്ത്, പഞ്ചാബ് എന്നിവിടങ്ങളിൽനിന്നായി കേസുമായി ബന്ധപ്പെട്ട ഒമ്പതുപേരെയാണ് അറസ്റ്റ് ചെയ്തത്. വാട്‌സാപ്പ് നിക്ഷേപ ഗ്രൂപ്പുകളും വ്യാജ ട്രേഡിങ് ആപ്പുകളും ഉപയോഗിച്ച് നിക്ഷേപകരുടെ വിശ്വാസം നേടിയശേഷമാണ് സംഘം തട്ടിപ്പ് നടത്തിയതെന്ന് പൊലീസ് പറയുന്നു.

ട്രേഡിങ് ആപ്പുകളിൽ വ്യാജ ലാഭം രേഖപ്പെടുത്തി കൂടുതൽ പണം നിക്ഷേപിക്കാൻ ഇരകളെ പ്രേരിപ്പിക്കുകയായിരുന്നു സംഘത്തിന്റെ രീതി. പിന്നീട് നികുതി, ബ്രോക്കറേജ്, ഐപിഒ അലോട്ട്‌മെന്റ്, അക്കൗണ്ട് വെരിഫിക്കേഷൻ തുടങ്ങിയ പേരുകളിൽ അധിക തുക ആവശ്യപ്പെടുകയും ചെയ്തു.

ഷെൽ സ്ഥാപനങ്ങളുടെ പേരിൽ തുറന്ന കറന്റ് അക്കൗണ്ടുകളിലൂടെ തട്ടിപ്പിലൂടെ ലഭിച്ച പണം പല ഘട്ടങ്ങളിലായി മാറ്റിയതായി അന്വേഷണത്തിൽ കണ്ടെത്തി. സംഘത്തിന് ഖത്തർ ബന്ധമുണ്ടെന്നും ദുബായ് കേന്ദ്രീകരിച്ചാണ് പ്രവർത്തനങ്ങൾ ഏകോപിപ്പിച്ചതെന്നും പൊലീസ് അറിയിച്ചു.

അറസ്റ്റിലായവരിൽനിന്ന് എട്ട് മൊബൈൽ ഫോണുകൾ പിടിച്ചെടുത്തു. വാട്‌സാപ്പ് ചാറ്റുകൾ, ബാങ്കിങ് രേഖകൾ, കെവൈസി വിവരങ്ങൾ എന്നിവ ഉൾപ്പെടെയുള്ള ഡിജിറ്റൽ തെളിവുകളും അന്വേഷണസംഘം ശേഖരിച്ചിട്ടുണ്ട്. കേസിലെ വിദേശബന്ധങ്ങളും മറ്റ് പ്രതികളുടെ പങ്കും സംബന്ധിച്ച് കൂടുതൽ അന്വേഷണം തുടരുകയാണ്.

The post വ്യാജ ട്രേഡിങ് ആപ്പുകളിലൂടെ ₹15 കോടിയുടെ തട്ടിപ്പ്; മുഖ്യസൂത്രധാരൻ മലയാളിയെന്ന് പൊലീസ്, ഒമ്പതുപേർ അറസ്റ്റിൽ appeared first on Starvision News Malayalam.

മനാമ: മേഖലയിലെ സംഘർഷാവസ്ഥ തുടരുന്നതിനിടെ ബഹ്‌റൈനിലേക്കും തിരിച്ചുമുള്ള സർവീസുകൾ ഉൾപ്പെടെ നിരവധി വിമാനങ്ങൾ ഗൾഫ് വിമാനക്കമ്പനികൾ റദ്ദാക്കി. വേനലവധിക്കായി യാത്ര ചെയ്യാനിരുന്ന നിരവധി യാത്രക്കാരെയാണ് സർവീസ് റദ്ദാക്കലുകൾ ബാധിച്ചത്.

ബഹ്‌റൈൻ അന്താരാഷ്ട്ര വിമാനത്താവളത്തിലെ ഇന്നലത്തെ പട്ടികപ്രകാരം, ഗൾഫ് എയറിന്റെ വിവിധ സർവീസുകൾ സമയക്രമം പാലിച്ച് എത്തുകയും പുറപ്പെടുകയും ചെയ്തു. ഫ്ലൈദുബൈ, എയർ അറേബ്യ, ഫ്ലൈനാസ്, കുവൈത്ത് എയർവേയ്‌സ് എന്നിവയുടെ ഷാർജ, അബുദാബി, ദുബൈ, കുവൈത്ത് സിറ്റി, റിയാദ് സർവീസുകളും ബഹ്‌റൈനിൽനിന്ന് സർവീസ് നടത്തി. വിമാനത്താവളത്തിന്റെ പ്രവർത്തനം സാധാരണനിലയിൽ തുടരുന്നതായി അധികൃതർ അറിയിച്ചു.

അതേസമയം, ഇത്തിഹാദ് എയർവേയ്‌സ് ജൂലൈ 25 വരെ ബഹ്‌റൈനിലേക്കുള്ള സർവീസുകൾ റദ്ദാക്കി. പ്രവർത്തനപരമായ കാരണങ്ങൾ ചൂണ്ടിക്കാട്ടി എമിറേറ്റ്‌സും ചില വിമാനങ്ങൾ റദ്ദാക്കിയിട്ടുണ്ട്.

സർവീസ് മാറ്റങ്ങളും പുതിയ വിമാനവിവരങ്ങളും യഥാസമയം ലഭിക്കുന്നതിനായി യാത്രക്കാർ ഫോൺ നമ്പർ, ഇ-മെയിൽ ഉൾപ്പെടെയുള്ള ബന്ധപ്പെടാനുള്ള വിവരങ്ങൾ പുതുക്കണമെന്ന് വിമാനക്കമ്പനികൾ നിർദേശിച്ചു. യാത്രയ്ക്ക് മുമ്പ് വിമാനത്തിന്റെ നിലവിലെ സ്ഥിതി പരിശോധിക്കണമെന്നും അറിയിച്ചിട്ടുണ്ട്.

ഇതിനിടെ, ബഹ്‌റൈനെതിരായ ഇറാന്റെ ആക്രമണത്തിന്റെ ഭാഗമായി ബഹ്‌റൈൻ ഫ്ലൈറ്റ് ഇൻഫർമേഷൻ റീജിയനിലെ സിവിൽ വ്യോമനാവിഗേഷൻ സംവിധാനങ്ങൾ ഡ്രോണുകൾ ഉപയോഗിച്ച് ലക്ഷ്യമിട്ടതായി സിവിൽ ഏവിയേഷൻ അഫയേഴ്‌സ് നേരത്തെ അറിയിച്ചിരുന്നു.

എന്നാൽ സംഭവത്തെ തുടർന്ന് വ്യോമനാവിഗേഷൻ സേവനങ്ങളുടെ പ്രവർത്തനത്തെ ബാധിച്ചിട്ടില്ല. ബന്ധപ്പെട്ട വകുപ്പുകൾ ഉടൻ സുരക്ഷാ നടപടികൾ സ്വീകരിച്ചതായും വിമാനഗതാഗതം സുരക്ഷിതമായും സാധാരണനിലയിലും തുടരുന്നതായും അധികൃതർ വ്യക്തമാക്കി.

The post മേഖലയിലെ സംഘർഷാവസ്ഥ: ബഹ്‌റൈനിലേക്കുള്ള സർവീസുകൾ ഉൾപ്പെടെ നിരവധി വിമാനങ്ങൾ റദ്ദാക്കി appeared first on Starvision News Malayalam.

കൊച്ചി: ഗൾഫ് മേഖലയിലെ സംഘർഷാവസ്ഥയെ തുടർന്ന് എയർ ഇന്ത്യ എക്സ്പ്രസിന്റെ രണ്ട് വിമാനങ്ങളുടെ യാത്ര മാറ്റി. ഇന്ന് രാത്രി കൊച്ചിയിൽ നിന്ന് പുറപ്പെടേണ്ടിയിരുന്ന ദോഹ, ബഹ്റൈൻ വിമാനങ്ങളാണ് നാളത്തേക്ക് മാറ്റിയത്.

ഇന്ന് രാത്രി 7 മണിക്ക് കൊച്ചിയിൽ നിന്ന് ദോഹയിലേക്ക് പുറപ്പെടേണ്ട എയർ ഇന്ത്യ എക്സ്പ്രസ് വിമാനം നാളെ പുലർച്ചെ 2.30ന് പുറപ്പെടുമെന്ന് അധികൃതർ അറിയിച്ചു.

രാത്രി 10 മണിക്ക് പുറപ്പെടേണ്ടിയിരുന്ന എയർ ഇന്ത്യ എക്സ്പ്രസിന്റെ ബഹ്റൈൻ വിമാനം നാളെ രാവിലെ 8 മണിക്ക് കൊച്ചിയിൽ നിന്ന് പുറപ്പെടും.

അതേസമയം, രാത്രി 8.30ന് കൊച്ചിയിൽ നിന്ന് പുറപ്പെടേണ്ടിയിരുന്ന എയർ ഇന്ത്യയുടെ ദമാം വിമാനം രാത്രി 10 മണിക്ക് പുറപ്പെടും. ഗൾഫ് മേഖലയിലെ സുരക്ഷാ സാഹചര്യം കണക്കിലെടുത്താണ് വിമാന സർവീസുകളിൽ മാറ്റം വരുത്തിയതെന്നാണ് വിവരം.

The post ഗൾഫ് സംഘർഷം: കൊച്ചിയിൽ നിന്നുള്ള എയർ ഇന്ത്യ എക്സ്പ്രസ് വിമാനങ്ങൾ വൈകും appeared first on Starvision News Malayalam.

ഖത്തർ അമീർ ശൈഖ് തമീം ബിൻ ഹമദ് അൽഥാനിയെയും രാജകുടുംബാംഗങ്ങളെയും നേരിൽ കണ്ട് ബഹ്‌റൈൻ നേതൃത്വത്തിന്റെയും ജനങ്ങളുടെയും അനുശോചനം അദ്ദേഹം അറിയിച്ചു.

മുൻ അമീറിന്റെ വിയോഗം ഖത്തറിനും അറബ് ലോകത്തിനും വലിയ നഷ്ടമാണെന്നും രാജ്യം വികസനത്തിന്റെ പുതിയ ഉയരങ്ങളിലെത്തുന്നതിൽ അദ്ദേഹം നൽകിയ സംഭാവനകൾ എന്നും ഓർമിക്കപ്പെടുമെന്നും പ്രിൻസ് സൽമാൻ അനുസ്മരിച്ചു.

ശൈഖ് ഹമദ് ബിൻ ഖലീഫ അൽഥാനിയുടെ നിര്യാണത്തെ തുടർന്ന് ഖത്തർ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്. വിവിധ രാജ്യങ്ങളിലെ ഭരണാധികാരികളും നേതാക്കളും ദോഹയിലെത്തി അനുശോചനം രേഖപ്പെടുത്തുകയാണ്.

The post ഖത്തർ മുൻ അമീറിന്റെ നിര്യാണം: അനുശോചനം അറിയിക്കാൻ ബഹ്‌റൈൻ കിരീടാവകാശി ദോഹയിലെത്തി appeared first on Starvision News Malayalam.

1995 മുതൽ 2013 വരെ 18 വർഷം ഖത്തർ അമീറായി സേവനമനുഷ്ഠിച്ച ശൈഖ് ഹമദ്, 2013-ൽ ഭരണം മകനും നിലവിലെ അമീറുമായ ശൈഖ് തമീം ബിൻ ഹമദ് അൽഥാനിക്ക് കൈമാറി. അറബ് ലോകത്ത് അപൂർവമായി കണ്ട സമാധാനപരമായ അധികാര കൈമാറ്റമായിരുന്നു അത്.

ശൈഖ് ഹമദിന്റെ ഭരണകാലത്ത് ഖത്തർ ആഗോള നയതന്ത്രം, മാധ്യമം, വിദ്യാഭ്യാസം, വ്യോമയാനം, അടിസ്ഥാനസൗകര്യ വികസനം, അന്താരാഷ്ട്ര നിക്ഷേപം തുടങ്ങിയ മേഖലകളിൽ വലിയ മുന്നേറ്റം നടത്തി. അൽ ജസീറ മാധ്യമശൃംഖലയുടെ രൂപീകരണവും ഖത്തർ എയർവേയ്‌സിന്റെ ആഗോള വളർച്ചയും രാജ്യത്തിന്റെ അന്താരാഷ്ട്ര സ്വാധീനം ശക്തമാക്കി.

2006 ഏഷ്യൻ ഗെയിംസ്, 2012ലെ ഐക്യരാഷ്ട്രസഭ കാലാവസ്ഥാ വ്യതിയാന സമ്മേളനം എന്നിവയ്ക്ക് ഖത്തർ ആതിഥേയത്വം വഹിച്ചതും 2022 ഫിഫ ലോകകപ്പിന് വേദിയാകാനുള്ള അവകാശം നേടിയതും അദ്ദേഹത്തിന്റെ ഭരണകാലത്തായിരുന്നു. മിഡിൽ ഈസ്റ്റിലെ വിവിധ സംഘർഷങ്ങളിൽ മധ്യസ്ഥത വഹിച്ച ഖത്തർ, അദ്ദേഹത്തിന്റെ നേതൃത്വത്തിൽ പ്രധാന നയതന്ത്ര ശക്തിയായി മാറി.

ശൈഖ് ഹമദിന്റെ വിയോഗം ഖത്തറിനും അറബ് ലോകത്തിനും വലിയ നഷ്ടമാണെന്ന് വിവിധ കേന്ദ്രങ്ങൾ അനുശോചിച്ചു. രാജ്യത്തിന്റെ വികസനത്തിനും അന്താരാഷ്ട്ര ഉയർച്ചയ്ക്കുമായി അദ്ദേഹം നൽകിയ സംഭാവനകൾ ചരിത്രത്തിൽ നിലനിൽക്കുമെന്ന് അനുസ്മരണ സന്ദേശങ്ങളിൽ വ്യക്തമാക്കി.

The post ഖത്തർ മുൻ അമീർ ശൈഖ് ഹമദ് ബിൻ ഖലീഫ അൽഥാനി അന്തരിച്ചു appeared first on Starvision News Malayalam.

ഇന്ത്യക്കാരുടെ പാസ്‌പോർട്ട് പുതുക്കുന്നതിനുള്ള ഫീസ് ഗണ്യമായി വർധിപ്പിച്ച നടപടി പുനഃപരിശോധിക്കണമെന്ന് ആവശ്യപ്പെട്ട് വിവിധ പ്രവാസി സംഘടനകൾ രംഗത്തെത്തി. മുൻ നിരക്കിനെ അപേക്ഷിച്ച് ഏകദേശം 60 ശതമാനം വർധനവാണ് പുതിയ ഫീസിൽ ഉണ്ടായിരിക്കുന്നതെന്നും ഇത് സാധാരണ പ്രവാസികൾക്ക് വലിയ സാമ്പത്തിക ബാധ്യതയാകുമെന്നും സംഘടനകൾ ചൂണ്ടിക്കാട്ടി. ഗൾഫ് രാജ്യങ്ങളിലെ ഇന്ത്യൻ പ്രവാസികളിൽ 60 മുതൽ 70 ശതമാനം വരെ പേർ കുറഞ്ഞ വരുമാനത്തിൽ ജോലി ചെയ്യുന്നവരാണ്. ഇവരിൽ ഭൂരിഭാഗം പേരുടെയും പാസ്‌പോർട്ട് പുതുക്കൽ ചെലവ് തൊഴിലുടമകൾ വഹിക്കാറില്ല.

പുതിയ ഫീസ് നിലവിൽ വന്നതോടെ കുറഞ്ഞ ശമ്പളക്കാരായ നിരവധി തൊഴിലാളികൾക്ക് ഒരു പാസ്‌പോർട്ട് പുതുക്കാൻ അരമാസത്തെ ശമ്പളത്തിന് തുല്യമായ തുക ചെലവഴിക്കേണ്ട സാഹചര്യമാണുള്ളതെന്ന് സംഘടനകൾ വ്യക്തമാക്കി. ഇന്ത്യയിലേക്ക് പ്രതിവർഷം വൻതോതിൽ വിദേശനാണ്യം അയയ്ക്കുന്ന ഗൾഫ് പ്രവാസികൾക്ക് കേന്ദ്ര സർക്കാർ പ്രത്യേക പരിഗണന നൽകണമെന്നും, കുറഞ്ഞ വരുമാനക്കാരായ തൊഴിലാളികൾക്കും ഇ.സി.ആർ വിഭാഗത്തിൽപ്പെടുന്നവർക്കും പാസ്‌പോർട്ട് ഫീസിൽ ഇളവ് അനുവദിക്കണമെന്നും സംഘടനകൾ ആവശ്യപ്പെട്ടു. വിവിധ ഗൾഫ് രാജ്യങ്ങളിലെ പ്രവാസി സംഘടനകൾ പ്രതിക്ഷേധവുമായി രംഗത്ത് വരുകയാണ്.

The post ഒറ്റയടിക്ക് 60 ശതമാനം വർധനവ്; പാസ്‌പോർട്ട് പുതുക്കൽ ഫീസ് പുനഃപരിശോധിക്കണമെന്ന് പ്രവാസി സംഘടനകൾ appeared first on Starvision News Malayalam.

കൊച്ചി: ഗൾഫ് രാജ്യങ്ങളിലേക്ക് നിരവധി തൊഴിൽ അവസരങ്ങളുമായി ലുലു ഗ്രൂപ്പ്. കാഷ്യർ, സെയിൽസ്മാൻ, ബുച്ചർ, ഫിഷ് മോംഗർ, കുക്ക്, സെക്യൂരിറ്റി, ഇലക്ട്രീഷ്യൻ, ബേക്കേഴ്‌സ്, മലബാർ സ്നാക്ക് മേക്കർ, വാൻ സെയിൽസ്മാൻ, ഹെവി വെഹിക്കിൾ ഡ്രൈവർ, ലൈറ്റ് വെഹിക്കിൾ ഡ്രൈവർ തുടങ്ങിയ തസ്തികകളിലേക്കാണ് നിയമനം. പുരുഷ ഉദ്യോഗാർത്ഥികളെയാണ് വിവിധ ഒഴിവുകളിലേക്ക് ക്ഷണിക്കുന്നത്.

കേരളത്തിലെ മൂന്ന് പ്രധാന കേന്ദ്രങ്ങളിലായാണ് നേരിട്ടുള്ള അഭിമുഖം നടക്കുക. അഭിമുഖത്തിൽ പങ്കെടുക്കുന്നവർ വിശദമായ ബയോഡേറ്റ, പാസ്‌പോർട്ടിന്റെ കളർ കോപ്പി, വിദ്യാഭ്യാസ സർട്ടിഫിക്കറ്റുകളുടെ അസൽ പകർപ്പും കോപ്പിയും, പാസ്‌പോർട്ട് സൈസ് ഫോട്ടോ എന്നിവ കൈവശം കരുതണം.

സെയിൽസ്മാൻ / കാഷ്യർ തസ്തിക

പ്ലസ് ടു യോഗ്യതയുള്ള 20നും 28നും ഇടയിൽ പ്രായമുള്ളവർക്ക് സെയിൽസ്മാൻ, കാഷ്യർ തസ്തികകളിലേക്ക് അപേക്ഷിക്കാം. ഗാർമെന്റ്, സാരി, ഫുട്‌വെയർ, ഇലക്ട്രോണിക്സ്, ഹൗസ്‌ഹോൾഡ്, സൂപ്പർമാർക്കറ്റ് മേഖലകളിൽ പ്രവൃത്തി പരിചയമുള്ളവർക്ക് മുൻഗണന ലഭിക്കും.

ഹെവി, ലൈറ്റ് ഡ്രൈവർ

ഹെവി, ലൈറ്റ് ഡ്രൈവർ തസ്തികകളിലേക്ക് അപേക്ഷിക്കുന്നവർക്ക് യു.എ.ഇ അല്ലെങ്കിൽ കെ.എസ്.എയിലെ വാലിഡ് ഡ്രൈവിങ് ലൈസൻസ് ഉണ്ടായിരിക്കണം.

അഭിമുഖ തീയതിയും സ്ഥലവും

30-06-2026 — ആലപ്പുഴ
ആലപ്പുഴ വി.സി.എസ്.ബി റോഡിലുള്ള കല്യാണി ഓഡിറ്റോറിയത്തിൽ ജൂൺ 30 ചൊവ്വാഴ്ച രാവിലെ 9 മുതൽ വൈകിട്ട് 3 വരെ അഭിമുഖം നടക്കും.

02-07-2026 — കോട്ടക്കൽ
കോട്ടക്കൽ പി.എം ഓഡിറ്റോറിയത്തിൽ ജൂലൈ 2 വ്യാഴാഴ്ച രാവിലെ 9 മുതൽ വൈകിട്ട് 3 വരെ നേരിട്ടുള്ള അഭിമുഖം നടക്കും.

04-07-2026 — കണ്ണൂർ
കണ്ണൂർ താണയിലെ ദിനേശ് ഓഡിറ്റോറിയത്തിൽ ജൂലൈ 4 ശനിയാഴ്ച രാവിലെ 9 മുതൽ വൈകിട്ട് 3 വരെ വാക്ക് ഇൻ ഇന്റർവ്യൂ നടക്കും.

കൂടുതൽ വിവരങ്ങൾക്ക്: +91 7594054655, +91 7593812223, +91 7593812225 എന്നീ നമ്പറുകളിൽ ബന്ധപ്പെടാം.

The post ഗൾഫിൽ നിരവധി തൊഴിൽ അവസരങ്ങളുമായി ലുലു ഗ്രൂപ്പ്; അഭിമുഖം കേരളത്തിൽ appeared first on Starvision News Malayalam.

ദോഹ: ഖത്തറിലെ പ്രധാന പ്രകൃതിവാതക കയറ്റുമതി കേന്ദ്രമായ റാസ് ലഫാൻ വ്യവസായ മേഖലയിലുണ്ടായ ശക്തമായ സ്ഫോടനത്തിൽ 54 പേർക്ക് പരിക്കേൽക്കുകയും 18 പേരെ കാണാതാകുകയും ചെയ്തതായി റിപ്പോർട്ട്. ഞായറാഴ്ച വൈകിട്ടാണ് അപകടമുണ്ടായത്.

പൊതുമേഖലാ സ്ഥാപനമായ ഖത്തർ എനർജിയുടെ ബർസാൻ ഗ്യാസ് വിതരണ കേന്ദ്രത്തിലാണ് സ്ഫോടനം നടന്നത്. സമീപകാല സംഘർഷവുമായി ബന്ധപ്പെട്ട് ഇറാൻ നടത്തിയ ആക്രമണത്തെ തുടർന്ന് താൽക്കാലികമായി നിർത്തിവെച്ചിരുന്ന പ്രവർത്തനങ്ങൾ പുനരാരംഭിക്കുന്നതിനിടെയാണ് അപകടം സംഭവിച്ചതെന്നാണ് വിവരം.

സ്ഫോടനത്തെ തുടർന്ന് മേഖലയിൽ വൻ തീപിടിത്തമുണ്ടായി. രക്ഷാപ്രവർത്തനങ്ങൾ തുടരുകയാണെന്നും കാണാതായവർക്കായുള്ള തിരച്ചിൽ ശക്തമാക്കിയിട്ടുണ്ടെന്നും അധികൃതർ അറിയിച്ചു.

അതേസമയം, സ്ഫോടനത്തിന്റെ യഥാർത്ഥ കാരണം വ്യക്തമല്ല. സംഭവത്തിൽ ഉണ്ടായ നാശനഷ്ടങ്ങളുടെ വ്യാപ്തി വിലയിരുത്തുന്നതിനുള്ള നടപടികളും പുരോഗമിക്കുകയാണ്.

The post ഖത്തറിലെ റാസ് ലഫാൻ ഗ്യാസ് ഹബ്ബിൽ വൻ സ്ഫോടനം; 18 പേരെ കാണാതായി, 54 പേർക്ക് പരിക്ക് appeared first on Starvision News Malayalam.

ദോഹ: ഖത്തർ ഹെലികോപ്റ്റർ അപകടത്തിൽ മരണം സ്ഥിരീകരിച്ച് ആഭ്യന്തര മന്ത്രാലയം. ഹെലികോപ്റ്ററിൽ ഉണ്ടായിരുന്ന ഏഴുപേരിൽ ആറു പേരുടെ മൃതദേഹങ്ങൾ തെരച്ചിലിൽ കണ്ടെത്തി. ആറു പേരുടെ മരണമാണ് വാർത്താ കുറിപ്പിൽ സ്ഥിരീകരിച്ചത്. വിവിധ സുരക്ഷാ വിഭാഗങ്ങൾ സംയുക്തമായാണ് തെരച്ചിൽ നടത്തിയത്. കാണാതായ ഏഴാമത്തെ ആൾക്ക് വേണ്ടി തെരച്ചിൽ തുടരുകയാണ്. 

ഖത്തറിൽ സൈനിക ഹെലികോപ്റ്റർ കടലിൽ തകർന്നുവീഴുകയായിരുന്നു. സാങ്കേതിക കാരണം മൂലമാണ് അപകടമെന്നാണ് വിശദീകരണം. ഖത്തറിലെ പ്രതിരോധമന്ത്രാലയവും ആഭ്യന്ത്ര മന്ത്രാലയവും ഇക്കാര്യം സ്ഥിരീകരിച്ചിരുന്നു. സാധാരണ ഡ്യൂട്ടിക്കിടെ ഉണ്ടായ സാങ്കേതിക തകരാണ് അപകടത്തിന് കാരണമെന്നാണ് പ്രാഥമികമായി ലഭിച്ച വിവരം.

The post ഖത്തറിൽ സൈനിക ഹെലികോപ്റ്റർ തകർന്നുവീണുണ്ടായ അപകടം; ആറ് പേർ മരിച്ചതായി സ്ഥിരീകരിച്ച് അധികൃതർ appeared first on Starvision News Malayalam.