Author: News Desk

ഡൽഹി: കേരളത്തിലെ തെരുവുനായ വിഷയത്തില്‍ ശാശ്വത പരിഹാരം വേണമെന്ന് സുപ്രീംകോടതി. സംസ്ഥാന ബാലാവകാശ കമ്മീഷനും കണ്ണൂര്‍ ജില്ലാ പഞ്ചായത്തും നൽകിയ ഹര്‍ജിയിലാണ് സുപ്രീംകോടതിയുടെ ഈ പരാമര്‍ശം. ഓഗസ്റ്റ് 16ന് ഹര്‍ജികള്‍ പരിഗണിക്കാന്‍ മാറ്റി. കേരളത്തിൽ തെരുവുനായകളുടെ അക്രമം പ്രത്യേകിച്ച് കുട്ടികള്‍ക്കെതിരെ കൂടിവരുകയാണെന്ന് ഹര്‍ജിയില്‍ ചൂണ്ടിക്കാണിക്കുന്നു. അക്രമകാരികളായ തെരുവുനായകളെ ദയാവധം നടത്താന്‍ അനുവദിക്കണമെന്ന് കണ്ണൂര്‍ ജില്ലാ പഞ്ചായത്ത് ഹര്‍ജിയില്‍ ആവശ്യപ്പെട്ടിട്ടുണ്ട്. അതേസമയം, സംസ്ഥാനത്ത് തെരുവുനായ ആക്രമണത്തില്‍ പതിനൊന്നുകാരന്‍ അടക്കം മരിച്ചിട്ടുണ്ടെന്നും തെരുവുനായ ശല്യയത്തെ തുടര്‍ന്ന് ആറു സ്‌കൂളുകള്‍ അടച്ചിട്ടിരിക്കുകയാണെന്നും ബാലാവകാശ കമ്മീഷന്‍ സൂപ്രീംകോടതിയെ അറിയിച്ചു.

കൊല്ലം: മന്ത്രി വി ശിവന്‍കുട്ടിയുടെ പൈലറ്റ് വാഹനം ഇടിച്ച് ആംബുലന്‍സ് മറിഞ്ഞ സംഭവത്തിൽ കേസെടുത്ത് കൊട്ടാരക്കര പൊലീസ്. പെെലറ്റ് വാഹനം ഓടിച്ച് പൊലീസ് ഡ്രെെവർക്കെതിരെയും ആംബുലൻസ് ഡ്രെെവർക്കെതിരെയും കേസെടുത്തിട്ടുണ്ട്. അലക്ഷ്യമായി വാഹനം ഓടിച്ച് അപകടമുണ്ടാക്കിയെന്നാണ് കേസ്. രോഗിയുടെ ഭർത്താവിന്റെ മൊഴിയുടെ അടിസ്ഥാനത്തിലാണ് കേസെടുത്തത്. ഇന്നലെയാണ് മന്ത്രി വി ശിവൻകുട്ടിയുടെ പൈലറ്റ് വാഹനം ഇടിച്ച് ആംബുലന്‍സ് മറിഞ്ഞത്. അതേസമയം,​ സംഭവത്തിൽ തന്നെ പ്രതിയാക്കാൻ പൊലീസ് ശ്രമിക്കുന്നതായി ആരോപിച്ച് ആംബുലൻസ് ഡ്രെെവർ രംഗത്തെത്തിയിരുന്നു. കേസ് കൊടുക്കാൻ സ്റ്റേഷനിൽ ചെന്നപ്പോൾ പൊലീസ് ആക്ഷേപിച്ചെന്നും സോപ്പുപെട്ടി പോലുള്ള വണ്ടിയാണോ ഓടിക്കുന്നതെന്ന് ചോദിച്ചെന്നും ഡ്രെെവർ പറഞ്ഞു. മന്ത്രി പോകുന്ന വഴിയിൽ എന്തിന് വണ്ടികൊണ്ടുവന്നുവെന്നും പൊലീസ് ചോദിച്ചതായി ഡ്രെെവർ വ്യക്തമാക്കി.

തിരുവനന്തപുരം: അഞ്ചുതെങ്ങിൽ നാല് വയസ്സുകാരിയെ കടിച്ച നായ്ക്ക് പേ വിഷബാധ സ്ഥിരീകരിച്ചു. കഴിഞ്ഞ ഞായറാഴ്ചയാണ് വീട്ട് മുറ്റത്ത് കളിച്ച് കൊണ്ടിരുന്ന കുഞ്ഞിനെ തെരുവുനായ ആക്രമിച്ചത്. ഗുരുതരമായി പരിക്കേറ്റ കുട്ടി തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്.അഞ്ചുതെങ്ങ് മാമ്പള്ളിയിലായിരുന്നു സംഭവം. രാവിലെ എട്ട് മണിയോടെയാണ് സംഭവം നടന്നത്. കഴുത്തിലും കൈയ്യിലും ചുണ്ടിലുമെല്ലാം കടിയേറ്റ കുട്ടിയെ മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയായിരുന്നു. സംഭവത്തിന് ശേഷം പ്രദേശത്ത് അലഞ്ഞ് തിരിഞ്ഞ നായ അധികം വൈകാതെ ചത്ത് പോയിരുന്നു. ഒരു പരിശോധനയും നടത്താതെയാണ് നായയുടെ മൃതദേഹം കുഴിച്ചിട്ടത്. നാട്ടുകാർ പ്രതിഷേധവുമായി രംഗത്ത് വന്നതോടെ തിങ്കളാഴ്ച രാവിലെ നായയുടെ മൃതദേഹം പുറത്തെടുത്തു. അഞ്ചുതെങ്ങ് വെറ്ററിനറി സർജന്റെ നേതൃത്വത്തിൽ പരിശോധന നടത്തി. സാമ്പിളുകൾ പരിശോധിച്ചതിലാണ് പേവിഷബാധ സ്ഥിരീകരിച്ചത്. കുട്ടിയെ നായയിൽ നിന്ന് രക്ഷിച്ചവർക്കും കുട്ടിയുമായി സമ്പർക്കത്തിൽ വന്നവർക്കുമെല്ലാം വാക്സീനേഷൻ നൽകി.

ന്യൂഡൽഹി: ഉത്തരേന്ത്യൻ സംസ്ഥാനങ്ങളിൽ ശക്തമായ മഴ തുടരുന്നു. മഴക്കെടുതിയിൽ ഇതുവരെ നൂറിലധികം പേർ മരണപ്പെട്ടു. യമുനയിൽ ജലനിരപ്പ് കഴിഞ്ഞ പത്ത് വർഷത്തേക്കാൾ ഉയർന്നു. ഹിമാചൽ പ്രദേശിൽ നിരവധി റോഡുകൾ മഴയിലും മണ്ണിടിച്ചിലിലും ഒലിച്ചുപോയി.ഹരിയാനയിലെ ഹത്‌നികുണ്ഡ് അണക്കെട്ടിൽ നിന്നും വെള്ളം തുറന്നുവിട്ടതോടെയാണ് യമുനാ നദി ഡൽഹിയിൽ കരകവിഞ്ഞത്. 1978ന് ശേഷം ഇതാദ്യമായാണ് യമുനാ നദിയിലെ ജലനിരപ്പ് 207 അടിക്ക് മുകളിൽ ഉയരുന്നത്. 207.66 അടിയാണ് നിലവിൽ യമുനയിലെ ജലനിരപ്പ്. യമുനയ്‌ക്ക് സമീപം താമസിക്കുന്ന കർഷകർ ഉൾപ്പടെയുള്ളവരെ സർക്കാർ സുരക്ഷിത സ്ഥാനങ്ങളിലേക്ക് മാറ്റി.സ്ഥിതി സങ്കീർണമായ സാഹചര്യത്തിലാണ് ഡൽഹി മുഖ്യമന്ത്രി അരവിന്ദ് കെജ്രിവാളിന്റെ നേതൃത്വത്തിൽ ഉന്നതതല യോഗം ചേർന്നത്. മന്ത്രിമാർ, മേയർ, ഉന്നത ഉദ്യോഗസ്ഥർ എന്നിവരും യോഗത്തിൽ പങ്കെടുത്തു. നദിയിൽ ജലനിരപ്പ് ഉയരുന്ന സാഹചര്യത്തിൽ ജാഗ്രത പാലിക്കാനാണ് ജനങ്ങൾക്ക് മുഖ്യമന്ത്രി നൽകിയ നിർദേശം. ഡൽഹി സർക്കാരിന്റെ അഭ്യർത്ഥന മാനിച്ച് ഹിമാചൽപ്രദേശിൽ നിന്ന് ഹരിയാനയിലേയ്‌ക്ക് വെള്ളം തുറന്നുവിടുന്നതിന്റെ അളവ് കുറച്ചതായി കേന്ദ്ര സർക്കാർ അറിയിച്ചു. യമുനയിലെ ജലനിരപ്പ്…

മനാമ: 37,000 ബിഡിയിൽ കൂടുതൽ വിലമതിക്കുന്ന 1,590 ഗ്രാം സ്വർണം കടത്താൻ ശ്രമിച്ചതിന് ബഹ്‌റൈനിൽ നിന്ന് ഇന്ത്യയിലേക്ക് വരികയായിരുന്ന രണ്ട് ഇന്ത്യക്കാരെ അറസ്റ്റ് ചെയ്തു. https://youtu.be/15CpkMpW4jM?t=6 രണ്ട് യാത്രക്കാരുടെ മലദ്വാരത്തിൽ പേസ്റ്റ് രൂപത്തിൽ ഒളിപ്പിച്ച നിലയിലായിരുന്നു സ്വർണം എന്ന് ന്യൂഡൽഹി കസ്റ്റംസ് ട്വിറ്റർ അക്കൗണ്ടിലൂടെ വെളിപ്പെടുത്തി.

മനാമ: ഇൻജാസ് ബഹ്‌റൈൻ യുവ സംരംഭകരുടെ 15-ാമത് വാർഷിക മത്സരം സമാപിച്ചു. ജൂലൈ 9-10 തീയതികളിൽ ഗൾഫ് ഹോട്ടലിൽ വച്ചായിരുന്നു മത്സരം നടന്നത്. ഇൻജാസ് ബഹ്‌റൈൻ ചെയർപേഴ്‌സൺ ഷെയ്ഖ ഹെസ്സ ബിൻത് ഖലീഫ അൽ ഖലീഫയുടെ രക്ഷാകർതൃത്വത്തിൽ നടന്ന മത്സരത്തിൽ ബഹ്‌റൈനിലുടനീളം 10 സെക്കൻഡറി സ്‌കൂളുകളിൽ നിന്നും 10 സർവകലാശാലകളിൽ നിന്നുമായി 120 വിദ്യാർഥികൾ പങ്കെടുത്തു. “യൂണിവേഴ്‌സിറ്റി കമ്പനി ഓഫ് ദി ഇയർ 2023”, “ഹൈസ്‌കൂൾ കമ്പനി ഓഫ് ദ ഇയർ 2023” തുടങ്ങിയ അഭിമാനകരമായ തലക്കെട്ടുകൾക്കായി മത്സരിക്കുന്ന വിദ്യാർത്ഥികൾ അവരുടെ നൂതന ആശയങ്ങളും ബിസിനസ്സ് മിടുക്കും പ്രദർശിപ്പിച്ചതിനാൽ ഈ പരിപാടി ശ്രദ്ധേയമായ സംരംഭകത്വ മനോഭാവത്തിന് സാക്ഷ്യം വഹിച്ചു. കൂടാതെ, “യൂണിവേഴ്സിറ്റി പ്രൊഡക്റ്റ് ഓഫ് ദി ഇയർ 2023”, “ഹൈസ്കൂൾ പ്രൊഡക്റ്റ് ഓഫ് ദി ഇയർ 2023”, “യൂണിവേഴ്സിറ്റി കമ്പനി ഫോർ ബെസ്റ്റ് സോഷ്യൽ ഇംപാക്ട് 2023”, “ഹൈസ്കൂൾ കമ്പനി ഫോർ ബെസ്റ്റ് സോഷ്യൽ ഇംപാക്ട് 2023” എന്നിവയ്ക്കും അവാർഡുകൾ നൽകി.

മനാമ: ബഹ്‌റൈനിൽ നിശാക്ലബ് നർത്തകിമാരായി ജോലി ചെയ്യാൻ നിർബന്ധിച്ച് സ്വന്തം രാജ്യത്ത് നിന്ന് സ്ത്രീകളെ കടത്തിയ കേസിൽ കുറ്റക്കാരനാണെന്ന് കണ്ടെത്തിയ പ്രവാസി, ശിക്ഷയെ എതിർത്തതിന് ശേഷം ഇന്നലെ കോടതിയിൽ ഹാജരായില്ല.2022 ഡിസംബറിലും 2023 ജനുവരിയിലും രണ്ട് സ്ത്രീകളെ തനിക്ക് വേണ്ടി ജോലി ചെയ്യാൻ നിർബന്ധിക്കുകയും അവരുടെ സ്വാതന്ത്ര്യം ഹനിക്കുകയും അതിർത്തികളിലൂടെ കടത്തുകയും ചെയ്തതിന് 33 കാരനായ പാകിസ്ഥാനിയെ മെയ് അവസാനത്തിൽ ഹൈ ക്രിമിനൽ കോടതി ശിക്ഷിച്ചു. https://youtu.be/15CpkMpW4jM?t=186

മനാമ: ഹൈവേ വികസന പ്രവർത്തനങ്ങൾക്കായി അൽ ദുലാബ് ജംഗ്ഷനിലെ അൽ ഫത്തേഹ് ഹൈവേയിലെ ചില പാതകൾ അടച്ചതായി തൊഴിൽ മന്ത്രാലയം പ്രഖ്യാപിച്ചു. അൽ ഫത്തേഹ് ഹൈവേയിൽ നിന്ന് ജുഫൈർ അവന്യൂവിലേക്കുള്ള വലത് തിരിവ് അടച്ച് ഗതാഗതം ചുറ്റുമുള്ള റോഡുകളിലേക്ക് തിരിച്ചുവിടും. അൽ മഹൂസ് അവന്യൂവിൽ നിന്ന് അൽ ഫത്തേ ഹൈവേയിലേക്കുള്ള ഇടത് തിരിവ് അടച്ച് മനാമയിലേക്കുള്ള യു-ടേണിനായി ഗതാഗതം മിന സൽമാനിലേക്ക് തിരിച്ചുവിടും. ജൂലായ് 11 ചൊവ്വാഴ്ച മുതൽ രണ്ട് മാസത്തേക്കാണ് പാത അടച്ചിടുക. https://youtu.be/15CpkMpW4jM?t=108

മനാമ: ആധുനിക സാങ്കേതികവിദ്യ ഉപയോഗിച്ച് വിപുലമായ സേവനങ്ങൾ ലഭ്യമാക്കുന്ന വെർച്വൽ കസ്റ്റമർ സർവീസ് സെന്റർ ക്രിമിനൽ ഇൻഫർമേഷൻ ഡയറക്ടറേറ്റ് ആരംഭിച്ചു. ഇൻഫർമേഷൻ ആൻഡ് കമ്മ്യൂണിക്കേഷൻ ടെക്‌നോളജി മന്ത്രിതല സമിതി ചെയർമാനും ആഭ്യന്തര മന്ത്രിയുമായ ജനറൽ ഷെയ്ഖ് റാഷിദ് ബിൻ അബ്ദുള്ള അൽ ഖലീഫയുടെ നിർദ്ദേശങ്ങളുടെ ഭാഗമായാണ് കാര്യക്ഷമവും സജീവവുമായ ഇ-സേവനങ്ങൾ നൽകുന്നതിന് വെർച്വൽ കസ്റ്റമർ സർവീസ് സെന്റർ ആരംഭിച്ചത്. https://youtu.be/15CpkMpW4jM?t=157

മനാമ: വിദേശികൾക്ക് താമസിക്കാൻ അറബ് മേഖലയിൽ ഏറ്റവും അനുയോജ്യമായ രാജ്യം ബഹ്റൈനാണെന്ന് എക്സ്പാറ്റ് ഇൻസൈഡർ 2023ന്റെ റിപ്പോർട്ട് വ്യക്തമാക്കുന്നു. സർവേയിൽ പങ്കെടുത്ത രാജ്യങ്ങളിൽ ബഹ്‌റൈൻ ആഗോളതലത്തിൽ 9-ാം സ്ഥാനത്തും മിഡിൽ ഈസ്റ്റിലും വടക്കേ ആഫ്രിക്കയിലും ഒന്നാം സ്ഥാനത്തുമാണ്. നിക്ഷേപസൗഹൃദ രാജ്യമാണ് ബഹ്റൈൻ എന്നും, രാജ്യത്തെ സാമൂഹ്യജീവിതം വളരെ ഉയർന്ന നിലവാരമാണ് വെച്ചു പുലർത്തുന്നതെന്നും റിപ്പോർട്ട് വ്യക്തമാക്കുന്നു. സുഹൃത്തുക്കളെ കണ്ടെത്തുന്നതിൽ ബഹ്‌റൈൻ ആഗോളതലത്തിൽ ആറാം സ്ഥാനം നേടി. 172 രാജ്യങ്ങളിൽ താമസിക്കുന്ന 12,065 പ്രവാസികളിൽ നടത്തിയ സർവെയുടെ അടിസ്ഥാനത്തിലാണ് റിപ്പോർട്ട് പുറത്ത് വന്നിരിക്കുന്നത്. https://youtu.be/15CpkMpW4jM?t=29