Trending
- മൂന്ന് ലോക റെക്കോർഡുകളോടെ ഇന്ത്യൻ സ്കൂൾ ഗോൾഡൻ ബുക്ക് ഓഫ് റെക്കോർഡിൽ ഇടം നേടി
- ബഹ്റൈൻ എ. കെ.സി. സി. റിഫാ *ഏരിയ കമ്മിറ്റി രൂപീകരിച്ചു.
- മൂന്ന് ലോക റെക്കോർഡുകളോടെ ഇന്ത്യൻ സ്കൂൾഗോൾഡൻ ബുക്ക് ഓഫ് റെക്കോർഡിൽ ഇടം നേടി
- ഫ്രൻഡ്സ് അസോസിയേഷൻ ബഹ്റൈന് ദേശീയ ദിനാഘോഷം സംഘടിപ്പിക്കുന്നു
- “ഈദുൽവതൻ”:കെ എം സി സി ബഹ്റൈൻ ദേശീയദിനം വിപുലമായി ആഘോഷിക്കും
- കേരള ഗ്രാമീണ ബാങ്കിന് ഇനി പുതിയ മുഖം: ലോഗോ ഗവർണർ അനാച്ഛാദനം ചെയ്തു
- ദീപ്തിയോ മിനിമോളോ ?; കൊച്ചി കോര്പ്പറേഷന് മേയര് സ്ഥാനത്തേക്ക് ചര്ച്ചകള് സജീവം
- `നീതി നടപ്പായില്ല, ശിക്ഷിക്കപ്പെട്ടത് കുറ്റം ചെയ്തവർ മാത്രം’; ഗൂഢാലോചന ആവർത്തിച്ച് നടി മഞ്ജു വാര്യർ
Author: news editor
മനാമ: രാജാവ് ഹമദ് ബിന് ഈസ അല് ഖലീഫയുടെ രക്ഷാകര്തൃത്വത്തില് ഒക്ടോബര് 22 മുതല് 30 വരെ നടക്കുന്ന ഏഷ്യന് യൂത്ത് ഗെയിംസിന് ആതിഥേയത്വം വഹിക്കാന് ബഹ്റൈന് ഒരുക്കം തുടരുന്നു.മദ്ധ്യപൗരസ്ത്യ മേഖലയിലെ ഏറ്റവും വലിയ കണ്വെന്ഷന്, എക്സിബിഷന് കേന്ദ്രങ്ങളിലൊന്നായ എക്സിബിഷന് വേള്ഡ് ബഹ്റൈന് (ഇ.ഡബ്ല്യു.ബി) രാജ്യത്തുടനീളമുള്ള മറ്റ് പ്രധാന സ്ഥലങ്ങള്ക്കൊപ്പം ഈ പരിപാടിയുടെ വേദിയായി തിരഞ്ഞെടുക്കപ്പെട്ടു.ഗെയിംസിന്റെ ചരിത്രത്തിലെ ആദ്യത്തേതായ ഉദ്ഘാടന ചടങ്ങ് ഇ.ഡബ്ല്യു.ബി. ഇന്ഡോറില് നടത്തും. കൂടാതെ ഏഷ്യയിലുടനീളമുള്ള 45 രാജ്യങ്ങളില്നിന്നുള്ള 5,000ത്തിലധികം അത്ലറ്റുകളെ സ്വാഗതം ചെയ്യുന്ന 13 ഷെഡ്യൂളുകള് ചെയ്ത കായിക മത്സരങ്ങള് നടത്തും. ബോക്സിംഗ്, ടെക്ബോള്, ടെന്നീസ് ടേബിള്, എം.എം.എ, ജിയു-ജിറ്റ്സു, തായ്ക്വോണ്ടോ, ജൂഡോ, ഭാരോദ്വഹനം, ഗുസ്തി, ഇ-സ്പോര്ട്സ്, മുവായ്, കുറാഷ്, പെന്കാക് സിലാത്ത് എന്നിവയാണ് പ്രധാന മത്സരങ്ങള്.ആറ് പ്രദര്ശന ഹാളുകള് (ഹാളുകള് 1, 2, 3, 7, 9, 10), ഗ്രാന്ഡ് ഹാള്, പ്രീ-ഫംഗ്ഷന് ഏരിയ എന്നിവയിലായി വ്യാപിച്ചുകിടക്കുന്ന ഈ പരിപാടികള് 62,000 ചതുരശ്ര മീറ്ററിലധികം വിസ്തൃതിയുള്ള…
മനാമ: ബഹ്റൈനില് മുനിസിപ്പാലിറ്റി- കൃഷി മന്ത്രാലയത്തിനു കീഴിലെ സോഷ്യല് കമ്മിറ്റി പ്രാഥമിക ആരോഗ്യ കേന്ദ്രങ്ങളുമായി സഹകരിച്ച് സീസണല് ഫ്ളൂ വാക്സിനേഷന് കാമ്പയിന് സംഘടിപ്പിച്ചു.പൊതുജനാരോഗ്യവും സുരക്ഷയും പ്രോത്സാഹിപ്പിക്കാനുള്ള നടപടികളുടെ ഭാഗമായാണിതെന്ന് സോഷ്യല് കമ്മിറ്റി ചെയര്മാന് അറിയിച്ചു. കാമ്പയിനുമായി സഹകരിച്ച ഉദ്യോഗസ്ഥരെ അദ്ദേഹം അഭിനന്ദിച്ചു.
മനാമ: ബഹ്റൈനില് 52,000 ദിനാറിന്റെ മൂല്യവര്ധിത നികുതി (വാറ്റ്) വെട്ടിപ്പ് നടത്തിയതിന് ബിസിനസ് ഉടമയ്ക്കെതിരെ ചുമത്തിയ കേസ് വിചാരണയ്ക്കായി പബ്ലിക് പ്രോസിക്യൂഷന് കോടതിക്ക് കൈമാറി.ഇയാളുടെ സ്ഥാപനത്തിനെതിരെ നാഷണല് ബ്യൂറോ ഫോര് റവന്യൂ(എന്.ബി.ആര്)വില്നിന്ന് ലഭിച്ച റിപ്പോര്ട്ടിന്റെ അടിസ്ഥാനത്തിലാണ് അന്വേഷണമാരംഭിച്ചതെന്ന് പബ്ലിക് പ്രോസിക്യൂഷനിലെ സാമ്പത്തിക കുറ്റകൃത്യ- കള്ളപ്പണം വെളുപ്പിക്കല് വിഭാഗത്തിലെ നികുതിവെട്ടിപ്പ് കുറ്റകൃത്യ യൂണിറ്റ് അറിയിച്ചു. അന്വേഷണത്തില് സ്ഥാപനം ഉപഭോക്താക്കളില്നിന്ന് ഈടാക്കിയ വാറ്റ് തുകയില് 52,000 ദിനാര് എന്.ബി.ആറില് അടച്ചിട്ടില്ലെന്ന് കണ്ടെത്തി.തുടര്ന്ന് ഇതു സംബന്ധിച്ച രേഖകള് പരിശോധിച്ചു. ചോദ്യം ചെയ്യലില് സ്ഥാപന ഉടമ കുറ്റം സമ്മതിക്കുകയും ചെയ്തു. ഇതിനെ തുടര്ന്നാണ് കേസ് കോടതിക്ക് വിട്ടത്.
മനാമ: ബഹ്റൈനിന് സ്വകാര്യ സ്കൂളുകളിലെ അദ്ധ്യാപക തസ്തികകളില്, പ്രത്യേകിച്ച് അറബി ഭാഷ, ഇസ്ലാമിക പാഠങ്ങള്, സാമൂഹ്യപാഠം എന്നീ വിഷയങ്ങളിലെ തസ്തികകളില് സ്വദേശികള്ക്ക് മുന്ഗണന നല്കാന് സര്ക്കാര് നീക്കമാരംഭിച്ചു.പാര്ലമെന്റില് ഇതു സംബന്ധിച്ചു വന്ന ഒരു നിര്ദ്ദേശത്തിന് മറുപടിയായാണ് സര്ക്കാര് ഇക്കാര്യം വ്യക്തമാക്കിയത്. വിദേശ തൊഴിലാളികളുടെ പെര്മിറ്റുകള് വഴി സമാഹരിക്കുന്ന പണത്തിന്റെ 80 ശതമാനം ലേബര് ഫണ്ട് (തംകീന്) വഴി സ്വദേശികള്ക്ക് തൊഴില് പരിശീലനത്തിനായി ചെലവഴിക്കുന്നുണ്ട്. കൂടുതല് ബഹ്റൈനികളെ അദ്ധ്യാപന ജോലിയിലേക്ക് ആകര്ഷിക്കാന് ശ്രമം നടക്കുന്നു.സ്കൂളുകളില് പ്രാദേശിക തലത്തില് യോഗ്യതയുള്ള അദ്ധ്യാപകരുടെ പട്ടിക നല്കും. ഇവര്ക്ക് ജോലി നല്കാന് സ്കൂള് മാനേജ്മെന്റുകളെ പ്രോത്സാഹിപ്പിക്കുമെന്നും സര്ക്കാര് വ്യക്തമാക്കി.
മനാമ: സംരംഭകര്ക്ക് ഊര്ജം പകര്ന്നുകൊണ്ട് ലേബര് ഫണ്ട് (തംകീന്) പിന്തുണയുള്ള ബഹ്റൈന്റെ ദേശീയ സ്റ്റാര്ട്ടപ്പ് പ്ലാറ്റ്ഫോമായ സ്റ്റാര്ട്ടപ്പ് ബഹ്റൈന് ഇനീഷ്യേറ്റീവ് സംഘടിപ്പിച്ച സ്റ്റാര്ട്ടപ്പ് ബഹ്റൈന് വീക്കെന്ഡിന്റെ അഞ്ചാം പതിപ്പ് സമാപിച്ചു.അമേരിക്കന് യൂണിവേഴ്സിറ്റി ഓഫ് ബഹ്റൈനില് നടന്ന പരിപാടിയുടെ സമാപന ചടങ്ങില് ധനകാര്യ മന്ത്രിയും മുംതലകത്ത് ഹോള്ഡിംഗ് കമ്പനി ചെയര്മാനുമായ ഷെയ്ഖ് സല്മാന് ബിന് ഖലീഫ അല് ഖലീഫ പങ്കെടുത്തു.200ലധികം സംരംഭകര്, ഡെവലപ്പര്മാര്, ഡിസൈനര്മാര്, മാര്ക്കറ്റര്മാര് എന്നിവര് പങ്കെടുത്തു. ഒന്നാം സ്ഥാനം ടീം അസ്-ഹുമി, രണ്ടാം സ്ഥാനം എച്ചെലോണ്, മൂന്നാം സ്ഥാനം ബെസ്റ്റൂക്ക് എന്നിവ നേടിയപ്പോള് ടീം സെയില്സ്ഫൈ ‘ഡി.ഒ.ഒ’ ചോയ്സ് അവാര്ഡും ജിംന ‘നയന്ഡോട്ട്സ്’ ചോയ്സ് അവാര്ഡും നേടി.സാമ്പത്തിക വികസനത്തിന്റെ പ്രധാന ചാലകശക്തിയായ യുവജന സംരംഭകത്വത്തെ ബഹ്റൈന് പിന്തുണയ്ക്കുന്നു എന്ന് മന്ത്രി പറഞ്ഞു. സ്റ്റാര്ട്ടപ്പ് ബഹ്റൈന് വീക്കെന്ഡ് സംരംഭം വിജയകരമായ ഒരു ദേശീയ മാതൃകയാണെന്നും മന്ത്രി അഭിപ്രായപ്പെട്ടു.
മനാമ: മോട്ടോര്സ്പോര്ട്ട് പ്രേമികളില് ആവേശത്തിന്റെ അലകളുയര്ത്തി അരാംകോ എഫ് 4 സൗദി അറേബ്യന് ചാമ്പ്യന്ഷിപ്പിന് ബഹ്റൈനില് തുടക്കം. ഉദ്ഘാടന മത്സരം ബഹ്റൈന് ഇന്റര്നാഷണല് സര്ക്യൂട്ടില് നടന്നു. തീവ്രമായ ഓണ്-ട്രാക്ക് മത്സരം, ഉയര്ന്ന സാങ്കേതിക നിലവാരം എന്നിവ പ്രതിഫലിച്ച തുടക്കത്തിന് സാക്ഷ്യം വഹിക്കാന് വന് ജനസാന്നിധ്യമുണ്ടായി. ഉദ്ഘാടന മത്സരത്തെ തുടര്ന്ന് ഇന്റര്നാഷണല് സര്ക്യൂട്ടില് അവാര്ഡ് ദാന ചടങ്ങ് നടന്നു. ആദ്യ മൂന്ന് സ്ഥാനക്കാര്ക്ക് ബഹ്റൈന് ഇന്റര്നാഷണല് സര്ക്യൂട്ടിന്റെ ചീഫ് എക്സിക്യൂട്ടീവ് ഷെയ്ഖ് സല്മാന് ബിന് ഇസ അല് ഖലീഫ ട്രോഫികള് സമ്മാനിച്ചു. ബ്രിട്ടീഷ് ഡ്രൈവര് കിറ്റ് ബെലോഫ്സ്കിയാണ് (പിയാക്സ്) ഒന്നാം സ്ഥാനം നേടിയത്. ബി.ഐ.സി. ചീഫ് കൊമേഴ്സ്യല് ഓഫീസര് ഷെരീഫ് അല് മഹ്ദിയും ഡച്ച് ഡ്രൈവര് നീന ഗഡെമാനും (കരാഗി) രണ്ടാം സ്ഥാനം നേടി. സൗദി ഡീസല് ചെയര്മാന് റാദ് അബ്ദുല് ജവാദും എമിറാത്തി ഡ്രൈവര് തിയോ പാമറും (ജാക്കോ) മൂന്നാം സ്ഥാനവും നേടി. മികച്ച വനിതാ ഡ്രൈവര്ക്കുള്ള അവാര്ഡ് നീന ഗഡെമാന്…
മനാമ: ഒക്ടോബര് 13 മുതല് 17 വരെ ദുബായില് നടക്കുന്ന ലോകത്തിലെ ഏറ്റവും വലിയ സാങ്കേതിക പ്രദര്ശനങ്ങളിലൊന്നായ ജിറ്റെക്സ് ഗ്ലോബല് 2025ല് ബഹ്റൈന് ഇന്ഫര്മേഷന് ആന്റ് ഇ-ഗവണ്മെന്റ് അതോറിറ്റി (ഐ.ജി.എ) ഏറ്റവും പുതിയ ഡിജിറ്റല് പ്രൊജക്ടുകള് പ്രദര്ശിപ്പിക്കും.ലേബര് ഫണ്ട് (തംകീന്) സംഘടിപ്പിക്കുന്ന ബഹ്റൈന് പവലിയന്റെ ഭാഗമായിട്ടാണ് പ്രദര്ശനം. സാമ്പത്തിക വികസന ബോര്ഡ് (ഇഡി.ബി), അറായ് ഇന്നൊവേഷന്, 14 ബഹ്റൈനി ചെറുകിട, ഇടത്തരം സംരംഭങ്ങള് എന്നിവയും പങ്കെടുക്കും.ഹാള് 20-എ10ലെ ബഹ്റൈന് പവലിയനില് വിപുലമായ സര്ക്കാര് ഇ-സേവനങ്ങളിലെ ഐ.ജി.എയുടെ നേതൃത്വം, നിര്മിതബുദ്ധി, ക്ലൗഡ് കമ്പ്യൂട്ടിംഗ് പോലുള്ള സാങ്കേതികവിദ്യകളുടെ പ്രദര്ശനമുണ്ടാകും.
മനാമ: ബഹ്റൈനില് വ്യാജ ഓണ്ലൈന് പേയ്മെന്റ് സ്ക്രീന്ഷോട്ടുകള് വാട്സ്ആപ്പ് വഴി അയച്ചുകൊടുത്ത് പലതവണയായി 7,000 ദിനാറിന്റെ സ്വര്ണം തട്ടിയെടുത്ത കേസില് യുവതി അറസ്റ്റിലായി.സ്ക്രീന്ഷോട്ടുകള് വിശ്വസിച്ച് ജ്വല്ലറി ജീവനക്കാര് ഇവര്ക്ക് സ്വര്ണ്ണം നല്കുകയായിരുന്നു. ഇതു പലതവണ ആവര്ത്തിച്ചപ്പോള് സ്ക്രീന്ഷോട്ടുകള് വ്യാജമാണെന്നും പണം ലഭിച്ചിട്ടില്ലെന്നും ജ്വല്ലറി ജീവനക്കാര് തിരിച്ചറിഞ്ഞു. തുടര്ന്നു നല്കിയ പരാതിയിലാണ് ഇവര് അറസ്റ്റിലായത്.തുടര്നടപടികള്ക്കായി പ്രതിയെ കസ്റ്റഡിയില് റിമാന്ഡ് ചെയ്യാന് പബ്ലിക് പ്രോസിക്യൂഷന് ഉത്തരവിട്ടു.
മനാമ: ബഹ്റൈനിലെ ജുഫൈറില് ഒരു 29കാരന് കെട്ടിടത്തില്നിന്ന് വീണ് മരിച്ചതായി കാപ്പിറ്റല് ഗവര്ണറേറ്റ് പോലീസ് അറിയിച്ചു.വിവരമറിഞ്ഞ് അധികൃതര് സ്ഥലത്തെത്തി സംഭവത്തെക്കുറിച്ച് അന്വേഷണമാരംഭിച്ചു.
കൊച്ചി: ശബരിമലയിലെ ദ്വാരപാലക ശില്പങ്ങളിലെ സ്വര്ണം പൂശലുമായി ബന്ധപ്പെട്ട് തിരിമറി നടന്നിട്ടുണ്ടെന്ന് ഹൈക്കോടതി. 2019ല് സ്വര്ണം പൂശിയ സമയത്ത് 474.9 ഗ്രാം സ്വര്ണം കാണാതായിട്ടുണ്ടെന്ന് കോടതി ചൂണ്ടിക്കാട്ടി.ശബരിമല സ്വര്ണക്കൊള്ളയില് കേസ് റജിസ്റ്റര് ചെയ്ത് അന്വേഷണം ആരംഭിക്കാന് ഹൈക്കോടതി നിര്ദേശം നല്കി. ദേവസ്വം ചീഫ് വിജിലന്സ് ഓഫിസറുടെ റിപ്പോര്ട്ട് ഇന്നു തന്നെ ദേവസ്വം ബോര്ഡിന് കൈമാറാനും കോടതി നിര്ദേശിച്ചു. ബോര്ഡ് ഇത് സംസ്ഥാന പോലീസ് മേധാവിക്ക് കൈമാറണം. തുടര്ന്ന് പോലീസ് മേധാവിയുടെ നിര്ദേശത്തിന്റെ അടിസ്ഥാനത്തിലാകണം എസ്.ഐ.ടി. കേസ് റജിസ്റ്റര് ചെയ്ത് അന്വേഷണമാരംഭിക്കേണ്ടത്.ദ്വാരപാലക ശില്പങ്ങളിലെ ചെമ്പുപാളികള്ക്ക് പുറമെ ലിന്റല്, വശങ്ങളിലെ ഫ്രെയിമുകള് എന്നിവയില് സ്വര്ണം പൂശിയതില് ക്രമക്കേടുണ്ടോ എന്ന് എസ്.ഐ.ടിക്ക് പരിശോധിക്കാം. പ്രത്യേക കേസുകള് റജിസ്റ്റര് ചെയ്ത് അന്വേഷണിക്കണോ എന്നത് എസ്.ഐ.ടിക്ക് തീരുമാനിക്കാം.ചെന്നൈയിലെത്തിച്ച ചെമ്പുപാളികളില് സ്വര്ണത്തിന്റെ സാന്നിധ്യമുണ്ടായിരുന്നതിനാല് ഇതില് വീണ്ടും സ്വര്ണം പൂശാന് സാധിക്കില്ലെന്നു സ്മാര്ട് ക്രിയേഷന്സ് അറിയിച്ചിരുന്നു. എന്നാല് ഉണ്ണികൃഷ്ണന് പോറ്റിയുടെ നിര്ബന്ധത്താല് ഇതില് നിന്നുള്ള സ്വര്ണം വേര്തിരിച്ചെടുത്തു. തുടര്ന്ന് ചെമ്പുപാളികള് വീണ്ടും…