Author: News Desk

തിരുവനന്തപുരം: കണ്ണൂർ സർവകലാശാല വൈസ് ചാൻസലർ ഗോപിനാഥ് രവീന്ദ്രനെതിരായ ഗവർണറുടെ പരാമർശങ്ങൾ അങ്ങേയറ്റം അപലപനീയമാണെന്ന് എസ്എഫ്ഐ. കണ്ണൂർ വി.സി ക്രിമിനലാണെന്നതാണ് ഗവർണറുടെ ഏറ്റവും പുതിയ പരാമർശം. കണ്ണൂർ ഉൾപ്പെടെ കേരളത്തിലെ വിവിധ സർവകലാശാലകളിൽ നിയന്ത്രണങ്ങളില്ലാതെ ഇടപെട്ട് പ്രശ്നങ്ങൾ സൃഷ്ടിക്കാനാണ് ഗവർണർ ശ്രമിക്കുന്നത്. ഇത് സർവകലാശാലകളുടെ സ്വയംഭരണാവകാശത്തെ സാരമായി ബാധിക്കുന്നുവെന്നും എസ്എഫ്ഐ പ്രസ്താവനയിൽ പറഞ്ഞു. കേരള ഗവർണർ തന്‍റെ ജീവിതത്തിലുടനീളം വിവിധ രാഷ്ട്രീയ പാർട്ടികളിൽ പ്രവർത്തിക്കുകയും ഒടുവിൽ ബിജെപി പാളയത്തിൽ ചേരുകയും ആർഎസ്എസ് പറയുന്നത് പോലെ പ്രവർത്തിക്കാൻ തയ്യാറെടുത്ത വ്യക്തിയാണെന്നും എസ്എഫ്ഐ വിമർശിച്ചു. എസ്എഫ്‌ഐ പ്രസ്താവനയുടെ പൂർണ്ണരൂപം – കേരള ഗവർണർ ആരിഫ് മുഹമ്മദ് ഖാൻ കണ്ണൂർ സർവകലാശാല വൈസ് ചാൻസലർ പ്രൊഫ. ഗോപിനാഥ് രവീന്ദ്രനെതിരെ നടത്തിയ പരാമർശം അങ്ങേയറ്റം പ്രതിഷേധാർഹമാണ്. കണ്ണൂർ വിസി ക്രിമിനൽ ആണെന്നാണ് ഏറ്റവുമൊടുവിൽ ഗവർണർ നടത്തിയ പരാമർശം. കണ്ണൂർ ഉൾപ്പെടെയുള്ള കേരളത്തിലെ വിവിധ സർവകലാശാലകളിൽ നിയന്ത്രണങ്ങളില്ലാതെ ഇടപെട്ട് പ്രശ്നങ്ങൾ സൃഷ്ടിക്കാൻ ശ്രമിക്കുകയാണ് ഗവർണർ. ഇത് സർവകലാശാലകളുടെ സ്വയംഭരണത്തെ…

കൊച്ചി: നടിയെ ആക്രമിച്ച കേസിലെ വിചാരണ പ്രിൻസിപ്പൽ സെഷൻസ് കോടതിയിലേക്ക് മാറ്റിയതിനെതിരെ അതിജീവിത നൽകിയ ഹർജി ജസ്റ്റിസ് സിയാദ് റഹ്മാൻ പരിഗണിക്കും. ജസ്റ്റിസ് കൗസർ എടപ്പഗത്ത് കേസ് പരിഗണിക്കുന്നതിൽ നിന്ന് പിൻമാറിയതിനെ തുടർന്നാണ് പുതിയ ബെഞ്ച് ഇക്കാര്യം പരിഗണിക്കുന്നത്. വിചാരണക്കോടതി മാറ്റണമെന്നാവശ്യപ്പെട്ട് അതിജീവിത സമർപ്പിച്ച ഹർജിയിൽ നിന്ന് കഴിഞ്ഞ വെള്ളിയാഴ്ചയാണ് ജസ്റ്റിസ് കൗസർ എടപ്പഗത്ത് പിൻമാറിയത്. അതിജീവിതയുടെ ആവശ്യപ്രകാരം കേസ് പരിഗണിക്കുന്നതിൽ നിന്ന് കൗസർ എടപ്പഗത്ത് നേരത്തെയും പിൻമാറിയിരുന്നു. എറണാകുളം പ്രിൻസിപ്പൽ സെഷൻസ് കോടതി പരിഗണിച്ചിരുന്ന കേസ് വനിതാ ജഡ്ജി പരിഗണിക്കണമെന്ന് അതിജീവിത ആവശ്യപ്പെട്ടതിനെ തുടർന്ന് 2019ൽ എറണാകുളം സ്പെഷ്യൽ അഡീ. സെഷൻസ് കോടതിയിലേക്കു മാറ്റിയിരുന്നു. എന്നാൽ ഹൈക്കോടതി ഭരണ വിഭാഗം നൽകിയ ഓഫിസ് മെമ്മോറാണ്ടത്തിന്റെ അടിസ്ഥാനത്തിൽ കേസ് ഇപ്പോൾ പ്രിൻസിപ്പൽ സെഷൻസ് കോടതിയിലേക്കു മാറ്റിയതാണ് അതിജീവിത ചോദ്യം ചെയ്യുന്നത്. നടപടി നിയമപരമല്ല എന്നാണ് ആക്ഷേപം.

അമിതവണ്ണത്തിനുള്ള കാരണങ്ങളും പരിഹാരങ്ങളും കണ്ടെത്താൻ ഉമിനീരിൽ നിന്നുള്ള ഡിഎൻഎ സാമ്പിളുകളുടെ പരിശോധന സഹായകമായേക്കും. നിരവധി ഭക്ഷണക്രമങ്ങൾ പരീക്ഷിച്ചിട്ടുണ്ടെങ്കിലും ആഗ്രഹിച്ച ഫലം ലഭിക്കാത്തവർക്ക് ഉമിനീരിൽ നിന്ന് ഡിഎൻഎ സാമ്പിളുകൾ ശേഖരിച്ച് അമിതവണ്ണത്തിനുള്ള കാരണങ്ങളും പരിഹാരങ്ങളും കണ്ടെത്താൻ ഡിഎൻഎ പ്രൊഫൈൽ തയ്യാറാക്കാൻ സാധിക്കും. ഇന്ത്യയിൽ വിജയകരമായി പരീക്ഷിക്കപ്പെടുന്ന ഈ പരീക്ഷണം അമിതവണ്ണത്തിന്‍റെ ചികിത്സയ്ക്ക് ധാരാളം സാധ്യതകൾ തുറക്കുമെന്ന് വിദഗ്ധർ വിശ്വസിക്കുന്നു. നിങ്ങളുടെ സുഹൃത്തിന്‍റെ അതേ അളവിൽ ഭക്ഷണം കഴിച്ചതിന് ശേഷവും നിങ്ങളുടെയും നിങ്ങളുടെ സുഹൃത്തിന്‍റെയും ശരീരഘടനയും ഭാരവും ഒരുപോലെയല്ലാത്തതിന് നിരവധി ജനിതക കാരണങ്ങളുണ്ടെന്ന് ജീൻസ്റ്റ്യൂം സിഇഒ നീരജ് ഗുപ്ത പറയുന്നു. ശരീരം ആഗിരണം ചെയ്യുന്ന വിറ്റാമിനുകളുടെ അളവ്, ശരീരഭാരം കുറയ്ക്കുന്ന പാറ്റേണുകൾ, നിക്കോട്ടിൻ ആശ്രിതത്വം എന്നിവ മനസ്സിലാക്കാൻ ഉമിനീരിൽ നിന്ന് സാമ്പിളുകൾ ശേഖരിക്കാൻ കഴിയുമെന്ന് ആരോഗ്യ മേഖല പ്രതീക്ഷിക്കുന്നു. ജീൻ എൻജിനീയറിംഗ് ഉൾപ്പെടെയുള്ള മേഖലകൾ ഇന്ത്യയിൽ വളർച്ചയുടെ ഘട്ടത്തിലാണ്. ഉമിനീർ ഉപയോഗിച്ചുള്ള ഡിഎൻഎ ടെസ്റ്റ് ജീവിതത്തില്‍ ഒരു തവണ മാത്രം ചെയ്താല്‍ മതിയാകുമെന്ന് എസ്ആര്‍എല്‍…

തിരുവനന്തപുരം : സംസ്ഥാനത്തെ എല്ലാ റേഷൻ കാർഡ് ഉടമകൾക്കും സൗജന്യ ഓണക്കിറ്റ് നൽകുന്നതിന്റെ സംസ്ഥാനതല ഉദ്ഘാടനം നാളെ മുഖ്യമന്ത്രി പിണറായി വിജയൻ നിർവഹിക്കും. ഭക്ഷ്യക്കിറ്റ് വിതരണത്തിന്‍റെ ജില്ലാതല ഉദ്ഘാടനവും തിങ്കളാഴ്ച വൈകീട്ട് എല്ലാ ജില്ലാ ആസ്ഥാനങ്ങളിലും നടക്കും. നാളെ വൈകീട്ട് നാലിന് അയ്യങ്കാളി ഹാളിൽ നടക്കുന്ന ചടങ്ങിൽ ഭക്ഷ്യ മന്ത്രി ജി.ആർ. അനിൽ അധ്യക്ഷത വഹിക്കും. മന്ത്രിമാരായ ആന്‍റണി രാജു, വി.ശിവൻകുട്ടി എന്നിവരും പങ്കെടുക്കും. കാർഡ് ഉടമകൾക്ക് അവരുടെ റേഷൻ കടകളിൽ നിന്ന് കിറ്റുകൾ സ്വീകരിക്കാം. കിറ്റുകൾ സ്വീകരിക്കുന്ന കാര്യത്തിൽ റേഷൻ വിതരണവുമായി ബന്ധപ്പെട്ട് നിലവിലുള്ള പോർട്ടബിലിറ്റി സംവിധാനം നീക്കം ചെയ്യണമെന്ന് ഭക്ഷ്യ പൊതുവിതരണ വകുപ്പ് മന്ത്രി ജി.ആർ. അനിൽ അറിയിച്ചു. ക്ഷേമ സ്ഥാപനങ്ങൾക്കും ആദിവാസി ഊരുകൾക്കുമുള്ള ഭക്ഷ്യകിറ്റുകൾ വാതിൽപ്പടി സേവനമായി വിതരണം ചെയ്യുമെന്നും മന്ത്രി പറഞ്ഞു. തുണിസഞ്ചി ഉൾപ്പെടെ 14 ഇനങ്ങളാണ് ഇത്തവണത്തെ ഓണക്കിറ്റിലുള്ളത്. ഓഗസ്റ്റ് 23, 24 തീയതികളിൽ മഞ്ഞ കാർഡ് ഉടമകൾക്കും, 25, 26, 27 തീയതികളിൽ…

ഗവർണർ ആരിഫ് മുഹമ്മദ് ഖാനെതിരെ രൂക്ഷ വിമർശനവുമായി രാജ്യസഭാ എംപി എ.എ റഹീം. ഗവർണർ ഇങ്ങനെയാകരുതെന്ന് ഡിവൈഎഫ്ഐ അഖിലേന്ത്യാ പ്രസിഡന്‍റ് കൂടിയായ റഹീം പറഞ്ഞു. കണ്ണൂർ സർവകലാശാല വൈസ് ചാൻസലറെ ക്രിമിനൽ എന്ന് വിളിച്ചത് അങ്ങേയറ്റം അപലപനീയമാണ്. അസന്തുലിതമായാണ് ഗവർണർ പെരുമാറുന്നതെന്നും അദ്ദേഹം പറഞ്ഞു. സമചിത്തതയോടെ ചിന്തിക്കുന്ന ഒരാളിൽ നിന്ന് അത്തരമൊരു പ്രതികരണം ഉണ്ടാകില്ലെന്നും എ എ റഹീം ആരോപിച്ചു. ഉയർന്ന ഭരണഘടനാ പദവി വഹിക്കുന്ന ആരിഫ് മുഹമ്മദ് ഖാനിൽ നിന്ന് നിലവാരമില്ലാത്ത പ്രതികരണങ്ങൾ ഒരിക്കലും ഉണ്ടാകാൻ പാടില്ലായിരുന്നുവെന്നും റഹീം ഫേസ്ബുക്ക് പോസ്റ്റിൽ പറയുന്നു.

ഗാന്ധിനഗര്‍: ഗുജറാത്ത് മുൻ മുഖ്യമന്ത്രി ശങ്കർ സിംഗ് വഗേല പുതിയ രാഷ്ട്രീയ പാർട്ടി രൂപീകരിച്ചു. പ്രജാ ശക്തി ഡെമോക്രാറ്റിക് പാർട്ടി എന്നാണ് പാർട്ടിക്ക് പേരിട്ടിരിക്കുന്നത്. ബി.ജെ.പിക്ക് ബദലായി പാർട്ടി പ്രവർത്തിക്കുമെന്നും വഗേല മാധ്യമപ്രവർത്തകരോട് പറഞ്ഞു. നേരത്തെ ബി.ജെ.പിയുമായും കോണ്‍ഗ്രസുമായും ചേർന്ന് പ്രവർത്തിച്ചിരുന്ന വഗേല കുറച്ചുകാലമായി രാഷ്ട്രീയത്തിൽ സജീവമായിരുന്നില്ല. പുതിയ പാർട്ടി രൂപീകരിച്ച് അദ്ദേഹം രാഷ്ട്രീയത്തിലേക്ക് തിരിച്ചെത്തിയിരിക്കുകയാണ്. വരാനിരിക്കുന്ന ഗുജറാത്ത് നിയമസഭാ തിരഞ്ഞെടുപ്പിൽ മത്സരിക്കുമെന്നും അദ്ദേഹം പ്രഖ്യാപിച്ചു. ബിജെപിയും കോൺഗ്രസും എഎപിയും തന്‍റെ മുന്നിൽ വാതിലുകൾ അടച്ചപ്പോഴാണ് പുതിയ പാർട്ടി രൂപീകരിച്ചതെന്ന് വഗേല പറഞ്ഞു. ഒന്നര വർഷം മുമ്പാണ് രജിസ്റ്റർ ചെയ്തത്. ഇപ്പോൾ പ്രവര്‍ത്തനം സജീവമാക്കുകയാണെന്നും അദ്ദേഹം പറഞ്ഞു.

തൃശ്ശൂര്‍: തളിക്കുളത്ത് ഭർത്താവിന്‍റെ ആക്രമണത്തിൽ ചികിത്സയിലായിരുന്ന യുവതി മരിച്ചു. നമ്പിക്കടവ് സ്വദേശി ഹാഷിതയാണ് മരിച്ചത്. പ്രതി മുഹമ്മദ് ആസിഫ് ഒളിവിലാണ്. ശനിയാഴ്ച വൈകുന്നേരമാണ് ഇയാൾ പ്രസവിച്ചുകിടന്ന ഭാര്യയെ വെട്ടിപ്പരിക്കേല്‍പ്പിച്ചത്. ഹാഷിതയുടെ പിതാവിനെയും പ്രതി ആക്രമിച്ചു. പിതാവിന്റെ ആരോഗ്യനില അപകടനില തരണം ചെയ്തിട്ടുണ്ട്. 20 ദിവസം മുമ്പാണ് ഹാഷിത പ്രസവിച്ചത്. വൈകിട്ട് ആറുമണിയോടെയാണ് അമ്മയ്ക്കും ബന്ധുക്കൾക്കുമൊപ്പം ആസിഫ് ഭാര്യയെ കാണാൻ എത്തിയത്. ബന്ധുക്കൾ മടങ്ങിയ ശേഷം ആസിഫും ഭാര്യയും തമ്മിൽ വാക്കുതർക്കമുണ്ടാകുകയും തുടർന്ന് ആസിഫ് ഭാര്യയെ ആക്രമിക്കുകയും ചെയ്തു. ഹാഷിതയുടെ നിലവിളി കേട്ട് ബന്ധുക്കള്‍ തിരിച്ചെത്തിയപ്പോള്‍ കണ്ടത് കത്തി കൊണ്ട് ആക്രമിക്കുന്നതാണ്. ബാഗില്‍ കരുതിയ കത്തി ഉപയോഗിച്ച് ഹാഷിതയെ നിരവധി തവണ ആക്രമിക്കുകയായിരുന്നു. ഇരുവരും തമ്മില്‍ മുന്‍പും തര്‍ക്കമുണ്ടായിരുന്നുവെന്നാണ് ബന്ധുക്കള്‍ പറയുന്നത്. എന്നാല്‍ കൊലപാതകത്തിലേക്ക് കാര്യങ്ങള്‍ എത്തുമെന്ന് വീട്ടുകാര്‍ കരുതിയിരുന്നില്ല.

ഗവർണർ ആരിഫ് മുഹമ്മദ് ഖാനെ പിന്തുണച്ച കെപിസിസി പ്രസിഡന്‍റ് കെ സുധാകരനെ പരിഹസിച്ച് സിപിഎം കണ്ണൂർ ജില്ലാ സെക്രട്ടറി എംവി ജയരാജൻ. ഗവർണറെ പിന്തുണച്ച കെ സുധാകരൻ ചക്കിക്കൊത്ത ചങ്കരനാണ്. കോൺഗ്രസിൽ നിന്ന് കൂടുതലൊന്നും പ്രതീക്ഷിക്കുന്നില്ലെന്നും എം.വി ജയരാജൻ പറഞ്ഞു. എല്ലാ അതിരുകളും ലംഘിച്ചാണ് ഗവർണർ പ്രതികരിക്കുന്നത്. ഗവർണർ സ്ഥാനത്ത് ഇരിക്കാൻ അദ്ദേഹം യോഗ്യനല്ല. 2019 ലെ സംഭവത്തെക്കുറിച്ച് ഇപ്പോൾ പറയുന്നത് ദുരുദ്ദേശപരമാണ്. ചരിത്ര കോണ്‍ഗ്രസ് വേദിയില്‍ ഗവര്‍ണര്‍ പൗരത്വ ഭേദഗതി നിയമത്തെ ന്യായീകരിച്ചു. വേദിയിൽ സംഘപരിവാറിന്‍റെ ശബ്ദമാണ് ഗവർണർ ഉയർത്തിയത്. ഡൽഹിയിൽ വി.സി ഗൂഢാലോചന നടത്തിയെന്ന് പറയുന്നത് നുണയാണ്. വൈസ് ചാൻസലർക്കെതിരായ വ്യക്തിപരമായ അപകീർത്തികരമായ പരാമർശങ്ങൾ ഗവർണർ പിൻവലിക്കണമെന്നും എംവി ജയരാജൻ ആവശ്യപ്പെട്ടു.

ന്യൂഡല്‍ഹി: ജാപ്പനീസ് പ്രധാനമന്ത്രി ഫ്യൂമിയോ കിഷിദ കോവിഡ്-19 ൽ നിന്ന് വേഗം സുഖം പ്രാപിക്കട്ടെയെന്ന് പ്രധാനമന്ത്രി നരേന്ദ്ര മോദി ആശംസിച്ചു. ജപ്പാനിൽ കൊവിഡ് കേസുകൾ കുത്തനെ ഉയരുന്ന സാഹചര്യത്തിലാണ് ഞായറാഴ്ച പ്രധാനമന്ത്രി ഫ്യൂമിയോ കിഷിദയ്ക്ക് കൊറോണ വൈറസ് ബാധ സ്ഥിരീകരിച്ചത്. “എന്‍റെ സുഹൃത്ത് പ്രധാനമന്ത്രി ഫ്യൂമിയോ കിഷിദ കോവിഡ് -19 ൽ നിന്ന് വേഗത്തിൽ സുഖം പ്രാപിക്കട്ടെ എന്ന് ആശംസിക്കുന്നു,” പ്രധാനമന്ത്രി ട്വിറ്ററിൽ കുറിച്ചു. വൈറസ് ബാധയിൽ നിന്ന് കരകയറാൻ കിഷിദ ഇപ്പോൾ തന്‍റെ ഔദ്യോഗിക വസതിയിൽ വിശ്രമത്തിലാണ്. ശനിയാഴ്ച രാത്രി ജാപ്പനീസ് പ്രധാനമന്ത്രിക്ക് പനി, ചുമ തുടങ്ങിയ നേരിയ ലക്ഷണങ്ങൾ അനുഭവപ്പെടാൻ തുടങ്ങിയതായി ജപ്പാനിലെ പ്രാദേശിക മാധ്യമമായ ക്യോഡോ ന്യൂസ് റിപ്പോർട്ട് ചെയ്തു. 65 കാരനായ ജാപ്പനീസ് നേതാവ് കുടുംബത്തോടൊപ്പം ഒരാഴ്ചത്തെ വേനൽക്കാല അവധിയെടുത്ത ശേഷം തിങ്കളാഴ്ച ജോലിയിൽ തിരിച്ചെത്താനിരിക്കുകയായിരുന്നു. ജപ്പാനിൽ ശനിയാഴ്ച 253,265 അധിക കൊറോണ വൈറസ് കേസുകൾ റിപ്പോർട്ട് ചെയ്തു. ഇത് തുടർച്ചയായ മൂന്നാം ദിവസമാണ്, 250,000…

അംബാല: അഴിമതിക്കേസുമായി ബന്ധപ്പെട്ട് രണ്ട് സൈനിക ഉദ്യോഗസ്ഥരെ സിബിഐ അറസ്റ്റ് ചെയ്തു. ഒരു ലഫ്റ്റനന്‍റ് കേണലും സുബേദാർ മേജറും അറസ്റ്റിലായി. ഹരിയാനയിലെ അംബാല കന്‍റോൺമെന്‍റിൽ നിന്നാണ് ഇവരെ അറസ്റ്റ് ചെയ്തത്. 22.48 ലക്ഷം രൂപ കൈക്കൂലി വാങ്ങിയ കേസിലാണ് അറസ്റ്റ്. രണ്ട് കരാറുകാരെയും സിബിഐ അറസ്റ്റ് ചെയ്തിട്ടുണ്ട്. ലഫ്റ്റനന്‍റ് കേണൽ രാഹുൽ പവാർ, സുബേദാർ മേജർ പർദീപ് കുമാർ, കരാറുകാരായ ദിനേശ് കുമാർ, പ്രിത്പാൽ എന്നിവരാണ് അറസ്റ്റിലായത്. ലഫ്റ്റനന്‍റ് കേണലിന്‍റെ വീട്ടിൽ നടത്തിയ പരിശോധനയിൽ 32 ലക്ഷം രൂപയും രണ്ട് കരാറുകാരിൽ നിന്ന് 16 ലക്ഷം രൂപയും കണ്ടെടുത്തു. അംബാല കന്‍റോൺമെന്‍റിലെ നിർമ്മാണ പ്രവർത്തനങ്ങളുമായി ബന്ധപ്പെട്ടാണ് ഇവർ കൈക്കൂലി വാങ്ങിയത്. ഇനിയും കൂടുതൽ പേരെ അറസ്റ്റ് ചെയ്യാനുണ്ടെന്നും സി.ബി.ഐ അറിയിച്ചു. കൈക്കൂലി ആവശ്യപ്പെട്ടതിനും കൈക്കൂലി വാങ്ങിയതിനും രണ്ട് സൈനിക ഉദ്യോഗസ്ഥർക്കെതിരെയും കേസ് രജിസ്റ്റർ ചെയ്തതായി സിബിഐ ഉദ്യോഗസ്ഥൻ പറഞ്ഞു. സ്വകാര്യ കരാറുകാർക്ക് ടെൻഡറുകളും ഉത്തരവുകളും നൽകാനായി സൈനിക ഉദ്യോഗസ്ഥർ കൈക്കൂലി വാങ്ങിയെന്നാണ്…