Author: News Desk

മറയൂർ: വിദ്യാഭ്യാസത്തിന്‍റെ കാര്യത്തിൽ മറ്റേതൊരു ഇന്ത്യൻ സംസ്ഥാനത്തേക്കാളും കേരളം മുന്നിലാണെങ്കിലും മലയാളികൾ പെട്ടെന്ന് വഞ്ചിക്കപ്പെടുന്നവരാണെന്ന് പൊതുവെ പറയാറുണ്ട്. ആട്, തേക്ക്, ഒഞ്ചിയം കഥ മുതൽ മോൻസൺ മാവുങ്കലിന്‍റെ തട്ടിപ്പിന് വരെ തലവെച്ചുകൊടുത്തവരാണ് മലയാളികള്‍. ഓരോ തട്ടിപ്പിലും ലക്ഷക്കണക്കിന് രൂപ നഷ്ടപ്പെട്ടാലും അടുത്ത തട്ടിപ്പിൽ കൊണ്ടുപോയി തലവെച്ചുകൊടുക്കുകയും ചെയ്യും. തട്ടിപ്പുകാരിൽ ഒരാൾ പിടിക്കപ്പെട്ടാൽ അടുത്ത തട്ടിപ്പുമായി അവർ മുന്നോട്ട് വരും. അത്തരത്തിലൊരു തട്ടിപ്പിന്‍റെ രസകരമായ വാർത്തയാണ് ഇപ്പോൾ മറയൂരിൽ നിന്ന് പുറത്ത് വന്നിരിക്കുന്നത്. എന്നാൽ ആളുകളെ കബളിപ്പിക്കാനും പണം പോക്കറ്റിലാക്കാനും കഴിയുന്നതിന് മുമ്പ്, തട്ടിപ്പ് വീരനെ പോലീസ് പിടികൂടി. പൂച്ചക്കുഞ്ഞുങ്ങളെ പെയിന്റടിച്ച് കടുവക്കുഞ്ഞുങ്ങളെന്ന വ്യാജേന വില്‍പ്പനയ്ക്ക് ശ്രമിച്ച യുവാവ് അറസ്റ്റിൽ. തിരുവണ്ണാമല അരണി സ്വദേശി പാർത്ഥിപനെയാണ് (24) കടുവകൾ വിൽപ്പനയ്ക്കുണ്ടെന്ന വാട്സാപ്പ് സന്ദേശത്തിൽ അറിയിച്ചതിനെ തുടർന്ന് വനംവകുപ്പ് അറസ്റ്റ് ചെയ്തത്. മറയൂരിനടുത്തുള്ള അതിർത്തി ഗ്രാമത്തിലാണ് സംഭവം.

കൊച്ചി: കൊച്ചിയിലെ ഏറ്റവും വലിയ പൂക്കളമൊരുക്കിയാണ് ഫോർട്ട് കൊച്ചി നിവാസികൾ തിരുവോണത്തെ വരവേറ്റത്. സാന്താക്രൂസ് ഗ്രൗണ്ടിൽ 500 ചതുരശ്രയടി വിസ്തീർണത്തിലാണ് സ്നേഹ പൂക്കളം ഒരുക്കിയിരിക്കുന്നത്. ഫോർട്ടുകൊച്ചി സ്വദേശികൾക്കൊപ്പം വിദേശികളും അത്തപ്പൂക്കളം തയ്യാറാക്കുന്നതിൽ പങ്കാളികളായി. സ്നേഹം, സാഹോദര്യം, ഐക്യം എന്നിവയുടെ സന്ദേശമാണ് ഇതിലൂടെ നൽകുന്നതെന്ന് സംഘാടകർ പറഞ്ഞു.

ന്യൂജഴ്‌സി: ഇന്ത്യയുടെ എക്കാലത്തെയും മികച്ച സുഹൃത്താണ് താനെന്ന് മുൻ അമേരിക്കൻ പ്രസിഡന്‍റ് ഡോണൾഡ് ട്രംപ്. യുഎസ് പ്രസിഡന്‍റ് ജോ ബൈഡനെക്കാളും മുൻ പ്രസിഡന്‍റ് ബരാക് ഒബാമയെക്കാളും ഇന്ത്യയുമായി തനിക്ക് അടുത്ത സൗഹൃദമുണ്ടെന്നും സംശയമുണ്ടെങ്കിൽ പ്രധാനമന്ത്രി നരേന്ദ്ര മോദിയോട് ചോദിക്കാമെന്നും ട്രംപ് ദേശീയ മാധ്യമത്തിന് നൽകിയ അഭിമുഖത്തിൽ പറഞ്ഞു. പ്രധാനമന്ത്രിയെന്ന നിലയിൽ നരേന്ദ്ര മോദി വളരെ മികച്ച പ്രവർത്തനമാണ് നടത്തുന്നത്. മോദി കഴിവുള്ള ഭരണാധികാരിയാണ്. അദ്ദേഹവുമായി വളരെ അടുത്ത വ്യക്തിപരമായ ബന്ധം ഞാൻ കാത്തുസൂക്ഷിച്ചു. വളരെ ബുദ്ധിമുട്ടുള്ള ഒരു ജോലിയാണ് അദ്ദേഹത്തെ ഏൽപ്പിച്ചിരിക്കുന്നത്, പക്ഷേ അദ്ദേഹത്തിന് വളരെ നന്നായി പ്രവർത്തിക്കാൻ കഴിയും. അദ്ദേഹം വളരെ നല്ല മനുഷ്യനാണ്,” ട്രംപ് പറഞ്ഞു. ഇന്ത്യൻ സമൂഹത്തിൽ നിന്ന് തനിക്ക് ലഭിക്കുന്ന പിന്തുണ വളരെ വലുതാണെന്നും ട്രംപ് പറഞ്ഞു. 2024 ൽ അമേരിക്കൻ പ്രസിഡന്‍റ് സ്ഥാനത്തേക്ക് മത്സരിക്കുമോ എന്ന ചോദ്യത്തിന് താൻ സ്ഥാനാർത്ഥിയായി മത്സരിക്കണമെന്നാണ് എല്ലാവരും ആഗ്രഹിക്കുന്നതെന്നും തീരുമാനം ഉടൻ ഉണ്ടാകുമെന്നും അദ്ദേഹം പറഞ്ഞു. രാജ്യത്തിന്‍റെ ചരിത്രത്തിലെ…

സൂറിക്: ലോക അത്ലറ്റിക്സിലെ ഏറ്റവും മികച്ച അത്ലറ്റുകളുടെ യുദ്ധക്കളമായ ഡയമണ്ട് ലീഗിന്‍റെ ഫൈനലിൽ ഇന്ത്യയുടെ ജാവലിൻ ത്രോ താരം നീരജ് ചോപ്ര ഇന്ന് അങ്കത്തിനിറങ്ങുന്നു. ഇന്ന് ജയിച്ചാൽ 24 കാരനായ നീരജിൻ ഒളിമ്പിക് സ്വർണം പോലെ തിളങ്ങുന്ന ഡയമണ്ട് ലീഗ് ചാമ്പ്യൻ പട്ടം സ്വന്തമാക്കാൻ കഴിയും. ഈ വർഷത്തെ വിവിധ ഡയമണ്ട് ലീഗ് മീറ്റുകളിൽ മികച്ച പ്രകടനം കാഴ്ചവച്ച ആറ് അത്ലറ്റുകൾ ഇന്ന് ജാവലിൻ ഫൈനലിൽ പങ്കെടുക്കുന്നു. നീരജ് (15 പോയിന്‍റ്) പോയിന്‍റ് പട്ടികയിൽ നാലാം സ്ഥാനത്താണ്. ടോക്കിയോ ഒളിമ്പിക്സ് വെള്ളി മെഡൽ ജേതാവ് ചെക്ക് റിപ്പബ്ലിക്കിന്‍റെ യാക്കൂബ് വാൽഡെജ്(27 പോയിന്‍റ്) പട്ടികയിൽ ഒന്നാമതെത്തി. ഇന്നത്തെ മത്സരത്തിലെ പ്രധാന പോരാട്ടം നീരജും യാക്കൂബും തമ്മിലായിരിക്കും. ജാവലിൻ ത്രോയിൽ മാന്ത്രിക സംഖ്യയായ 90 മീറ്റർ കവർ ചെയ്ത ചരിത്രമുള്ള യാക്കൂബ്, നീരജിന്‍റെ ഒന്നാം സ്ഥാനം നേടിയ ലൂസിൻ ഡയമണ്ട് ലീഗ് മീറ്റിൽ രണ്ടാം സ്ഥാനത്തായിരുന്നു. ലോക ചാമ്പ്യൻ ഗ്രനാഡയുടെ ആൻഡേഴ്സൺ പീറ്റേഴ്സ് ഫൈനലിൽ…

മുംബൈ: കേന്ദ്ര ആഭ്യന്തര മന്ത്രി അമിത് ഷായുടെ വാഹനവ്യൂഹം കടന്നുപോകാനായി ആംബുലൻസ് തടഞ്ഞത് വിവാദമായി. എന്നാൽ, ഗുരുതരമായ ആരോഗ്യ പ്രശ്നങ്ങളുള്ള ആരും ആംബുലൻസിൽ ഉണ്ടായിരുന്നില്ലെന്നും സാങ്കേതിക തകരാർ മൂലമാണ് സൈറൺ മുഴങ്ങിയതെന്നും മുംബൈ ട്രാഫിക് പൊലീസ് വ്യക്തമാക്കി. അമിത് ഷായുടെ വാഹനവ്യൂഹം അന്ധേരിയിലൂടെ കടന്നുപോകുമ്പോൾ ആംബുലൻസ് കാത്തുനിൽക്കുന്ന വീഡിയോ തിങ്കളാഴ്ച വ്യാപകമായി പ്രചരിച്ചിരുന്നു. ഇതേതുടർന്ന് സമൂഹമാധ്യമങ്ങളിൽ രൂക്ഷവിമർശനമാണ് ഉയർന്നത്.

തിരുവനന്തപുരം: ഓണാശംസകളുമായി മമ്മൂട്ടി. സാമൂഹിക മാധ്യമങ്ങളില്‍ ആരാധകരുമായി സിനിമയ്ക്ക് അപ്പുറത്തേക്കുള്ള വിശേഷങ്ങള്‍ പങ്കുവയ്ക്കാറുള്ള മമ്മൂട്ടിയുടെ ആശംസകള്‍ ഇതിനോടകം ആരാധകര്‍ ഏറ്റെടുത്തുകഴിഞ്ഞു. ഇളം നീല ഷർട്ടും അതേ ബോർഡറുള്ള മുണ്ടും ധരിച്ചിരിക്കുന്ന ചിത്രമാണ് താരം പങ്കുവച്ചിരിക്കുന്നത്. ചിത്രത്തോടൊപ്പം മമ്മൂട്ടി കുറിച്ചു, ‘എല്ലാവർക്കും എന്‍റെ ഹൃദയംഗമമായ ഓണാശംസകൾ’. താരത്തിന്‍റെ ഫോട്ടോയും ആശംസകളും ഇതിനോടകം തന്നെ വൈറലായിക്കഴിഞ്ഞു. നിരവധി പേരാണ് താരത്തിന് ആശംസകൾ നേർന്ന് കമന്‍റ് ബോക്സിൽ എത്തിയത്. അതേ സമയം മമ്മൂട്ടിയുടെ പുതിയ ചിത്രം റോഷാക്ക് ഉടൻ റിലീസിന് തയ്യാറെടുക്കുകയാണ്. ഈ മാസം 29ന് റിലീസ് ചെയ്യുമെന്നാണ് പ്രതീക്ഷിക്കുന്നത്. ഇന്നലെ റിലീസ് ചെയ്ത ചിത്രത്തിന്‍റെ ട്രെയിലറിന് മികച്ച പ്രതികരണമാണ് ലഭിച്ചത്. ത്രില്ലർ വിഭാഗത്തിൽ പെടുന്ന ചിത്രം നിർമ്മിക്കുന്നത് മമ്മൂട്ടിയുടെ കമ്പനിയാണ്. സമീർ അബ്ദുൾ ആണ് ചിത്രത്തിന്‍റെ തിരക്കഥ ഒരുക്കുന്നത്.

കൊച്ചി: പായസമില്ലാതെ എന്ത് ഓണസദ്യ. പലട, ഗോതമ്പ്, അടപ്രഥമൻ, പരിപ്പ്, സേമിയ, പഴം തുടങ്ങിയ പായസങ്ങളാണ് ഇത്തവണയും പ്രധാനം. തിരുവോണ ദിവസം മാത്രം 10 ലക്ഷം ലിറ്റർ പായസമാണ് കേരളത്തിൽ വിളമ്പുന്നത്. ഇത് ഏകദേശം 20 കോടി രൂപ വരും. 50 ലക്ഷം ലിറ്റർ പായസം ഇത്തവണ കേരളം കുടിക്കും. ഏകദേശം 100 കോടി രൂപയുടെ ബിസിനസ്. വിവിധ തരം പായസങ്ങൾ ഉണ്ടെങ്കിലും ഓണത്തിന് ഡൈനിംഗ് ടേബിളിൽ ഏറ്റവും സാധാരണമായവയാണ് പലടയും പരിപ്പ് പായസവും. ഇവയിൽ, വിൽപ്പനയിൽ പാലടയാണ് മുന്നിൽ. കൊവിഡ് പ്രതിസന്ധിക്ക് ശേഷമുള്ള ആഘോഷമായതിനാൽ അത്തം മുതൽ പായസത്തിന് ഡിമാൻഡ് വർദ്ധിച്ചിട്ടുണ്ട്. കാറ്ററിംഗ് മേഖലയിലുള്ളവരുടെ അഭിപ്രായത്തിൽ പായസത്തിന്‍റെ വിൽപ്പന കഴിഞ്ഞ വർഷത്തേക്കാൾ ഇത്തവണ മെച്ചപ്പെട്ടു. അരലിറ്ററും ഒരു ലിറ്റർ പായസവുമാണ് കൂടുതലും വിൽക്കുന്നത്. ഹോട്ടൽ, കാറ്ററിങ്, റസിഡൻറ്‌സ്‌ അസോസിയേഷനുകൾ തുടങ്ങി ബേക്കറികളിലടക്കം പായസം വിൽക്കുന്നുണ്ട്. കൂടാതെ, റോഡരികിൽ ഗ്ലാസിന് 30-50 രൂപ നിരക്കിൽ വിവിധ തരം പായസം ലഭ്യമാണ്.

ശബരിമല: വ്യാഴാഴ്ച സന്നിധാനത്ത് ഭക്തർക്കായി തിരുവോണ സദ്യ നടക്കും. ദേവസ്വം ജീവനക്കാരാണ് തിരുവോണ സദ്യ നടത്തുന്നത്. മേൽശാന്തി എൻ.പരമേശ്വരൻ നമ്പൂതിരി ഉത്രാടസദ്യ ബുധനാഴ്ച നടത്തി. ഉച്ചപൂജയ്ക്കുശേഷം തന്ത്രി കണ്ഠരർ മഹേശ്വർ മോഹനർ വിളക്കിന് മുന്നിൽ ഇലവെച്ച് ആദ്യം അയ്യപ്പന് വിളമ്പി. എല്ലാ ഭക്തർക്കും വിരുന്നുണ്ട്. അവിട്ടം ദിനത്തിലും ചതയം ദിനത്തിലും സന്നിധാനത്ത് ഓണസദ്യയുണ്ട്. സന്നിധാനത്ത് ശാന്തിമാരുടെയും ദേവസ്വം ജീവനക്കാരുടെയും നേതൃത്വത്തിൽ പൂക്കളമൊരുക്കി.

തിരുവോണ നാളിൽ സംസ്ഥാനത്ത് ഇന്ന് ബാങ്കുകൾ പ്രവർത്തിക്കില്ല. ഇന്നലെയും ബാങ്ക് അടച്ചിരുന്നു. അതേസമയം, ബാങ്കുകൾ നാളെ തുറന്ന് പ്രവർത്തിക്കും. നാലാം ഓണദിനമായ ശനിയാഴ്ചയും ബാങ്ക് അടച്ചിടും. അതിനാൽ, അവശ്യ സേവനങ്ങൾ നിർവഹിക്കേണ്ടവർ വെള്ളിയാഴ്ച ബാങ്കുകളിൽ എത്തണം. അതേസമയം, ഓണം പ്രമാണിച്ച് ബെവ്കോ ഔട്ട്ലെറ്റുകൾ ഇന്ന് അടച്ചിടും. എന്നാൽ സംസ്ഥാനത്തെ ബാറുകളിൽ ഇന്ന് മദ്യം വിൽക്കും.

ന്യൂഡൽഹി: രാഷ്ട്രപതി ദ്രൗപദി മുർമുവും പ്രധാനമന്ത്രി നരേന്ദ്ര മോദിയും ഓണത്തോടനുബന്ധിച്ച് മലയാളത്തിൽ ആശംസകൾ നേർന്നു. സമത്വത്തിന്‍റെയും നീതിയുടെയും സത്യത്തിന്‍റെയും ആഘോഷമാണ് ഓണമെന്ന് രാഷ്ട്രപതി ട്വീറ്റ് ചെയ്തു. രാഷ്‌ട്രപതി ദ്രൗപതി മുർമുവിന്റെ ട്വീറ്റ് – “എല്ലാ സഹപൗരന്മാർക്കും, വിശേഷിച്ചും മലയാളി സഹോദരങ്ങൾക്ക് ഓണാശംസകൾ നേരുന്നു. വിളവെടുപ്പിന്റെ ഉത്സവമായ ഓണം സമത്വത്തിന്റെയും നീതിയുടെയും സത്യത്തിന്റെയും ആഘോഷം കൂടിയാണ്. ഈ ഉത്സവത്തിന്റെ ചൈതന്യം സാമൂഹ്യമൈത്രി ശക്തിപ്പെടുത്തുകയും ഏവർക്കും സമാധാനവും സമൃദ്ധിയും കൈവരുത്തുകയും ചെയ്യട്ടെ.” “ഏവർക്കും, പ്രത്യേകിച്ച് കേരളത്തിലെ ജനങ്ങൾക്കും ലോകമെമ്പാടുമുള്ള മലയാളി സമൂഹത്തിനും ഓണാശംസകൾ. ഈ ഉത്സവം പ്രകൃതി മാതാവിന്റെ സുപ്രധാന പങ്കിനെയും നമ്മുടെ കഠിനാധ്വാനികളായ കർഷകരുടെ പ്രാധാന്യത്തെയും വീണ്ടും ഉറപ്പിക്കുന്നു. ഓണം നമ്മുടെ സമൂഹത്തിൽ ഐക്യത്തിന്റെ ചൈതന്യം വർധിപ്പിക്കട്ടെ”– പ്രധാനമന്ത്രി ട്വീറ്റ് ചെയ്തു.