Author: News Desk

കൊല്‍ക്കത്ത: ബിഹാർ മുഖ്യമന്ത്രി നിതീഷ് കുമാർ, ജാർഖണ്ഡ് മുഖ്യമന്ത്രി ഹേമന്ത് സോറൻ, എന്നിവരും മറ്റ് ചില നേതാക്കളും ചേർന്ന് 2024 ലെ ലോക്സഭാ തിരഞ്ഞെടുപ്പിൽ പ്രതിപക്ഷ മുന്നണി രൂപീകരിക്കാൻ തയ്യാറാണെന്ന് പശ്ചിമ ബംഗാൾ മുഖ്യമന്ത്രി മമത ബാനർജി. കൊൽക്കത്തയിൽ തൃണമൂൽ കോൺഗ്രസ് പരിപാടിയെ അഭിസംബോധന ചെയ്ത് സംസാരിക്കുകയായിരുന്നു മമത. ‘ഖേല ഹോബ്’ എന്ന മുദ്രാവാക്യവുമായാണ് തൃണമൂൽ കോൺഗ്രസ് ബിജെപിക്കെതിരെ പ്രചാരണം നടത്തുന്നത്. ഞാനും നിതീഷ് കുമാറും ഹേമന്ത് സോറനും അഖിലേഷ് യാദവും ഉൾപ്പെടെയുള്ളവർ 2024 ൽ ഒന്നിക്കും. ബിജെപിയെ പരാജയപ്പെടുത്താൻ എല്ലാ പ്രതിപക്ഷ പാർട്ടികളും കൈകോർക്കും. നാമെല്ലാവരും ഒരു വശത്തും ബി.ജെ.പി മറുവശത്തുമായിരിക്കും. ബി.ജെ.പിയുടെ 300 സീറ്റുകളുടെ അഹങ്കാരം അതിന്‍റെ ശത്രുവായിരിക്കും. 2024 ൽ ‘ഖേല ഹോബ്’ ഉണ്ടാകും, മമത പറഞ്ഞു. ബി.ജെ.പിയുടെ ധാർഷ്ട്യപരമായ സമീപനത്തിൽ ജനങ്ങൾ രോഷാകുലരാണെന്നും മമത പറഞ്ഞു. കുതിരക്കച്ചവടത്തിലൂടെ ജാർഖണ്ഡ് സർക്കാരിനെ അട്ടിമറിക്കാനുള്ള നീക്കം തടഞ്ഞത് പശ്ചിമ ബംഗാൾ സർക്കാരാണെന്നും മമത അവകാശപ്പെട്ടു. ജാർഖണ്ഡിൽ നിന്നുള്ള മൂന്ന്…

കാസർഗോഡ്: കാസർകോട് ചെറുവത്തൂരിൽ അപകടത്തിൽപ്പെട്ട കാറിൽ നിന്ന് എം.ഡി.എം.എ പിടിച്ചെടുത്തു. 23 ഗ്രാം എംഡിഎംഎയാണ് പിടികൂടിയത്. സംഭവുമായി ബന്ധപ്പെട്ട് കമ്പാർപ്പള്ളം സ്വദേശി ഇതിൻകുഞ്ഞിനെ അറസ്റ്റ് ചെയ്തു. വാഹന പരിശോധനയ്ക്കിടെ നിർത്താതെ പോയ കാറാണ് അപകടത്തിൽ പെട്ടത്.

ആലപ്പുഴ: സംവിധായകൻ മേജർ രവി 2.07 കോടി രൂപ തട്ടിയെടുത്തെന്ന് ആരോപണം. കാക്കാഴത്തു പ്രവര്‍ത്തിക്കുന്ന സ്വകാര്യ ആയുര്‍വേദ സ്ഥാപനത്തിന്റെ ഡയറക്ടറായ അമ്പലപ്പുഴ പന്ത്രണ്ടില്‍ച്ചിറ എം. ഷൈനാണ് മേജര്‍ രവിയടക്കം രണ്ടു പേര്‍ക്കെതിരേ പരാതി നല്‍കിയത്. തണ്ടർ ഫോഴ്സ് എന്ന സെക്യൂരിറ്റി കമ്പനിയുടെ എം.ഡി. അനിൽകുമാറും കമ്പനി ഡയറക്ടറായ മേജർ രവിയും ചേർന്ന് പണം തട്ടിയെടുത്തെന്നാണ് ഷൈൻ ആലപ്പുഴ ജില്ലാ പൊലീസ് മേധാവിക്ക് നൽകിയ പരാതിയിൽ പറയുന്നത്.

ചിറയിൻകീഴ്: അഞ്ചുതെങ്ങ് മുതലപ്പൊഴി തുറമുഖ കേന്ദ്രത്തിന് സമീപം പെരുമാതുറയിൽ ബോട്ടപകടത്തിൽ കാണാതായവരിൽ ഒരാളുടെ മൃതദേഹം കണ്ടെത്തി. വിഴിഞ്ഞത്ത് കണ്ടെത്തിയ മൃതദേഹം വർക്കല രാമന്തളി സ്വദേശി അബ്ദുൾ സമദിന്‍റെ (50) മൃതദേഹമാണെന്ന് ബന്ധുക്കൾ തിരിച്ചറിഞ്ഞു. ഇതോടെ പെരുമാതുറയിലുണ്ടായ ബോട്ടപകടത്തിൽ മരിച്ചവരുടെ എണ്ണം മൂന്നായി. വർക്കല സ്വദേശി ഷാനവാസ്, നിസാം എന്നിവരും മരിച്ചിരുന്നു. അപകടത്തിൽപ്പെട്ട ബോട്ടിന്റെ ഉടമ വർക്കല ചിലക്കൂർ സ്വദേശി കഹാറിന്റെ മക്കളും വിദ്യാർഥികളുമായ മുഹമ്മദ് ഉസ്മാൻ (19), മുഹമ്മദ് മുസ്തഫ (16) എന്നിവരെയും കാണാതായിട്ടുണ്ട്. മത്സ്യബന്ധനം കഴിഞ്ഞ് മടങ്ങിയെത്തിയ ബോട്ട് പെട്ടെന്നുള്ള കാറ്റിലും മഴയിലും തകർന്ന് മുങ്ങുകയായിരുന്നു. ചെറുവള്ളങ്ങൾ ബോട്ടിലുണ്ടായിരുന്ന മത്സ്യവുമായി മടങ്ങിയ ഉടനെയാണ് ദുരന്തമുണ്ടായത്.

മുല്ലപ്പൂവിന് പൊന്നും വില. വീട്ടുമുറ്റത്ത് നമ്മൾ വളർത്തിയിരുന്ന മുല്ലപ്പൂവിന്‍റെ ഓണക്കാലത്തെ വില കേട്ടാൽ ഞെട്ടിപ്പോകും. ഇന്നലെ ഒരു കിലോ മുല്ലപ്പൂവിന്‍റെ വില 4,000 രൂപയായിരുന്നു. ഒരു മുഴത്തിന് നൂറു രൂപ. ഓണാഘോഷം ആരംഭിച്ചതിന് ശേഷമാണ് പൂവിന്‍റെ വില ഇത്രയധികം വർദ്ധിച്ചത്. ചിങ്ങമാസാവസാനമായപ്പോഴേക്കും മുല്ലപ്പൂവിന്‍റെ ആവശ്യം വർദ്ധിച്ചു. മാത്രവുമല്ല, ഓണപ്പൂക്കൾ പുറത്തുനിന്നാണ് ഇവിടേക്ക് കൊണ്ടുവരുന്നത്. നിലവിൽ കേരളത്തിൽ ഒരിടത്തും മുല്ലപ്പൂ കൃഷിയില്ല. തമിഴ്നാട്ടിൽ നിന്നാണ് മുല്ലപ്പൂക്കൾ ഇവിടേക്ക് കൊണ്ടുവരുന്നത്. ഇത്തവണ കേരളത്തിനൊപ്പം തമിഴ്നാട്ടിലും പെയ്ത കനത്ത മഴയിൽ പലയിടത്തും പൂക്കൃഷി നശിച്ചു. ഇതെല്ലാം മുല്ലപ്പൂവിന്‍റെ ഇപ്പോഴത്തെ വിലക്കയറ്റത്തിന് കാരണമായി. ദിവസങ്ങളുടെ വ്യത്യാസത്തിൽ മുല്ലപ്പൂവിന്‍റെ വില കിലോഗ്രാമിന് 3,000 രൂപയിൽ നിന്ന് 4,000 രൂപയായി ഉയർന്നു. തമിഴ്നാട്ടിൽ നിന്ന് പാലക്കാട് വഴിയാണ് മുല്ലപ്പൂ പ്രധാനമായും കേരളത്തിലേക്ക് എത്തുന്നത്. അവിടെ ഉത്പാദനം കുറഞ്ഞതും മഴമൂലം പൂക്കൃഷി നശിച്ചതുമാണ് വിലക്കയറ്റത്തിന്‍റെ പ്രധാന കാരണം. വിള നശിച്ചതിനാൽ പൂക്കളുടെ ലഭ്യതക്കുറവുണ്ട്. മഴ കാരണം മുല്ലമൊട്ടുകൾ പൊടുന്നനെ ക്ഷയിച്ചതും തിരിച്ചടിയായി.

തിരുവനന്തപുരം: മുഖ്യമന്ത്രി പിണറായി വിജയൻ കുടുംബത്തോടൊപ്പം ഓണം ആഘോഷിച്ചു. മുഖ്യമന്ത്രി വെള്ള മുണ്ടും ഷർട്ടും ധരിച്ചപ്പോൾ ഭാര്യയും മക്കളും ഉൾപ്പെടെ മറ്റെല്ലാവരും ചുവപ്പും വെള്ളയും ചേർന്ന ഡ്രസ് കോഡിലാണ് ഓണം ആഘോഷിച്ചത്. ഭാര്യ കമല, മകൾ വീണ, മകൻ വിവേക് കിരൺ, കൊച്ചുമകൻ ഇഷാൻ, മരുമകനും മന്ത്രിയുമായ മുഹമ്മദ് റിയാസ് എന്നിവർക്കൊപ്പം ഓണക്കോടിയിൽ മുഖ്യമന്ത്രി നിൽക്കുന്ന ചിത്രം മുഹമ്മദ് റിയാസാണ് പങ്കുവച്ചത്. മകനും മരുമകനും കൊച്ചുമകനും ചുവപ്പ് കുർത്തയും മുണ്ടും ഉടുത്താണ് ഒപ്പം ചേർന്നത്. പോസ്റ്റിനു താഴെ നടനും എംഎൽഎയുമായ മുകേഷ് ഉൾപ്പെടെയുള്ളവർ ആശംസകളുമായി എത്തിയിട്ടുണ്ട്.

മുംബൈ: ടാറ്റാ സൺസ് മുൻ ചെയർമാൻ സൈറസ് മിസ്ത്രി വാഹനാപകടത്തിൽ മരിച്ച സംഭവത്തിൽ മെഴ്സിഡസ് തങ്ങളുടെ അന്വേഷണ റിപ്പോർട്ട് പാൽഘർ പൊലീസിന് കൈമാറി. അപകടത്തിന് അഞ്ച് സെക്കൻഡ് മുമ്പ് വരെ അദ്ദേഹം സഞ്ചരിച്ചിരുന്ന ബെൻസ് കാർ മണിക്കൂറിൽ 100 കിലോമീറ്റർ വേഗതയിലായിരുന്നു എന്നാണ് കമ്പനിയുടെ റിപ്പോർട്ടിൽ പറയുന്നത്. റീജിയണൽ ട്രാൻസ്പോർട്ട് ഓഫീസും പ്രാഥമിക അന്വേഷണ റിപ്പോർട്ട് പൊലീസിന് കൈമാറിയിട്ടുണ്ട്. അഹമ്മദാബാദിൽ നിന്ന് മുംബൈയിലേക്ക് പോകുകയായിരുന്ന മിസ്ത്രിയും മറ്റ് മൂന്ന് പേരും സഞ്ചരിച്ചിരുന്ന കാർ അപകടത്തിൽ പെടുകയായിരുന്നു. ഗൈനക്കോളജിസ്റ്റ് അനഹിത പാണ്ഡോല ഓടിച്ചിരുന്ന കാർ നിയന്ത്രണം വിട്ട് ഡിവൈഡറിൽ ഇടിക്കുകയായിരുന്നു. കാറിന്‍റെ പിൻസീറ്റിൽ ഇരിക്കുകയായിരുന്ന മിസ്ത്രി, അനഹിതയുടെ ഭർതൃ സഹോദരൻ ജഹാംഗീർ പാണ്ഡോല എന്നിവരാണ് മരിച്ചത്. മുൻസീറ്റിലുണ്ടായിരുന്ന അനഹിതയും ഭർത്താവ് ഡാരിയസ് പാണ്ഡോലയും പരിക്കേറ്റ് ചികിത്സയിലാണ്. അപകടത്തിന് അഞ്ച് സെക്കൻഡ് മുമ്പ് വാഹനത്തിന്‍റെ വേഗത മണിക്കൂറിൽ 100 കിലോമീറ്ററായിരുന്നുവെന്ന് മെഴ്സിഡസ് ബെൻസ് റിപ്പോർട്ടിൽ പറയുന്നു. അനഹിത ബ്രേക്ക് പ്രയോഗിച്ചതോടെ വേഗത മണിക്കൂറിൽ 89…

ധുംക: ജാർഖണ്ഡിലെ ഹേമന്ത് സോറൻ മന്ത്രിസഭ രാഷ്ട്രീയ പ്രതിസന്ധി നേരിടുന്നതിനിടെ ഹേമന്ത് സോറന്‍റെ സഹോദരനും ധുംക എംഎൽഎയുമായ ബസന്ത് സോറന്റെ വിവാദ പ്രസ്താവന. ഭരണസഖ്യത്തിലെ പ്രധാന കക്ഷിയായ ജാർഖണ്ഡ് മുക്തി മോർച്ച മറ്റ് പാർട്ടികളുമായി സഖ്യമുണ്ടാക്കാൻ ശ്രമിക്കുന്നുവെന്ന റിപ്പോർട്ടുകൾക്ക് പിന്നാലെയായിരുന്നു എന്തിനാണ് ഡൽഹിയിലേക്ക് പോയതെന്ന മാധ്യമപ്രവർത്തകരുടെ ചോദ്യം. അടിവസ്ത്രം വാങ്ങാൻ പോയതാണെന്നായിരുന്നു ബസന്ത് സോറന്‍റെ മറുപടി. “ഞങ്ങൾ പതിവായി ഡൽഹിയിൽ നിന്നാണ് അടിവസ്ത്രങ്ങൾ വാങ്ങുന്നത്. പുതിയ അടിവസ്ത്രങ്ങൾ ആവശ്യമായതിനാൽ വാങ്ങാൻ പോയതാണ്” സോറൻ പറഞ്ഞു. ധുംകയിൽ ബലാത്സംഗത്തിനിരയായി കൊല്ലപ്പെട്ട പെൺകുട്ടികളുടെ വീട് സന്ദർശിക്കവെയായിരുന്നു എംഎൽഎയുടെ പരാമർശം. സംഭവം നടന്ന് ദിവസങ്ങൾ കഴിഞ്ഞിട്ടും കൊല്ലപ്പെട്ട പെൺകുട്ടികളുടെ വീട് എം.എൽ.എ സന്ദർശിക്കാത്തതിൽ രാഷ്ട്രീയ വിവാദം ഉയർന്നതിന് പിന്നാലെയായിരുന്നു ബസന്ത് സോറന്‍റെ ധുംക സന്ദർശനം. ധുംകയിൽ മാത്രമല്ല രാജ്യത്തിന്‍റെ പല ഭാഗങ്ങളിലും ബലാത്സംഗവും കൊലപാതകവും നടക്കുന്നുണ്ടെന്ന ബസന്തിന്‍റെ പ്രസ്താവന വിവാദമായിരുന്നു. ജാർഖണ്ഡിൽ ഹേമന്ത് സോറൻ മന്ത്രിസഭ വിശ്വാസവോട്ടെടുപ്പിൽ വിജയിക്കുകയും സഭയിൽ ഭൂരിപക്ഷം തെളിയിക്കുകയും ചെയ്തതോടെ സംസ്ഥാനത്ത്…

തിരുവനന്തപുരം: വിവിധ സർക്കാർ വകുപ്പുകൾക്ക് പുതിയ കാറുകൾ വാങ്ങുന്നതിന് നിയന്ത്രണം ഏർപ്പെടുത്തുമെന്ന് മന്ത്രി കെ.എൻ. ബാലഗോപാൽ. എല്ലാവർക്കും വലിയ കാറുകൾ ആവശ്യമില്ല. യാത്ര ചെയ്യുന്ന ദൂരം കൂടി പരിഗണിച്ച ശേഷമേ ഇനി വാഹനങ്ങൾ അനുവദിക്കൂ. നിലവില്‍ എല്ലാവരും വലിയ വാഹനങ്ങള്‍ വാങ്ങാന്‍ അനുമതി തേടുന്ന നിലയാണെന്നും മന്ത്രി ചൂണ്ടിക്കാട്ടി. ഈ രീതി അവസാനിപ്പിക്കും. ഇക്കാര്യത്തിൽ വ്യക്തത വരുത്തി ധനവകുപ്പ് ഉടൻ പ്രത്യേക ഉത്തരവ് പുറപ്പെടുവിക്കുമെന്നും അദ്ദേഹം പറഞ്ഞു. കെ.എസ്.ആർ.ടി.സിയെ കൈവിടില്ലെന്നും സർക്കാർ അതിനെ സംരക്ഷിക്കുന്നത് തുടരുമെന്നും ധനമന്ത്രി പറഞ്ഞു. എന്നിരുന്നാലും, കെ.എസ്.ആർ.ടി.സി ധനകാര്യ മാനേജ്മെന്‍റിൽ ശ്രദ്ധ കേന്ദ്രീകരിക്കണം. നിലവിൽ നടപ്പിലാക്കുന്ന പരിഷ്കാരങ്ങൾ കെ.എസ്.ആർ.ടി.സിക്ക് ഗുണം ചെയ്യുമെന്നും അദ്ദേഹം പറഞ്ഞു. സംസ്ഥാനത്തിന്‍റെ നിലവിലെ സാമ്പത്തിക സ്ഥിതിയിൽ ആശങ്കയുണ്ടെന്നും എന്നാൽ കാര്യങ്ങൾ അപകടകരമായ നിലയിലേക്ക് എത്തിയിട്ടില്ലെന്നും ധനമന്ത്രി കൂട്ടിച്ചേർത്തു.

തിരുവനന്തപുരം: മധ്യ-പടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം അടുത്ത 48 മണിക്കൂറിനുള്ളിൽ കൂടുതൽ ശക്തിപ്രാപിക്കാൻ സാധ്യത. തൽഫലമായി, അടുത്ത അഞ്ച് ദിവസത്തേക്ക് കേരളത്തിൽ വ്യാപകമായ മഴയ്ക്കും ഒറ്റപ്പെട്ട കനത്ത മഴയ്ക്കും സാധ്യതയുണ്ട്. ഇതേതുടർന്ന് കേന്ദ്ര കാലാവസ്ഥാ വകുപ്പ് പല ജില്ലകളിലും യെല്ലോ അലർട്ട് പ്രഖ്യാപിച്ചു. യെല്ലോ അലർട്ട് പ്രഖ്യാപിച്ച ജില്ലകൾ; വ്യാഴാഴ്ച (08-09-2022): മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്. വെള്ളി (09-09-2022): തൃശ്ശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർഗോഡ്. ശനി (10-09-2022): തൃശ്ശൂർ, മലപ്പുറം, കോഴിക്കോട്, കണ്ണൂർ, കാസർഗോഡ്. ഞായർ (11-09-2022): മലപ്പുറം, കോഴിക്കോട്, കണ്ണൂർ, കാസർഗോഡ്. തിങ്കൾ (12-09-2022): കോഴിക്കോട്, കണ്ണൂർ, കാസർഗോഡ്.